7 خطوات أساسية في روتين العناية بالشعر العادي
مقدمة عن روتين الشعر المفرود
1442
الشعر العادي بطبيعته بيكون متوازن في الترطيب والنعومه حسب نوع الشعراية ، وده لأنه غالبا بيكون صحي ومش محتاج منتجات كتير عشان تحافظي عليه، روتين العناية بالشعر العادي هيساعدك تحافظي على صحته من غير مجهود كبير.
فوايد من روتين روتين العناية بالشعر العادي
ايه نتيجة التزامك بروتين الشعر العادي؟
- هيحافظ على طبيعة شعرك وصحته.
- من فوائد روتين العناية بالشعر انه هيمنع تلف الشعر اللي ممكن يحصل بسبب العوامل البيئية المختلفة.
- هيجنبك مشاكل الشعر الكتيرة اللي بتحصل نتيجة عدم الاهتمام بيه زي التساقط والتقصف والتكسر، وممكن تعرفي الأطعمة اللي تساعدك تقللي التساقط.
- لو عاوزه تطولي شعرك، روتين ترطيب الشعر ده هيساعدك بنسبة كبيرة تحققي ده من غير علاجات كتير غالية.
تفاصيل الخطوات
استخدمي الشامبو
ابدأي بالشامبو في روتين الشعر العادي:
- أصحاب الشعر العادي من أكتر الناس المحظوظة، ده لأنه شعرهم غالبا مش بيحتاج اهتمام كبير أو معقد.
- استخدمي شامبو مناسب لنوع شعرك، ممكن يكون في سلفات وممكن يكون خالي من السلفات، ده مش هيشكل مشكلة لنوعية شعرك.
- بس المهم أنك تسمعي شعرك أول بأول، بمعنى لو لاحظتي أن شامبو السلفات ابتدى ينشف شعرك، يبقى غيري مؤقتا لشامبو من غير سلفات.
- والعكس، لو لاحظتي أن الشامبو الخالي من السلفات ابتدى يعملك قشرة أو مش بينضف شعرك كويس، يبقى غيري لشامبو في سلفات.
- استخدمي الشامبو بكمية قليلة واستخدميه بس على فروة شعرك، لأنها هيا اللي بيتكون فيها الزيوت، وبلاش تستخدميه على خصلات شعرك.
استخدمي البلسم المناسب
متنسيش البلسم في روتين العناية بالشعر العادي:
- استخدمي البلسم في كل مرة تغسلي فيها شعرك، عشان تحافظي على ترطيبه.
- البلسم بيرطب شعرك وبيعالج الجفاف اللي ممكن يعمله الشامبو.
- بعد ما تغسلي شعرك من الشامبو، وزعي كمية مناسبة من البلسم على خصلات شعرك.
- سيبيه لمدة 5-10 دقايق وبعدين اغسليه كويس.
استخدمي ماسك أسبوعي للشعر
واظبي على ماسك أسبوعي في روتين العناية بالشعر العادي:
- شعرك العادي بيتعرض يوميا لعوامل كتير زي التلوث والأشعة فوق البنفسجية والأتربة والحرارة.
- العوامل دي كلها ممكن تأثر في صحة شعرك وتحوله لجاف أو تسبب تلفه وتكسره وضعفه.
- عشان كده مهم تستخدمي ماسك أسبوعي على الأقل عشان تغذي شعرك وتحميه من العوامل الضارة دي كلها.
- استخدمي ماسكات الشعر الجاهزة أو الطبيعية اللي ممكن تعمليها من مكونات بسيطة في البيت.
- وزعي الماسك على كل شعرك، واتاكدي أنه وصل لكل الخصلات وسيبيه لمدة من 20-30 دقيقة وبعدين اغسلي شعرك بالشامبو والبلسم.
استخدمي سيروم للشعر
السيروم مهم في روتين الشعر العادي:
- مش معنى أن شعرك عادي أنه مش معرض للهيشان.
- شعرك معرض للهيشان زي أي نوع شعر تاني، عشان كده ممكن تستخدمي السيروم عشان تتحكمي في هيشان شعرك وتقللي منه.
- خدي بالك السيروم غالبا بيكون فيه سيليكون، فلو أنتي ماشية على روتين للشعر خالي من السيليكون والسلفات، ممكن تستخدمي الزيوت الطبيعية الخفيفة زي الأرجان والجوجوبا كسيروم على أطراف شعرك.
- ممكن كمان تستخدمي سيروم فيه سيليكون بيدوب في المياه بسهولة زي سيروبايب سيروم Seropipe Serum.
- لو مش ماشية على روتين العناية بالشعر العادي خالي من السيليكون، ساعتها هيكون عندك اختيارات أكتر في السيروم.
- استخدمي بختين من السيروم ووزعيهم على أطراف شعرك كله من غير ما تقربي من الفروة.
سرحي شعرك وهو جاف بالراحة
ازاي تسرحي شعرك في روتين الشعر العادي:
- تسريح الشعر اليومي عامل مهم جدا في صحته.
- أنتي مش محتاجه أبدا تسرحي شعرك كل شوية عشان تحافظي عليه صحي.
- الشعر العادي عكس الشعر الكيري في النقطة دي، الشعر الكيرلي مش بيتسرح غير وهو مبلول تماما عشان تتجنبي تكسره أو تقطعه.
- الشعر العادي العكس تماما، وهو مبلول بيكون ضعيف وهش وممكن يتكسر بسهولة، عشان كده دايما سرحي شعرك العادي بعد ما يجف تماما.
- سرحي شعرك بفرشاة تكون طرية مش ناشفة، تفضل خشب، وابدأي سرحيه من تحت لفوق بالراحة و من غير ما تقطعيه.
- تسريح الشعر بالطريقة دي بيشيل التشابك وبيقلل من تقطيع الشعر وتلفه.
قصي شعرك بانتظام
ليه تقصي أطراف شعرك في روتين الشعر العادي؟
- قص الشعر بانتظام بيحافظ على صحة شعرك وبيخليه يطول بصورة صحية أكتر.
- قصي شعرك كل 6-8 أسابيع على الأقل.
- لو استنيتي على التقصف وماقصتيش شعرك، ده هيخلي التقصف يطلع لحد آخر شعرك ويوصل لبصيلة الشعر، وده هيخلي شعرك ضعيف ومتكسر.
قللي استخدام للحرارة قدر الإمكان
الحرارة هتأثر على روتين الشعر العادي؟
- السشوار والمكواة وأدوات الحرارة عموما بتسبب تلف كبير في شعرك لأنها بتكسر الطبقة الوقية اللي بتغلف خصلة الشعر.
- عشان كده حاولي تقللي من استخدامهم قدر الإمكان، ولو هتستخدميهم يبقى أساسي تستخدمي سبراي بيحمي من الحرارة عشان يقلل من الضرر اللي ممكن تعمله الحرارة في شعرك.
- كمان حاولي تستخدمي الحرارة بأقل درجة ممكنة، وبلاش تعدي على الخصلة أكتر من مرة بالسشوار أو المكواة.
عدد الخطوات: 7
- استخدمي الشامبو
- استخدمي البلسم المناسب
- استخدمي ماسك أسبوعي للشعر
- استخدمي سيروم للشعر
- سرحي شعرك وهو جاف بالراحة
- قصي شعرك بانتظام
- قللي استخدام للحرارة قدر الإمكان
االمصادر
اسم المصدر: Garnier USA
لو شعرك عادي، فأنت من المحظوظين جدا.
الشعر العادي من أسهل أنواع الشعر في الاهتمام بيه، ده لأنه بطبيعته بيكون صحي ومرطب، وكل اللي بتعمليه في روتينك بيكون بس عشان تحافظي على صحته مش عشان تعالجي مشكلة معينة موجودة فيه.
لكن مش معنى أن شعرك سهل في الاهتمام بيه، أنك تهمليه أو متلتزميش بالروتين المناسب.
شعرك بيتعرض لعوامل كتير يوميا بتخليه هش وضعيف ومتكسر، الروتين بيحمي شعرك من العوامل دي وبيخليه صحي وقوي وبيديه لمعان طبيعي.
المقال ده بيشرح بالتفصيل الصفات اللي بيتميز بيها الشعر العادي، وخطوات الروتين الأساسية اللي هتساعدك في الاهتمام بيه بسهولة.
اسم المصدر: Urban Company
روتين العناية بالشعر مهم زي ما روتين البشرة مهم.
الروتين مش بس بيكون منتجات وأدوات تستخدميها لشعرك ،بالعكس، هو بيكون ستايل أكتر للحياة لازم تلتزمي بيه وتستمري عليه فترة طويلة عشان تلاقي نتيجة كويسة.
مش لازم أبدا روتينك يكون كله منتجات غالية ومكلفة عشان تهتمي بشعرك، ممكن يكون منتجات شعرها بسيط وحتى ممكن يكون فيه منتجات طبيعية من البيت.
صحة الشعرك بتيجي من جوه الجسم، عشان كده النظام الغذائي يعتبر برضو جزء أساسي من روتينك، مهم أنك تاكلي أكل صحي وتشربي كمية كافية من المياه عشان تحافظي على صحة شعرك وبشرتك.
المقال ده بيشرح خطوات الروتين المناسب لشعرك بالتفصيل، وازاي تظبطي روتينك حسب طبيعة ونوع شعرك.
اسم المصدر: SkinKraft
التزامك بروتين لشعرك هيوفر عليكي مجهود وفلوس كتير.
الروتين هيحمي شعرك من المشاكل الكتير اللي ممكن تحصل للشعر زي التساقط والتقصف والهيشان والتلف.
المقال ده بيشرح بالتفصيل ازاي تحددي نوع شعرك، وازاي تختاري الروتين المناسب ليه.
خليكي أول واحدة تضيف ريڤيو