رجعي الحياة من تاني لشعرك باستخدام ماسك الترمس المطحون
نوع الشعر:
, 
, 
, 
طبيعة الشعر:
, 
, 
الهدف من ماسك الترمس
ماسك الترمس المطحون ده بيساعد شعرك على استعادة صحته وتجديد حيويته، لأنه غني بمكونات مغذية جدا للشعر وفروة الرأس فبتحسن صحته وتزود نموه ونعومته.
تحذيرات من ماسك الترمس
مفيش اي تحذيرات
ازاي تعملي ماسك الترمس المطحون لنفسك؟
- انقعي الترمس المطحون في مياه سخنة وسيبيه لمدة 10 ساعات.
– الخطوة دي هتعمليها الصبح لما تصحي عشان الترمس المطحون يكون جاهز معاكي لما نعمل الماسك بالليل.
- صفي الترمس المطحون من المياه كويس.
- ضيفي عليه زيت الزيتون وعصير الجرجير واخلطيهم التلاتة مع بعض كويس.
طريقة تساعدك تستفيدي بماسك الترمس من غير هدر:
- وزعي الماسك على شعرك كويس من جذور الشعر لاطرافه.
- غطي شعرك بكاب بلاستيك وثبتيه على راسك كويس بإيشارب.
- سيبي الماسك على شعرك طول الليل وانتي نايمة.
- اشطفي شعرك كويس بمياه فاترة تاني يوم الصبح، وبعد ما تنزلي منه كل بقايا الترمس المطحون اغسليه بالشامبو بتاعك.
الفوايد
6 فوائد الترمس المطحون للشعر:
ايه هي فوائد الترمس المطحون لشعرك؟
- ماسك الترمس غني بمضادات الأكسدة والبروتينات اللي بتساعد على نمو شعر قوي وصحي.
- كمان بيحتوي الترمس المطحون على فيتامينات وأحماض أمينية ودهون صحية بتغذي الشعر جدا وتحسن نموه.
- لأن الشعر بيتكون بالأساس من البروتين، عشان كده محتوى ماسك الترمس العالي من البروتين بيبني شعر صحي، ويخليه قوي وكثيف وصعب التساقط أو التكسر.
- زي ما قلنا منع التساقط من ضمن فوائد الترمس المطحون الأساسية للشعر، لأنه غني بالبروتين اللي بيعطل الميكانيزم المسئول عن التساقط.
- ماسك الترمس بينشط الدورة الدموية في فروة الراس، فبيعالج فروة الراس الجافة والمتهيجة والمتقشرة، ويبدأ شعرك في تجديد نفسه.
- بيحتوي الترمس المطحون علي:
- فيتامينات زي: B12, B6, B3, B2, B1, E, D, C, A، وحمض الفوليك Folic Acid.
- ومعادن زي: الكالسيوم، الحديد، الماغنسيوم، الزنك، الصوديوم، البوتاسيوم، والفسفور.
- وأحماض أمينية.
العناصر دي مهمة لـ:
- تغذية فروة الراس وبصيلات الشعر وتقوية الجذور.
- فرد الشعر وتنعيمه.
- تحسين نمو الشعر بشكل صحي، وبالتالي بيطول الشعر ويزود لمعانه.
6 فوائد زيت الزيتون للشعر:
ايه هي فوائد زيت الزيتون للشعر في ماسك الترمس؟
- بيرطب جذور الشعر وخصلاته لحد الأطراف لأنه بيحتوي على مادة اسمها Squalane بالإضافة لحمض الأوليك Oleic Acid,
- بيحفز نمو الشعر لأنه بيحتوي على مكون الأوليوروبين oleuropein.
- بيحتوي على فيتامين E اللي بيساعد في تنعيم الشعر وبيقلل من هيشانه، وفيتامين K اللي بيحسن الدورة الدموية في فروة الراس فيخلي الشعر صحي أكتر.
- بيقلل تكسر الشعر، وبيمنع التساقط، وهيفرق اكتر لما تاكلي الأكلات اللي بتقلل التساقط، هتلاقيها في المقال ده.
- بيمنع تقصف الشعر، لأنه مرطب قوي فده بيقوي الشعر ويزود مرونته ويمنع تقصف أطرافه.
- بيزود لمعان الشعر لأنه بيغلفه وينعم الطبقة الخارجية للشعراية ويحميها من العوامل اللي بتفقدها لمعانها.
9 فوائد عصير الجرجير للشعر:
ايه هي فوائد عصير الجرجير في ماسك الترمس للشعر؟
عملية نمو الشعر بتبدأ بتحفيز إنتاج حاجة اسمها عوامل نمو الخلايا الكيراتينية (KGF) اللي بتنقل بصيلات الشعر من مرحلة الراحة لمرحلة نمو جديدة.
الدراسات أثبتت إن بعد 3 أيام من تعرض فروة الراس لعصير الجرجير، زادت نسبة KGF بمقدار 107%.
- بيحتوي على الزنك والكبريت بكميات كبيرة اللي بيمنعوا الالتهابات البكتيرية اللي بتصيب فروة الراس وتسبب تساقط الشعر وتضعف نموه.
- الزنك كمان مع البيوتين الموجود في الجرجير بيسرعوا نمو الشعر ويزودوا كثافته.
- بيحتوي على فيتامين E اللي بيساعد في نمو الشعر عن طريق تنشيط الدورة الدموية في فروة الراس وزيادة الأكسجين الواصل للبصيلات وخلايا الشعر.
- بيحتوي كمان على فيتامينات B6, B2, B1, K, C, A اللي بتحسن صحة فروة الراس وتخلي الشعر ينمو بشكل صحي.
- غني بالألياف ومضادات الأكسدة والمعادن زي الحديد، والكالسيوم، والبوتاسيوم، والفسفور، واليود، والمنجنيز، وحمض الفوليك، وكلها مفيدة جدا ومهمة لتحسين صحة الشعر.
- بيرطب فروة الراس ويمنع تهيجها ويخليها صحية.
- بيعالج قشرة الشعر ويمنع التساقط بسبب الكبريت والحديد والزنك والبيوتين.
- بيحمي الشعر وفروة الراس من أضرار أشعة الشمس والتلوث وباقي العوامل البيئية اللي بتدمر خصلات الشعر وتخليها ضعيفة وتتكسر بسهولة.
- ديتوكس للشعر، بينضفه ويشيل منه بقايا الصابون المتراكم والزيوت الزيادة خاصة من الشعر الدهني، ويرجعله حيويته.
عدد المكونات : 3
وقت التحضير: 30
- 5 معالق كبيرة من الترمس المطحون.
- نص كوباية من زيت الزيتون.
- نص كوباية من عصير الجرجير.
االمصادر
اسم المصدر: BlendofBites
هل الترمس مفيد لجسمك و لصحة شعرك؟ ولا هو مجرد سناك ظريف في شم النسيم والتمشية على الكورنيش وخلاص؟
الحقيقة الترمس له فوايد عظيمة جدا للصحة والبشرة والشعر، المقال ده بيوضحها بشكل مبسط وسهل. هنعرف هنا ايه هو الترمس، وايه فوايده تحديدا للشعر، غير فوايده الرائعة لصحة الجسم بشكل عام.
اسم المصدر: Healthline
كلنا عارفين أهمية زيت الزيتون، وازاي هو أكتر زيت مفضل ومنتشر بين البنات والسيدات. وكلنا عارفين إنه مفيد جدا للشعر، لكن هل كلنا نعرف هو بيفيد الشعر ازاي بالظبط؟ وايه هي مميزاته اللي مش موجودة في باقي الزيوت؟
المقال ده بيشرح بشكل مفصل وبسيط فوايد زيت الزيتون للشعر، وازاي بيحقق لشعرك كل فايدة من الفوايد دي.
هتلاقي كمان هنا أشهر الأسئلة الشائعة عن زيت الزيتون، زي مثلا ازاي تختاريه، وايه الزيوت المثالية اللي ممكن تخلطيها معاه، وايه الماسكات اللي ممكن تعمليها باستخدامه وتحققلك أعلى استفادة من مكوناته.
اسم المصدر: WorldMisc
الجرجير له فوايد عظيمة جدا للجسم بشكل عام وللشعر بشكل خاص. وومكن يستخدم بصور كتيرة جدا كل صورة منهم ليها فوايدها ومميزاتها.
المقال ده بيعرفك ايه هي علاقة الجرجير بالشعر وفوايده ليه، وهتعرفي ايه فوايد الجرجير للجسم وأد إيه هو مهم صحيا لجسمك.
هتعرفي كمان الصور المختلفة اللي تقدري تستخدمي بيها الجرجير سواء ماسك أو لوسيون أو حتى عصير وازاي تخلي العصير ده طعمه مقبول عشان تستمتعي بيه وانتي بتكسبي فوايده.
خليكي أول واحدة تضيف ريڤيو