ايه هي خطوات روتين الشعر الكيرلي المتقصف؟

استخدمي شامبو مرطب لشعرك متستغنيش عن البلسم تجنبي تسريح شعرك بعنف استخدمي منشفة من ميكروفيبر أو القطن تجنبي استخدام السشوار استخدمي ماسك لترطيب الشعر بعمق بانتظام حافظي على شعرك أثناء النوم بلاش تغسلي شعرك كل يوم قصي شعرك بانتظام ابعدي عن الصبغات

ازاي امشط شعري الكيرلي في روتين الشعر الكيرلي المتقصف؟

بلاش تقطعي شعرك وأنتي بتسرحيه بأي فرشاة.الشعر الكيرلي بنسرحه بس أثناء الشاور وهو عليه البلسم عشان يكون سهل في فك التشابكات.فك تشابكات شعرك بصوابعك الأول من تحت لفوق أثناء الشاور.بعدها استخدمي مشط اسنانه واسعه عشان تفكي التشابكات الصغيرة، وابدأي من تحت لفوق بالراحه وهو عليه البلسم.

عالجي تقصيف شعرك الكيرلي بروتين الشعر الكيرلي

Q: ايه هي فوايد روتين العناية بالشعر الكيرلي المتقصف

لو حصل وشعرك تقصف هيكون حله الوحيد هو القص،الالتزام بالروتين هيخليكي تتجنب التقصف من البداية. هيساعدك تطولي شعرك، ده لان التقصف بيخلي شعرك قصير وبيكسره، لكن لو تجنبتي التقصف من البداية، ده هيساعد شعرك يطول بصورة صحية أكتر. هيخلي شكل الكيرلي محدد أكتر وهيقلل الهيشان اللي بيحصل نتيجة التقصف. هيرطب شعرك ويسهل عليكي التحكم في شعرك وعمل الستايلنج بتاعه.

مقدمة عن روتين الشعر المفرود

4362

تقصف الشعر بيحصل في الأساس لما أطراف شعرك تبقى جافة وهشة ومش مترطبه بالصورة الكافية.

ده بيخلي الأطراف، اللي تعتبر أضعف جزء في الشعر، تبدأ تتقطع وتتقصف.

طرق تصفيف الشعر المعروفة زي السشوار والفرد بالحرارة وغيرها مع المنتجات الكيميائية، برضو تعتبر من أهم أسباب التقصف اللي بيحصل للشعر، عشان كده شعرك بيحتاج روتين العناية بالشعر حسب نوعه واللي محتاج يعوضه من الضرر اللي عليه.

فوايد من روتين روتين للكيرلي المتقصف

ايه فايدة روتين الشعر الكيرلي المتقصف؟

لما شعرك بيتقصف هيكون حله الوحيد هو القص، الالتزام بروتين الشعر المقصف هيخليكي تتجنبي التقصف من البداية، وهيساعدك تطولي شعرك، ده لان التقصف بيخلي شعرك قصير وبيكسره، لكن لو تجنبتي التقصف من البداية، ده هيساعد شعرك يطول بصورة صحية أكتر، وكده شكل الكيرلي هيبقى مُحدد أكتر وهيقل الهيشان اللي بيحصل نتيجة التقصف، وبالتالي روتين الشعر الكيرلي هيرطب شعرك ويسهل عليكي التحكم في شعرك وعمل الستايلنج بتاعه.

تفاصيل الخطوات

1- استخدمي شامبو مرطب لشعرك

الشامبو في روتين الشعر الكيرلي:

استخدمي شامبو لطيف خالي من السلفات أو الـ SLS.
السلفات بيجفف شعرك وممكن يسبب زيادة التقصف خاصة في الشتا، عشان كده حاولي تتجنبيها في الأوقات دي.
ممكن كمان متغسليش شعرك كل مرة بالشامبو، بدلي بين الشامبو والبلسم لغسيل شعرك عشان تقللي من الجفاف والتقصف اللي ممكن يحصل فيه نتيجة الغسيل الكتير.
استخدمي الشامبو بس على فروة رأسك، لأن ده المكان اللي بينتج الزيوت.
حاولي تتجنبي أنه ييجي على خصلات شعرك عشان هيسبب جفافها وتقصفها.

2- متستغنيش عن البلسم

البلسم في روتين الشعر الكيرلي:

خطوة أساسية للشعر الكيرلي، مينفعش ابدا تستغني عنها.استخدمي بلسم ترطيبه عالي.
استخدمي بلسم مناسب لبروتين ومسامية شعرك.
سيبي البلسم على خصلات شعرك لمدة 10 دقايق على الأقل وبعدين اشطفيه بالمياه.
ممكن كمان لزيادة الترطيب تزودي زيوت على البلسم بتاعك زي زيت الجوجوبا أو الأرجان عشان يغذي شعرك أكتر.

3- تجنبي تسريح شعرك بعنف

تمشيط الشعر في روتين الشعر الكيرلي:

بلاش تقطعي شعرك وأنتي بتسرحيه بأي فرشاة.
الشعر الكيرلي بنسرحه بس أثناء الشاور وهو عليه البلسم عشان يكون سهل في فك التشابكات.
فكي تشابكات شعرك بصوابعك الأول من تحت لفوق أثناء الشاور.
استخدمي مشط اسنانه واسعه عشان تفكي التشابكات الصغيرة.
ابدأي من تحت لفوق بالراحه وهو عليه البلسم.

4- استخدمي منشفة من ميكروفيبر أو القطن

المنشفة في روتين الشعر الكيرلي:

بلاش تجففي شعرك بالمنشفة العادية، لأنها هتجفف شعرك وتسبب تقصفه.
استخدمي بدلها فوطة من الميكروفايبر أو تيشيرت قديم من القطن.
القطن هيمتص المياه من شعرك وهينشفه كويس من غير ما يحتك جامد بيه وبالتالي مش هيسبب أي تقصف أو تكسير.

5- تجنبي استخدام السشوار

الحرارة مش في روتين الشعر الكيرلي:

الحرارة بتضر الشعر وتسبب تقصفه.
لو شعرك متقصف، حاولي تتجنبي استخدام السشوار عشان تنشفي شعرك.
لو اضطريتي تستخدمي السيشوار وانتي بتعملي روتين الشعر الكيرلي بتاعك، استخدميه على أقل حرارة أو على البارد بس وارفعيه على مسافه عالية عن الفروة علشان ميحصلش تقصف للشعراية من جذورها.

6- استخدمي ماسك لترطيب الشعر بعمق بانتظام

ماسك الترطيب في روتين الشعر الكيرلي:

الشعر الكيرلي محتاج ترطيب أكتر من العادي عشان تحافظي عليه مرطب وتتجنبي التقصف والتكسر.
عشان كده مهم أنك على الأقل مرة شهريا تستخدمي ماسك للترطيب العميق للشعر سواء كان ماسك طبيعي أو ماسك جاهز زي ماسك Lovea أو EveryStrand، أو ممكن تعملي ماسك في البيت يرطب الكيرلي وهيكون سهل.
استخدمي الماسك على شعر نظيف ورطب واتاكدي أنه وصل لكل اجزاء شعرك.
ممكن تستخدمي الكاب الحراري أو الشاور كاب البلاستيك عشان تخلي فعاليته وتأثيره أكبر.

7- حافظي على شعرك أثناء النوم

وقت النوم بعد روتين الشعر الكيرلي:

عادات النوم بتفرق جدا في صحة شعرن الكيرلي المتقصف، حافظي على شعرك ولميه في أي تسريحة مريحة.
لما تنامي من غير ما تلمي شعرك الكيرلي هيزيد احتكاكه بالمخده بتاعتك ويتكسر ويتقصف أكتر.
ممكن تغطي شعرك ببونيه ستان.
الأفضل انك تغيري غطاء المخدة بتاعتك كل يومين علشان تحافظي على شعرك من البكتيريا والهيشان.

8- بلاش تغسلي شعرك كل يوم

غسل الشعر في روتين الشعر الكيرلي:

الغسيل اليومي للشعر هيخلي شعرك جاف.
زيادة مرات غسل شعرك هيحرمه من ترطيب الزيوت الطبيعية اللي بيفرزها شعرك للترطيب.
لو شعرك جاف اغسليه مرتين في الأسبوع، هيكون كافي جدا لتنظيفه.
لو شعرك دهني اغسليه يوم بعد يوم وبدلي بين الشامبو والبلسم لغسيله.

9- قصي شعرك بانتظام

قص أطراف الشعر في روتين الشعر الكيرلي:

لو حصل وبالفعل شعرك أطرافه اتقصفت، في الحالة دي مفيش اي حل غير أنك تقصيها.
قص الشعر مكان التقصيف هيمنع أن التقصيف ده يزيد ويوصل لحد آخر الشعرة.
قص الأطراف المتقصفة هيحمي باقي الشعر من التكسر.
حاولي أنك تقصي أطراف شعرك بانتظام كل 6 أسابيع عشان تتجنبي الأطراف المقصفة من البداية.

10- ابعدي عن الصبغات

الصبغات مش في روتين الشعر الكيرلي:

الصبغات والمنتجات اللي بتحتوي على كحول هتسبب جفاف شعرك.
الصبغات بتزود تقصفه.
استبدليها بالحنة أو بالصبغات الطبية الخالية من المواد الأمونيا أو الكحول.

عدد الخطوات: 10

استخدمي شامبو مرطب لشعرك
متستغنيش عن البلسم
تجنبي تسريح شعرك بعنف
استخدمي منشفة من ميكروفيبر أو القطن
تجنبي استخدام السشوار
استخدمي ماسك لترطيب الشعر بعمق بانتظام
حافظي على شعرك أثناء النوم
بلاش تغسلي شعرك كل يوم
قصي شعرك بانتظام
ابعدي عن الصبغات

االمصادر

اسم المصدر: healthline

تقصف الشعر بيحصل اما شعرك يكون جاف ومتكسر ومش صحي. من أهم أسباب التقصف هو ظروف الطقس السيئة وتعريض الشعر للحرارة المستمرة أو تجفيفه المستمر بالسشوار. كمان استخدام منتجات كتيرة لتحديد الكيريليهات، وعدم تنضيف الشعر أول بأول من المنتجات دي ممكن يسبب تراكمها على أطراف الشعر وتقصفه. كل أنواع الشعر تقريبا بيحصل فيها تقصف للأطراف، بيزيد ده في الشعر الكيرلي لأنه يعتبر أكتر نوع شعر بيتعرض للجفاف وبيحتاج للترطيب المستمر. المقال ده بيوضحلك ايه اسباب التقصف، ليه وازاي بيحصل، ايه الطرق المختلفة اللي ممكن تعالجيه بيها، وايه المنتجات المختلفة اللي ممكن تساعدك تمنعي تقصف شعرك وتكسره من البداية.

اسم المصدر: Carolsdaughter

تقصف الشعر من أهم المشاكل اللي بيعاني منها أصحاب الشعر الكيرلي. عشان كده روتين الشعر الكيرلي مش لازم بس يركز على الترطيب المستمر، لكن كمان لازم يراعي الوقاية من المشاكل المختلفة اللي بيصاب بها الشعر ده زي التقصف. في أسباب كتير بيحصل بسببها التقصف، وفي حلول كتير برضو لمنع التقصف، لكن لو التقصف حصل بالفعل فعلاجه الوحيد بيكون غالبا القص. المقال ده بيوضحلك ليه التقصف بيحصل بنسبة أكبر لأصحاب الشعر الكيرلي، ايه الروتين اللي تقدري تمشي عليه عشان تقللي من احتمالية حدوث التقصف، لو حصل التقصف بالفعل ازاي تقدري تتعاملي معاه.

اسم المصدر: Frizzoff

تقريبا كلنا متفقين أن التقصف بيخلي شكل الشعر مش أحسن حاجة، مع ذلك للأسف على مدار حياتك لازم هتتعاملي مع التقصف على الأقل مرة أو اتنين. المقال ده بيشرحلك ازاي تفهمي شعرك، وازاي تمنعي التقصف من البداية، ولو حصل بالفعل إزاي ممكن تعالجيه وتحسني شكله.