ازاي تشتري صن بلوك للبشرة الجافة
اهتمامك ببشرتك مهم من ناحيتين، أول حاجة عشان تحافظي على جمال بشرتك وتحميها من التجاعيد المبكرة وحب الشباب وجفاف البشرة وغيرهم من المشاكل، والناحية التانية عشان تحميها من الإصابة بالأمراض الخطيرة. لو جه في بالك إن الموضوع أبسط من كده هنشرحلك ليه بنقول ده بالتفصيل.
إيه اللي بيحصل لو مستخدمتيش صن بلوك للبشرة الجافة؟
بتعرّضي صحتك وبشرتك لأمراض بتوصل للسرطان على المدى البعيد في بعض الأماكن والأوقات المشمسة جدا، ودي بعض النتايج الصحية السلبية:
سرطان الجلد
بقع وتصبغات البشرة الجافة
الشيخوخة المبكرة
حروق البشرة
في الأصل الشمس بتخرج نوعين من الاشعة وهما الاشعة تحت الحمراء ودي المسؤولة عن توليد الدفيء والحرارة، والنوع التاني هو الاشعة فوق البنفسجية ودي اللي بتحفز الجسم إنه يفرز “فيتامين د” المهم جداً للجسم، لكن التعرض ليها بشكل زايد من غير حماية بيسبب مشاكل كتيرة للبشرة بالتحديد زي ما وضحنا بالتفصيل.
امتى الأشعة الفوق بنفسجية بتكون موجودة؟
قبل ما تعرفي إجابة السؤال ده مهم تعرفي أنواع الأشعة الفوق بنفسجية والفرق بينهم عشان تعرفي امتى ممكن متستخدميش صن بلوك للبشرة الجافة؟
أنواع اشعة الشمس الفوق بنفسجية
الاشعة الفوق بنفسجية هي 3 أنواع
معنى الكلام ده إن الاشعة فوق البنفسجية بتوصل للأرض وبتأثر في بشرتك حتى لو الشمس مش ظاهرة مباشرة قدامنا فمفيش مفر من إنك تستخدمي واقي شمس حتى لو بالليل أو في الشتاء لأن لو السماء مليانة غيوم ده مش معناه إن مفيش اشعة فوق بنفسجية موجودة، عشان كده مهم تستخدمي واقي الشمس وتختاري النوع المناسب ليكي.
أنواع الصن بلوك للبشرة الجافة
فيه نوعين من الصن بلوك (كيميائي وفيزيائي) كل واحد فيهم ليه مميزات وعيوب أو مشاكل اختاري منهم الأنسب ليكي حسب احتياجاتك
الصن بلوك الفيزيائي
الصن بلوك الكيميائي
ازاي تعرفي الصن بلوك ده كيميائي ولا فيزيائي من قبل ما تشتريه؟
هم مكونات الصن بلوك الفيزيائي للبشرة الجافة
- أكسيد الزنك Zinc oxide
- ثاني أكسيد التيتانيوم Titanium dioxide
أهم مكونات الصن بلوك الكيميائي للبشرة الجافة
- مجموعة السينامات Cinnamates زي الأوكتوريلين Octocrylene أو البارسول Parsol MCX.
- مجموعة الساليسيلات Salicylates، زي الهوموسالات Homosalate، والأوكتيسالات Octisalate
- مجموعة البنزوفينون Benzophenones، زي الأوكسي بنزون Oxybenzone، والأفوبنزون Avobenzone
إيه الكمية المناسبة للصن بلوك على البشرة الجافة؟
منتجات العناية بالبشرة عموماً مهم تتضاف على البشرة بكمية مناسبة، لأن معظم المنتجات دي لو زادت على الكمية المطلوبة بتسد مسام البشرة وكذلك لو قلّت مش بتحقق النتيجة المطلوبة منها، والكمية المناسبة لواقي الشمس حددتها إدارة الغذاء والدواء الأمريكية هي حجم “أونصة” للجسم كله ودي اللي بتعادل 18 جرام، ولبشرتك بس 0.04 أونصه يعني من 1 جرام لـ 2 جرام.
ازاي تقيسي الكمية دي؟
طبعاً صعب تستخدمي أي ميزان للمعايره قبل ما تيجي تحطي الصن بلوك، ولو ده سهل عليكي في البيت فاحنا بننصحك تستخدميه كل ساعتين فمستحيل تمشي بالميزان ده في شنطتك مثلاً، عشان كده هنساعدك تحددي بسهولة الكمية المناسبة وأقرب تحديد ليها
من 1 لـ 2 مل | من 1لـ 2 جم | ⅓ معلقة صغيرة | حجم حباية البازلاء | عقلة صباع صغير
ازاي تشتري صن بلوك مناسب وهل الرموز الموجودة على العلبة أو العبوة ليها معنى هيفرق في اختيارك؟
يعني إيه SPF
من أشهر العلامات الموجودة واللي بتسمعي عنها في واقي الشمس هو الـ SPF واللي هو اختصار لـ Sun protection factor يعني عامل الحماية من البشرة وده عبارة عن مقياس بيقيس قدرة الصن بلوك على حماية للبشرة من الآشعة فوق البنفسجية قصيرة المدى UVB اللي بتسبب حروق الشمس.أهم حاجة لازم تعرفيها إن كل ما زاد رقم الـ SPF، بتزيد الحماية من حروق الشمس.
“ لو عامل الحماية SPF 30، ده بيسمح بس لـ 3% من الأشعة فوق البنفسجية أنها تضر بشرتك، ولو عامل الحماية SPF50، ده بيسمح لـ 2% بس من الأشعة دي أنها تضر بشرتك”.
وطبعا فيه فرق بين أنواع الـ SPF تقدري تعرفيها من هنا
إيه الفرق بين SPF 50، SPF 30، SPF15 ؟
SPF 15
بيمنع 93% من الأشعة فوق البنفسجية من إنها توصل للبشرة الجافة.
SPF 30
SPF 50
باقي الرموز الموجودة على علبة الصن بلوك للبشرة الجافة
Broad Spectrum معناها واسع الطيف
منظمة الغذاء والدواء بتشير لإنك لو بتختاري صن بلوك مهم جداً تبقى عليه الكلمة دي لأن معناها إنه بيحمي من اشعة الشمس الفوق البنفسجية الطويلة والمتوسطة (UVA/UVB )
Waterproof يعني مقاوم للمياه.
بالظبط زي ما واضح من معناها وهو إن الصن بلوك ده لو جه عليه مياه أو نزلتي حمام السباحة أو البحر مش هيسيح.
- PA+ : حماية بسيطة من الـ UVA
- PA++: حماية متوسطة من الـ UVA
- PA+++: حماية عالية من الـ UVA
- PA++++: حماية عالية جدا من الـ UVA
هل الـ SPF بيفرق من نوع بشرة للتاني أو من لون بشرة للتاني؟
الإجابة لأ، مش شرط عشان بشرتك جافة تستخدمي SPF بدرجة معينة، لكن بيفرق بشكل غير مباشر بيفرق في لون البشرة، على سبيل المثال لو بشرتك فاتحة بتكون حساسيتها تجاه الشمس أكبر وبالتالي معرضة لحروق الشمس أكتر من القمحية والسمراء، فبالتالي وقتها هننصحك تستخدمي SPF 50 لأنه أعلى في درجة الحماية من 15 و 30 زي ما اتكلمنا بخلاف لو بشرتك سمراء فـ SPF 30 هيكون مناسب ليكي.
استخدام الصن بلوك للأطفال
ازاي تحمي نفسك من آشعة الشمس بجانب الصن بلوك؟
البسي ملابس تغطي معظم جسمك واحميه من أشعة الشمس الفوق بنفسجية
الأسئلة الشائعة
في الشتاء أشعة الشمس أخف بكتير من الصيف بسبب إن الغيوم الموجودة وقتها بتحجب جزء من آشعة الشمس، لكن في الواقع هي بتحجب 40% بس من الآشعة، والـ 60% بيوصلوا للأرض بشكل طبيعي، فبالتالي ضروري جداً تحافظي على استخدامك للصن بلوك في الشتاء وبليل.
درجة حساسية البشرة من الشمس بتقل كل ما كانت البشرة سمرا أكتر، يعني لو بشرتك سمراء ده معناه إن بشرتك مش ضروري تستخدميلها SPF 50 هيكون كفاية ليها SPF 30 أو 15 حسب درجة لونها، لكن ده ميمنعش إن استخدام واقي الشمس ضروري جداً لكل أنواع وألوان البشرة.
باختصار شديد التعرض لاشعة الشمس لمدة ساعة واحدة الساعة 9:00 الصبح مثلاً بتساوي في خطورتها للتعرض لاشعة الشمس لمدة 15 دقيقة الساعة 1:00 بعد الظهر.
و بشكل عام، الشمس في وقت الظهر بتكون كثافتها أعلى من أي وقت تاني في اليوم يعني حاولي تتجبني إنك تتعرضي للشمس في الوقت من 10 الصبح لحد 2 بعد الضهر.
شكرا جدا ع الريفيو الجميل ده يا رنا 😍
بنتمني دايما نقدملكم كل المعلومات المفيدة للبشره الجافه