الحقيقة الكاملة للحلول السحرية لتطويل الشعر العادي
خدعة تطويل الشعر و علاج مشاكل نمو الشعر العادي
الحلول السحرية لتطويل الشعر العادي – الحقيقة الكاملة
لشعر الطويل حلم لبعض البنات خصوصاً لو صحي وناعم وجميل، في المقال ده الحقيقة مش هنقولك إزاي تخلي شعرك يطول في يوم أو إيه المنتجات السحرية اللي هتخلي شعرك يطول بسرعة، لأن فيه أبحاث لدكتورة ليندسي بورون أخصائية الأمراض الجلدية والأستاذ المساعد في طب الأمراض الجلدية في المركز الطبي بجامعة كولومبيا) أكدت إن الشعر بشكل طبيعي بينمو لوحده ومفيش حاجة بتخليه يطول (أول مفاجأة من 3)، لكن في نفس الوقت فيه بعض الأسباب والعادات بتخلي نموه يضعف أو يبقى بطيء.
لو اهتميتي بالأسباب دي وبعدتي عن العادت اللي بتأثر بشكل سلبي على شعرك هترجعيه ينمو بشكل طبيعي وصحي، وده اللي هنكلمك عنه بالتفصيل في المقال.
إزاي الشعر بينمو؟ وإزاي أخلي بصيلات الشعر تزيد؟
المفاجأة التانية لحد دلوقتي هي إن مفيش بصيلات شعر بتزيد، لأنك بتتولدي وعندك كل البصيلات كاملة، ودي النتيجة اللي وصلت ليها أبحاث المعاهد الطبية الوطنية، بتتولدي وعندك من 80.000 إلى 120.000 بصيلة.
والشعر بينمو من الجذور تحت الجلد وبعدين الدم بيتدفق لفروة الراس يوصل لبصيلات الشعر بهدف إنه يوصل للجذور الأكسجين والمواد الغذائية، وده اللي بيساعد الشعر على النمو.
من إجابة السؤال اللي فات مهم جداً تستنجي إن الدم والأكسجين والمواد الغذائية هما أساس نمو الشعر، وده لو بالنسبة ليكي بديهي، هتلاقي في الجزء التاني من المقال عادات وروتين خاطئ بتقعي فيهم بيسببوا مشاكل وأضرار كبيرة لأساس النمو، وده اللي بيخلي شعرك ميطولش أو يطول بشكل بطيء عن الطبيعي.
إزاي أعرف أن شعري بينمو بشكل طبيعي؟
إزاي شعري يطول بسرعة؟
1- تدليك فروة الراس
النقطة دي سلاح ذو حدين، عشان كده مهم تعمليها بطريقة صح وهي إن التديلك ميكونش بالأظافر عشان متسببيش ضرر للغدد الدهنية، مهم تدلكي ببطن أطراف صوابعك لأن ده هيساعد الدم يتدفق بشكل أسرع، وده هيعزز جذور الشعر وهيساعد شعرك ينمو بشكل طبيعي.
2- الأدوية
فيه أدوية ممكن تكوني بتاخديها من آثارها الجانبية إنها بتأثر تأثير سلبي على نمو الشعر زي: أدوية ارتفاع الضغط، أدوية الغدة الدرقية، أدوية الكوليسترول، أدوية تحديد النسل، أدوية الهرمونات والتيستيرون، وأدوية مضادات الاكتئاب.
لو بتاخدي أي دواء من دول ارجعي للدكتور عشان يقولك على بدائل متأثرش على نمو شعرك وفي نفس الوقت تحقق نتيجة.
3- التدخين
احنا هنا مش عشان نقولك إن التدخين مضر للصحة ويسبب الوفاة بالرغم من إنها معلومة أكيدة، لكن بالنسبة للعناية بالشعر فمع الأسف التدخين بيقلل تدفق الدم لفروة الراس عشان كده بيضر نمو الشعر بشكل كبير.
4- مكملات علاج نمو الشعر
فيه مكملات غذائية بتحتوي على عناصر غدائية كتيرة بهدف تغذية الشعر ومساعدته يطول، لكن في الحقيقة لو أخدتي العناصر دي عن طريق الأكل هيبقى أفضل بكتير لأن الجسم أذكى وأسرع في التعامل مع الهضم وتوزيع العناصر دي على الجسم بشكل أسهل. تحت هتلاقي أهم الفيتامينات اللي شعرك محتاجها وموجودة فين في الأكل.
5- المكواة والاستشوار
تجفيف شعرك بعد الاستحمام بالهواء الطبيعي صحي لشعرك أكتر بكتير من استخدام الاستشوار أو المكواة بعد الاستحمام وفي تجفيف الشعر، وده لأنهم بيسببوا تلف للشعر، ودرجة الحرارة العالية بتضر البصيلات وبتبطئ النمو.
6- قص الشعر
لو عايزة شعرك يبقى طويل أو كبير … قصيه! (دي المفاجأة التالتة) المعنى اللي نقصده هنا من القص هو تقليم الأطراف المتقصفة لأنها لو فضلت موجودة هتضر باقي شعرك، والحقيقة إن الحاجة الوحيدة اللي هتفضل كبيرة مع الأسف هي إحباطك، فمهم كل فترة (حوالي 6 أسابيع) تقلمي أطراف شعرك المتقصفة.
7- المخدة والفوطة
من كتر ما النقطة دي مهمة، الدكاترة المتخصصين وصلوا لإنهم بيرشحوا أكياس مخدات على أمازون بيعدي سعرها الـ 1500 جنيه لأنها حرير ومش بتمتص ترطيب الشعر الطبيعي عكس المخدة القطن أو الفوطة القطن، وكمان الحرير مش بيخلي شعرك يتكسر وانتي نايمة، لكن انتي مش مضطرة تشتري كيس مخدة
بـ 1500 جنيه، لأن المخدات الستان أرخص بكتير من الحرير وبتأدي لنفس النتيجة تقريباً.
8-النظام الغذائي
الشعر زي أي عضو في الجسم بيحتاج عناصر غذائية زي الفيتامينات والبروتين مهم تكون متضافة بشكل كافي لنظامك الغذائي عشان متقابليش مشاكل زي ضعف النمو والتساقط.
ملحوظة: لو بتعملي دايت عشان تخسي مهم نسبة البروتين متقلش عن 50 جم في اليوم عشان الدايت ميأديش لتساقط الشعر.
إيه الفيتامينات والأطعمة اللي بيحتاجها الشعر عشان ينمو بشكل صحي؟
أوميجا 3
موجودة في:
السلمون والتونة وبذور الكتان والجوز والزيوت النباتية زي زيت فول الصويا وزيت الكانولا.
فيتامين أ – Vitamin A
موجودة في:
الحليب والبيض والزبادي وزيت كبد الحوت.
فيتامين ب – B vitamins
موجودة في:
كل الحبوب، سمك، لوز، مأكولات بحرية، خضراوات
فيتامين سي – Vitamin C
موجودة في:
فراولة، فلفل، جوافة وبرتقال
فيتامين د – Vitamin D
موجودة في:
السمك
فيتامين هـ – Vitamin E
موجودة في:
لوز، سباخ وأفوكادو
الحديد
موجودة في:
سبانخ، لحوم حمراء، بيض، محار والعدس
الزنك – Zinc
موجودة في:
المحار، لحم البقر، السبانخ والعدس
ومن هنا تقدري تعرفي أكتر عن أطعمة مفيدة لتغذية الشعر ومنع التساقط.
إيه الفيتامينات والأطعمة اللي بيحتاجها الشعر عشان ينمو بشكل صحي؟
1- زيت اليقطين
ده أثبت فاعليته بالتجربة على مجموعة من مشاركين كانوا مصابين بالصلع ومشاكل في نمو الشعر وبعد 3 شهور بدأ الشعر يتحسن، لكن في الحقيقة حتى الآن مفيش دراسات تانية كافية تأكد المعلومة دي.2- زيت النعناع والجوجوبا واللافندر.
3- زيت الروزماري (زيت اكليل الجبل).
هل فيه عوامل بشكل عام بتأثر على معدل النمو للشعر الجاف؟
فيه عوامل عامة فعلًا زي الوراثة وتقدم العمر (لأنه مع الوقت امتصاص المواد الغذائية بيكون أبطأ وإفراز الجلد للمواد اللي بيحتاجها الشعر بيكون أضعف) وعوامل تانية زي الاكتئاب والإجهاد البدني والصحة العامة بشكل عام.
االمصادر
ضيفي أول ريڤيو عن “الحقيقة الكاملة للحلول السحرية لتطويل الشعر العادي”