افضل 4 سيرم Serum للبشرة الدهنية، وازاي تختاري الانسب ليكي؟
كتير بنفتكر إن السيرم Serum هو جزء مش أساسي من روتين العناية بالبشرة لكن ده مش حقيقي. السيرم Serum يمكن هو أكتر منتج بشرتك بتستفيد منه في الروتين، وهو المنتج الأساسي اللي بيعالج المشكلة اللي موجودة في بشرتك أو بيديها نضارة أو بيحسن ملمسها.
ده لأنه بيقدر يخترق طبقات البشرة بصورة أعمق من المرطب والكريم، وكمان أغلب الأحيان تركيز المواد الفعالة فيه بتكون أكتر من الكريم.
لكن عشان بشرتك تستفيد الاستفادة الكاملة من السيرم Serum، لازم تختاري السيرم Serum بالمكونات المناسبة لبشرتك الدهنية، وتستخدميه بالطريقة الصح، وتلتزمي بيه لفترة متقلش عن 3 شهور.
السيروم Serum هو منتج للعناية بالبشرة بنستخدمه بعد تنظيف البشرة بالغسول وقبل استخدام المرطب، عشان نوصل مكونات قوية للبشرة بصورة مباشرة ومركزة.
السيروم Serum بيتكون من جزيئات صغيرة قادرة أنها تخترق الجلد بعمق وتخليه يستفيد من المكونات القوية دي بصورة كبيرة.
السيروم Serum بيعتبر في كتير من الأحيان أقوى من الكريم لأنه بسبب قوامه السائل، تركيز المواد الفعالة فيه ممكن يكون أكبر من الكريم، وده بيخليه مفيد أكتر ف يحل مشاكل البشرة.
فوايد السيرم SERUM للبشرة
البشرة بتمتصه بسرعة
مناسب أكتر لو بشرتك دهنية حساسة أو معرضة للحبوب
السيرم Serum عشان قوامه بيكون خفيف، نادرا ما بيسد مسام البشرة، وعشان هو مناسب أكتر لأصحاب البشرة الدهنية الحساسة أو البشرة الدهنية المعرضة للحبوب.
بيحسن مظهر الخطوط الرفيعة والتجاعيد
بيحمي بشرتك من الجذور الحرة
نتايجه أقوى على البشرة
مش بيسبب لمعان البشرة
ايه الفرق بين السيروم SERUM والمرطب وزيت البشرة
السيروم Serum
المرطب
بيشترك مع السيرم Serum في جزء المكونات، وبيختلف عنه في القوام لأنه أساسه زيتي أو Oil Based وأتقل من السيرم Serum.
كمان بيختلف عنه أنه بيشتغل بس في الطبقة السطحية من البشرة مش بيتغلغل جوه طبقات البشرة.
زيت البشرة
طريقة استخدام السيروم SERUM
قبل استخدام أي سيروم لازم تتأكدي أن بشرتك نضيفه تماما من أي أوساخ وأتربة وزيوت زايدة.
تنظيف بشرتك هيخليها تمتص السيروم Serum بصورة أفضل وتستفيد أكتر من مكوناته.
التونر Toner بيعادل حموضة بشرتك بعد الغسول، و بينضفها أكتر وكمان ممكن يكون فيه مكونات معينة تساعدك في روتين بشرتك.
التونر Toner كمان بيخلي بشرتك رطبة وده بيخليها قادرة تمتص مكونات السيروم Serum بصورة أفضل، لأن البشرة الرطبة بتكون قادرة امتصاصها أكتر 10 مرات من البشرة الجاف.
بعد الغسول، استخدمي كمية صغيرة من التونر على قطنة ناعمة وامسحي بيها بشرتك بالكامل ومتنسيش رقبتك.
مهم أنك تقري التعليمات الموجودة كويس على أي سيروم لأن في بعض أنواع السيروم Serum بيكون ليها تعليمات محددة.
بشكل عام، مش لازم تستخدمي كمية كبيرة من السيروم Serum عشان توصلي للنتيجة المطلوبة، ممكن 2 Pump أو كمية بحجم حبة البسلة، هتكون كفاية جدا على بشرتك.
لو السيروم Serum في صورة قطارة، يبقى من 3 لـ 4 نقط كافيين لبشرة وجهك و رقبتك.
بلاش تستخدمي كمية أكتر من اللازم من السيروم Serum لأن بشرتك مش هتستفيد بيها، بالعكس هتتراكم على وجهك وممكن تسبب لك حبوب.
السيروم Serum حتى لو في مكونات مرطبة، فـ هو مش بيستخدم مكان المرطب اليومي أو الليلي.
لكن بالعكس، المرطب بيكمل السيروم Serum، وبيساعدك تستفيدي بيه بدرجة أكبر لأنه بيحبس التغذية والعناصر الغذائية اللي بتكون موجودة في السيروم في البشرة.
ايه الفرق بين السيروم SERUM والمرطب وزيت البشرة
إيه طرق استخدام السيرم؟
التانية، إنك تستخدمي ايدك كلها، عن طريق انك تنزلي السيرم Serum في ايدك وتحركي ايدك مع بعض عشان تدفيه، وبعدين تضغطي على بشرتك بايدك بالراحة بحركات من تحت لفوق.
بعد استخدام السيرم Serum استني 5 دقايق لحد ما يتم امتصاصه بالكامل وبعدين كملي خطوات روتينك.
انواع السيرم SERUM- كل نوع الغرض منه والمكونات الموجودة فيه
سيرم الترطيب Hydrating serums
الغرض منه:
نوع السيرم Serum ده بيكون الغرض الأساسي منه هو ترطيب البشرة بعمق، بيستخدم أكتر في الحالات اللي بتعاني فيها البشرة من الجفاف الشديد أو لو ماشية على علاج لحب الشباب زي النت لوك بيسبب جفاف البشرة.
بتشتغل عن طريق انها بتسحب المياة والرطوبة من البيئة المحيطة وتحبسها في طبقات بشرتك.
مكونات بتكون موجودة فيه:
- حمض الهيالورونيك Hyaluronic acid
- الجلسرين glycerin
- الصبار aloe vera
- snail mucin
السيرم مضاد الأكسدة Antioxidant serums
الغرض منه:
السيرم Serum مضاد الأكسدة بيحمي بشرتك من الجذور الحرة اللي بتسبب شيخوخة البشرة.
الجذور الحرة دي عبارة عن جزيئات مش مستقرة بتظهر نتيجة التلوث أو أشعة الشمس فوق البنفسجية، وبتبدأ تهاجم الخلايا من خلال عملية اسمها الأكسدة.
عملية الأكسدة دي هيا اللي بتسبب أن وشك يظهر فيه علامات التقدم في السن،أو يغمق فجأة عن درجته الطبيعية أو يظهر فيه شوائب مختلفة.
فيتامين سي Vitamin C هو أشهر أنواع السيرم Serum المضادة للأكسدة، لكن خلي بالك، لو بشرتك دهنية حساسة أو معرضة للحبوب ممكن يسبب لها التهاب أكبر، عشان كده مهم تجربيه على جزء صغير من بشرتك قبل ما تستخدميه على وجهك بالكامل.
مكونات بتكون موجودة فيه:
- فيتامين سي (حمض الأسكوربيك ومشتقاته) Vitamin C (L-ascorbic acid and its derivatives)
- النياسيناميد niacinamide
- الريتينويد retinoids
- فيتامين هـ vitamin E
- حمض الفيروليك ferulic acid
- الإنزيم المساعد Q10 coenzyme Q10
- الشاي الأخضر green tea
سيرم التفتيح Brightening serums
الغرض منه:
النوع ده من السيرم Serum بيركز على توحيد لون البشرة وبيعالج التصبغات والبقع الغامقة والعلامات اللي بتظهر بعد حب الشباب.
بيعمل كده عن طريق أنه بيقلل من إنتاج الميلانين من البشرة، أو عن طريق أنه بيقشر الطبقة الخارجية الميتة من البشرة.
مكونات بتكون موجودة فيه:
- فيتامين سي Vitamin C
- نياسيناميد niacinamide
- حمض كوجيك kojic acid
- ألفا أربوتين alpha arbutin
- حمض الترانيكساميك tranexamic acid
- أحماض الهيدروكسي hydroxy-acids
سيرم التقشير Resurfacing serums
الغرض منه:
سيرم التقشير، غالبا الأحماض بتكون جزء أساسي من مكوناته.
الأحماض دي زي أحماض ألفا هيدروكسي AHA أو أحماض بيتا هيدروكسي BHA أو ميكس من الاتنين.
السيرم Serum ده بيشتغل عن طريق أنه يدوب الروابط بين خلايا الجلد الميت، ويخلي البشرة ناعمة وصافية أكتر.
في من الأحماض أنواع كتير، لكن لو بشرتك دهنية حساسة يفضل أنك تستخدمي حمض اللاكتيك Lactic Acid لأنه الألطف فيه والأنسب لبشرتك.
مكونات بتكون موجودة فيه:
- حمض اللاكتيك Lactic acid
- حمض الجليكوليك glycolic acid
- حمض الساليسيليك salicylic acid
سيرم تنقية البشرة Clarifying serums
الغرض منه:
سيرم تنقية البشرة بيشتغل أنه يعالج الحبوب ويمنع ظهورها في المستقبل عن طريق أنه بيقلل الزيوت اللي بتفرز من البشرة الدهنية.
غالبا بيحتوي على أحماض بيتا هيدروكسي BHA اللي بتقدر تخترق سطح الجلد وتنضف المسام بعمق وتنظم إفراز الزيت، وكمان بيكون في مكونات تانيه بتقلل الالتهاب والاحمرار.
مكونات بتكون موجودة فيه:
حمض الساليسيليك Salicylic acid
مستخلص لحاء الصفصاف willow bark extract
زنك zinc
نياسيناميد niacinamide
سيرم تصغير حجم المسام Pore-minimizing serums
الغرض منه:
السيرم Serum ده بيشتغل على أنه يقلل حجم المسام الكبيرة اللي بتظهر في البشرة نتيجة تراكم الزيوت والدهون والأوساخ في المسام، واحتقانها وتمددها.
السيرم Serum ده بيكون في مكونات بتقدر تدخل جوه المسام وتفك الانسداد ده وتقشر الطبقة الميتة وتقلل من إفراز الدهون وتنعم البشرة.
مناسب جدا لأصحاب البشرة الدهنية اللي بيعانوا من المسام الواسعة أو المسام المسدودة.
مكونات بتكون موجودة فيه:
- النياسيناميد Niacinamide
- حمض الساليسيليك salicylic acid
- مستخلص الفطر mushroom extract
سيرم مضاد لعلامات التقدم Anti-aging serums
الغرض منه:
سيرم علامات التقدم بيشتغل على الخطوط الرفيعة والتجاعيد ومرونة البشرة.
كمان بيكون فيه مكونات بتقلل بهتان البشرة وبتوحد لونها وبتقلل من البقع الغامقة والتصبغات.
مكونات بتكون موجودة فيه:
- الريتينويد Retinoids
- الببتيدات peptides
- الباكوتشيول bakuchiol
- فيتامين سي vitamin C
- أحماض الهيدروكسي hydroxy acids
السيرم المهدئ للبشرة Calming serums
الغرض منه:
السيرم Serum ده بيشتغل على أنه يهدي التهاب وتهيج وحساسية البشرة، وكمان بيقوي حاجز البشرة الضعيف أو المتضرر نتيجة للتقشير أو لعوامل البيئة.
بيخلي بشرتك مرنة أكتر وبيقلل التهابها وبيقفل الفجوات اللي بتظهر بين خلايا البشرة.
مكونات بتكون موجودة فيه:
- نياسيناميد Niacinamide
- سيراميد ceramides
- خلاصة كينتيللا أسياتيكا Centella Asiatica extract
- البروبوليس propolis
انواع السيرم SERUM- كل نوع الغرض منه والمكونات الموجودة فيه
اختيارك للمكون الأساسي في السيروم بتاعك يتوقف بنسبة كبيرة على المشكلة اللي محتاجة تعالجيها في بشرتك، لكن في بعض المواد الفعالة بتكون مناسبة أكتر لطبيعة المشاكل اللي بتحصل في البشرة الدهنية زي:
الريتينول RETINOL
الريتينول Retinol بيتميز بقدرته على تسريع معدل تجدد الخلايا، بالإضافة لأنه كمان بيتخلص من طبقة الخلايا الميتة على سطح البشرة، عشان كده هو من أنسب المكونات للبشرة الدهنية.
تجديد الخلايا ده بيساعد أنه يفتح المسام المسدودة في البشرة الدهنية، وده بيقلل من الحبوب والبثور اللي بتظهر في البشرة.
كمان هو بيقلل نسبة الزيوت اللي بتفرز في البشرة، عشان كده مهم ترطبي بشرتك بانتظام لو هتستخدمي اي سيروم Serum فيه ريتينول Retinol.
مهم كمان أنك تلتزمي باستخدام الصن بلوك في الوقت ده وتجدديه كل ساعتين، لأن سيرم الريتينول Retinol بيزود من حساسية بشرتك للضوء وبيخليها معرضة أكتر للالتهاب من أشعة الشمس.
حمض الساليسيليك SALICYLIC ACID
من بين كل أحماض العناية بالبشرة، حمض الساليسيليك Salicylic Acid هو الأنسب للبشرة الدهنية المعرضة للحبوب.
حمض الساليسيليك Salicylic Acid بيقدر أنه يدخل جوه مسام بشرتك ويتخلص من الأوساخ والزيوت الزايدة.
كمان هو بيكسر الروابط بين خلايا الجلد الميتة اللي بتسد مسام البشرة وبيساعدك تتخلصي منها بصورة أفضل.
حمض الساليسيليك Salicylic Acid مكون مهم جدا يكون في روتينك لو بتعاني من الرؤوس السودا أو البيضا أو حبوب الشباب الملتهبة.
ميعتبرش مناسب للبشرة الحساسة، لأنه ممكن يسبب التهابها وتهيجها، عشان كده مهم تختبريه الأول على جزء صغير من بشرتك قبل ما تستخدميه بانتظام.
النياسيناميد NIACINAMIDE
النياسيناميد Niacinamide أو فيتامين B3، هو مكون مهم ومفيد للبشرة الدهنية.
ده لأنه بيهدي الالتهاب اللي بيحصل في البشرة نتيجة الحبوب والبثور، وكمان بيزود إنتاج الكولاجين في البشرة وبيحافظ على مرونتها.
كمان هو بيقلل من معدل إفراز الدهون في البشرة، وبيحسن من مظهر المسام الواسعة بصورة ملحوظة.
حمض الهيالورونيك HYALURONIC ACID
من المفاهيم الغلط المرتبطة بالبشرة الدهنية، إنها مش محتاجة للترطيب.
ده مش حقيقي، البشرة الدهنية زي أي نوع بشرة تانية محتاجة للترطيب المنتظم عشان تحافظي على صحتها ومرونتها.
عدم الترطيب للبشرة الدهنية مش هيقلل من إفرازات الدهون فيها، لكن بالعكس هيزودها لأن البشرة هتنتج دهون زيادة عشان تعوض المفقود منها.
هنا بييجي دور حمض الهيالورونيك Hyaluronic acid، ده لأنه مرطب قوي للبشرة بيشتغل عن طريقة أنه يسحب المياه من البيئة المحيطة ويحبسها جوه بشرتك، عشان كده هيحافظ على بشرتك مرطبة وصحية من غير ما يسبب لمعانها أو زيادة الزيوت فيها.
حاجات لازم تخلي بالك منها قبل ما تستخدمي اي سيروم SERUM
طريقة الاختبار
- اغسلي بشرتك كويس بالغسول المناسب.
- جربي جزء صغير من المنتج على المنطقة جنب رقبتك الأول.
- استني 24 ساعة وشوفي ردة فعل بشرتك للمنتج
- لو ظهر احمرار أو تهيج أو حساسية يبقى بشرتك حساسة للمنتج ده ويفضل انك تتجنبيه.
- لو مظهرش أي رد فعل تحسسي، ممكن ساعتها تبدأي تدخلي المنتج في روتينك.
“بلاش تدّخلى أكتر من منتج جديد مرة واحدة في روتينك، اختبري كل منتج لوحده الأول عشان تقدري تحددي الحساسية جاية من أي منتج بالظبط”.
أفضل سيرم SERUM للبشرة الدهنية
- Natavis 10% Niacinamide Serum 30Ml
- La roche posay Effaclar serum
- Natavis Ultra-Hydrate Serum (2% Ha, 5% Pro-Vitamin B5)
- Natavis Retinol Serum
االمصادر
اهلا بيكي يا مشيرة مبسوطين اننا قدرنا نفيدك 😍
سيروم فيتامين سي هيكون مناسب معاكي جدًا لمشكلة الأكسدة والبقع اللي الحبوب سببتها
تقدري تستخدمي سيروم فيتامين سي وبعد ب 10 دقايق تستخدمي سيروم النياسيناميد وعشان كمان توصلي لافضل نتيجة بننصحك تستخدمي بعدهم مرطب فيتامين سي من نتافيس
ومهم جدًا تستخدمي صن بلوك قبل ما تتعرضي لاي شمس