ايه فوايد القهوة للشعر؟

ماسك القهوة بيحفز جذور الشعر وبيحسن من ملمسه، ده بيقلل تساقط الشعر ويزود نموه. بيقلل من تشابك الشهر وبيخلي خصلات الشعر أقوى وأنعم. القهوة بتشتغل كمقشر لفروة الرأس، وبالتالي بتساعدك تتخلصي من تراكم المنتجات على فروة الرأس وبتحافظ على نظافتها. القهوة غنية بمادة الـ فيتوسترولس Phytosterols، واللي مع تدليكها في فروة الرأس بتنشط الدورة الدموية وبتقلل التساقط. ممكن مع خلطها مع البلسم، بتقوي تأثيره المرطب وبتغذي خصلات الشعر. أفضل نوع قهوة ممكن تستخدميه لشعرك هو القهوة الأورجانيك اللي مفيش فيها أي مواد حافظة. بتعالج بهتان الشعر وجفافه، لأنها بتحتوي على الـ Flavonoid اللي بتشتغل كمضادات أكسدة، بتحافظ على صحة الشعر وتزود لمعانه. الكافيين اللي في القهوة بينشط الدورة الدموية وبيزود قدرتها على توصيل العناصر الغذائية لجذور الشعر، ده بيخلي شعرك صحي أكتر وبيزود لمعانه.

ايه فوايد العسل للشعر؟

العسل بالأساس مادة مرطبة، ده بيقوي من تأثير الترطيب في الشعر، وبيسهل التحكم والتعامل معاه. مضاد للأكسدة، بيخلي فروة رأسك صحية أكتر وبيحفز نمو الشعر. غني بالفيتامينات والمعادن، وجوده في روتين العناية بشعرك هيخلي شعرك بيلمع أكتر وصحي أكتر. بيقوي بصيلات الشعر، وبيحفز من نمو الشعر. قدرته القوية في الحفاظ على الرطوبة في شعرك، بيسهل من ستايلنج الشعر وبيقلل من التساقط اللي بيحصل أثناء العملية دي. العسل مطهر ومضاد للبكتيريا، ده هيمنع التهابات كتير في فروة رأسك وهيحافظ عليها نظيفة من غير أي التهابات أو قشرة.

ايه فوايد زيت الزيتون للشعر؟

بيرطب الشعر، ده نتيجة لأنه بيحتوي على حمض الأوليك Oleic Acid، وده بيساعد في ترطيب الشعر من الجذور للأطراف. كمان بيحتوي على الـ Squalane و هو نوع تاني من المرطبات، المعروف بترطيبه القوي لخصلات الشعر. بيمنع تقصف الشعر، لأنه مرطب قوي فده بيقوي الشعر ويزود مرونته ويمنع تقصفه، لكن لو التقصف حصل بالفعل فمش هيقدر يعالجه للأسف. بيحفز نمو الشعر، في دراسة معمولة سنة 2015 بتقول أن مكون الأوليوروبين oleuropein ممكن يحفز نمو الشعر، لكن ده لم يثبت علميا في التجارب الاكلينيكية. بيحتوي على فيتامين E اللي بيساعد في تنعيم الشعر وبيقلل من هيشانه، وده بيدي الشعر لوك صحي. بيحتوي على مضادات للأكسدة، بتحسن من صحة فروة الشعر. لو شعرك في قشرة، يفضل أنك متستخدميش زيت الزيتون غير بعد ما تعالجي القشرة تماما، خصوصا لو قشرة دهنية أو ناتجة عن الفطريات. لو شعرك دهني بطبيعته، زيت الزيتون ممكن يتقل شعرك ويخلي ملمسه دهني. لو هتستخدمي حرارة، بلاش تستخدمي زيت الزيتون كواقي من الحرارة، لأنه ممكن يعمل دخان كتير و هيتكسر ويكون جذور حرة ممكن تسبب الضرر لشعرك.

اشتركي في برنامج العينات المجانية من VouA عشان يوصلك منتجات كتير تجربيها و تحكيلنا تجربتك سجلي هنا

رطبي شعرك بماسك القهوة والعسل وزيت الزيتون

Q: ايه فائدة ماسك القهوة والعسل؟

الماسك ده ماسك مرطب بالأساس، لأن زيت الزيتون والعسل هما مكونات بتحافظ على ترطيب الشعر. كمان بيقلل من التساقط لأن القهوة بتحتوي على الكافيين اللي بيعالج تساقط الشعر.

عدد المكونات : 3

وقت التحضير: 15دقائق

قهوة أورجانيك.
عسل أبيض.
زيت زيتون معصور على البارد

نوع الشعر:

طبيعة الشعر:

الهدف من ماسك القهوة

ماسك القهوة والعسل وزيت الزيتون هو ماسك مرطب بالأساس، لأن زيت الزيتون والعسل هما مكونات بتحافظ على ترطيب الشعر.

كمان بيقلل من التساقط لأن القهوة بتحتوي على الكافيين اللي بيعالج تساقط الشعر.

تحذيرات من ماسك القهوة

مفيش اي تحذيرات

طريقة تحضير ماسك القهوة

ايه هي طريقة عمل ماسك القهوة والعسل؟

هناخد ملعقة كبيرة من القهوة.
هنضيف ملعقة كبيرة من العسل.
هنضيف كمان ملعقة من زيت الزيتون ويفضل يكون زيت زيتون بكر أو معصور على البارد.
اخلطي كل المكونات مع بعضها لحد ما توصل لعجينة قوامها زي قوام حمام الكريم.

خطوات استخدام ماسك القهوة

ازاي تستخدمي ماسك القهوة؟

ابدأي وزعي الخليط ده على شعرك من الجذور للأطراف واتاكدي أن كل الشعر اتغطى تماما بالخليط ده.
غطي شعرك وسيبيه لمدة نص ساعة تقريبا أو مدة أطول.
ابدأي اغسلي شعرك بالشامبو المناسب واتاكدي أن كل الماسك نزل من شعرك.
استخدمي بلسم مناسب لنوع شعرك لمدة 5 -10 دقايق على أطراف الشعر واغسليه بعدها كويس.
ممكن تكرري الماسك ده كل أسبوع أو كل أسبوعين.

فوايد القهوة للشعر

ايه هي فوائد ماسك القهوة؟

ماسكات القهوة بتحفز جذور الشعر وبتحسن من ملمسه، وده بيقلل تساقط الشعر ويزود نموه.
ماسك القهوة للشعر بيقلل من تشابك الشعر وبيخلي خصلات الشعر أقوى وأنعم.
القهوة بتشتغل كمقشر لفروة الرأس، علشان كده ماسك القهوة هيساعدك تتخلصي من تراكم المنتجات على فروة الرأس وتحافظي على نظافتها.
القهوة غنية بمادة الـ فيتوسترولس Phytosterols، واللي مع تدليكها في فروة الرأس بتنشط الدورة الدموية وبتقلل التساقط.
ممكن مع خلطها مع البلسم، بتقوي تأثيره المرطب وبتغذي خصلات الشعر.
أفضل نوع قهوة ممكن تستخدميه لشعرك هو القهوة الأورجانيك اللي مفيش فيها أي مواد حافظة.
بتعالج بهتان الشعر وجفافه، لأنها بتحتوي على الـ Flavonoid اللي بتشتغل كمضادات أكسدة، بتحافظ على صحة الشعر وتزود لمعانه.
الكافيين اللي في القهوة بينشط الدورة الدموية وبيزود قدرتها على توصيل العناصر الغذائية لجذور الشعر، ده بيخلي شعرك صحي أكتر وبيزود لمعانه.

تساقط الشعر ممكن يحصل أحيانا بسبب أن هرمون ديهدروتستوستيرون (DHT) بيسبب تلف في بصيلات الشعر وبيخلي الشعر يتساقط.
في دراسة اتعملت سنة 2007 بتقول أن الكافيين ممكن يساعد في منع تأثير DHT في بصيلات الشعر والتالي يقلل التساقط.
ماسك القهوة هيكون مناسب مع الشعر الجاف والشعر العادي لكن ممكن يكون تقيل على فروة الشعر الدهني، وممكن تعملي ماسك القهوة قبل روتين العناية بالشعر الجاف لو شعرك جاف (هتلاقي الروتين هنا)، أو تعمليه قبل روتين الشعر العادي لو شعرك عادي (هتلاقي الروتين هنا).

فوايد العسل للشعر

ايه فوائد العسل في ماسك القهوة؟

العسل بالأساس مادة مرطبة، ده بيقوي من تأثير الترطيب في الشعر، وبيسهل التحكم والتعامل معاه.
مضاد للأكسدة، بيخلي فروة رأسك صحية أكتر وبيحفز نمو الشعر.
غني بالفيتامينات والمعادن، وجوده في روتين العناية بشعرك هيخلي شعرك بيلمع أكتر وصحي أكتر.
بيقوي بصيلات الشعر، وبيحفز من نمو الشعر.
قدرته القوية في الحفاظ على الرطوبة في شعرك، بيسهل من ستايلنج الشعر وبيقلل من التساقط اللي بيحصل أثناء العملية دي.
العسل مطهر ومضاد للبكتيريا، ده هيمنع التهابات كتير في فروة رأسك وهيحافظ عليها نظيفة من غير أي التهابات أو قشرة.

ولو شعرك ضعيف جدا هيكون الماسك بيساعد لكن مش كافي تعمليه لوحده، ممكن تحددي روتين ثابت لشعرك حسب نوعه علشان تحافظي عليه أكتر.

فوايد زيت الزيتون للشعر

ايه فوائد زيت الزيتون في ماسك القهوة؟

بيرطب الشعر، ده نتيجة لأنه بيحتوي على حمض الأوليك Oleic Acid، وده بيساعد في ترطيب الشعر من الجذور للأطراف.
كمان بيحتوي على الـ Squalane و هو نوع تاني من المرطبات، المعروف بترطيبه القوي لخصلات الشعر.
بيمنع تقصف الشعر، لأنه مرطب قوي فده بيقوي الشعر ويزود مرونته ويمنع تقصفه، لكن لو التقصف حصل بالفعل فمش هيقدر يعالجه للأسف.
بيحفز نمو الشعر، في دراسة معمولة سنة 2015 بتقول أن مكون الأوليوروبين oleuropein ممكن يحفز نمو الشعر، لكن ده لم يثبت علميا في التجارب الاكلينيكية.
بيحتوي على فيتامين E اللي بيساعد في تنعيم الشعر وبيقلل من هيشانه، وده بيدي الشعر لوك صحي.
بيحتوي على مضادات للأكسدة، بتحسن من صحة فروة الشعر.
لو شعرك في قشرة، يفضل أنك متستخدميش زيت الزيتون غير بعد ما تعالجي القشرة تماما، خصوصا لو قشرة دهنية أو ناتجة عن الفطريات.
لو شعرك دهني بطبيعته، زيت الزيتون ممكن يتقل شعرك ويخلي ملمسه دهني.
لو هتستخدمي حرارة، بلاش تستخدمي زيت الزيتون كواقي من الحرارة، لأنه ممكن يعمل دخان كتير و هيتكسر ويكون جذور حرة ممكن تسبب الضرر لشعرك.

المصادر

healthline

https://www.healthline.com/health/coffee-in-hair

القهوة فيها فوايد كتير للجسم، من ضمن الفوايد دي أنها بتحسن من صحة الشعر. مفيش أبحاث كتير بتثبت فوايد القهوة للشعر، لكن يُعتقد أن الكافيين الموجود في القهوة بيحسن من مظهر الشعر وبيرجعله لمعانه الطبيعي. تساقط الشعر ممكن يحصل مع تقدم العمر، القهوة بتحتوي على الكافيين Caffeine اللي بيقلل تساقط الشعر ويزود نموه. السيدات اللي بيكون عندهم زيادة في هرمون ديهدروتستوستيرون (DHT)، ممكن يعانوا من تلف بصيلات الشعر وتساقط الشعر بغزارة. التلف ده بيكون تدريجي، لكن في النهاية ممكن يوصل للصلع. في دراسة اتعملت سنة 2007 بتقول أن الكافيين Caffeine الموجود في القهوة بيقلل من تأثير الديهدروتستوستيرون (DHT) في بصيلات الشعر وبالتالي بيحفز نمو الشعر وبيقلل التساقط. المقال ده بيشرح من وجهة نظر طبية فوايد القهوة للشعر، كمان بيوضح الأبحاث اللي اتعملت عليها وطرق استخدامها والتحذيرات اللي لازم تخلي بالك منها لو قررتي تستخدميها.

Bebeautiful

https://www.bebeautiful.in/all-things-hair/everyday/coffee-hair-masks-for-healthy-hair#:~:text=How%20to%20make%3A%20Take%20one,wash%20with%20a%20mild%20shampoo

لو أنتي بتحبي القهوة، يبقى هتتبسطي جدا أما تعرفي أن القهوة مش بس بتظبطلك مودك، لأ دي كمان فوايدها كتير جدا لشعرك. القهوة بتزود نمو الشعر وبتغمق لونه وبتحسن من ملمسه بصورة كبيرة. أما تغسلي شعرك بمستخلص القهوة، ده بيساعد في فك تشابك الشعر وبيخلي شعرك ناعم أكتر وبيقوي من خصلات الشعر. القهوة كمان غنية بالفيتوستيرول phytosterols اللي بينشط الدورة الدموية أما ندلكه في فروة الرأس. المقال ده بيشرح بالتفصيل فوايد القهوة، وبيوضح طريقة كذا ماسك باستخدام القهوة.

healthshots

https://www.healthshots.com/beauty/hair-care/how-to-use-coffee-for-hair-growth/

مين مننا مش نفسه يكون شعره قوي وصحي؟ القهوة ممكن تساعدك تحافظي على شعرك وتقويه. هرمون DHT أو ثنائي هيدروتستوستيرون في الجسم بيضعف بصيلات الشعر، وده بيخلي الشعر يتساقط. حسب ما بيقول المركز الوطني الأمريكي لمعلومات التكنولوجيا الحيوية (NCBI)، القهوة بتنشط خلايا الشعر بشكل مباشر عن طريق إطلاق جزيء الـATP. الـ ATP هو جزيء بيشيل الطاقة بين الخلايا، وبيحارب كمان تأثير الـ DHT وبالتالي بيقوي الشعر ويقلل تساقطه.