احنا مين!

الفكرة قامت على ملاحظة إن “بنات مننا كتير بقت غير راضية عن نفسها كـ شكل أو شخصيتها” وده بسبب التأثير السلبي للحالة العامة اللي بتظهر على السوشيال ميديا، زي الفلاتر اللي بتخليكي حلوة أكيد بس بتنسيكي إن طبيعتك أحلى.

 ومن ناحية تانية للأسف ظهرت منصات غير موثوقة وأحيانا “مدفوعة” بنصايح عامة وتوجيهات غير مبنية على الاختلاف سواء في لون أو نوع البشرة، والشعر والجسم، وفي الأخير النتايج بتكون كارثية في كتير من الحالات.ودول النقطتين اللي وصّلوا معظم البنات إنها تإذي طبيعتها الجميلة وتقل ثقتها في نفسها، من هنا قررنا مع خبراء التجميل إننا نكون الداعم لكل البنات في مصر من جنوبها لشمالها بكل اختلافات الجمال الشخصية، مع دعمنا الأساسي بالمعلومات والمحاذير والنصايح والمنتجات والوصفات المناسبة لكل بنت عشان ترجع لطبيعتها الصحية.