9 خطوات روتين الشعر المموج تحميه من التساقط
مقدمة عن روتين الشعر المفرود
1814
9 خطوات بسيطة في روتين الشعر المموج المتساقط تساعدك تحافظي على شعرك من التقصيف والتكسر وبالتالي شعرك هيطول أكتر وهتزيد كثافته.
فوايد من روتين روتين الشعر المموج
ايه هي فوايد روتين الشعر المموج؟
- هيساعدك تحافظي على شعرك من التقصيف والتكسر وبالتالي شعرك هيطول أكتر وهتزيد كثافته.
- هيساعدك تحتفظي بالتموجات الطبيعية الموجود في شعرك ويخليها Defined أكتر وشكلها أحلى.
- مش هيسبب تراكم المنتجات على فروة شعرك، وده هيخلي شعرك مظهري صحي مش دهني أو ملزق.
- هيقلل التساقط بصورة ملحوظة، خاصة لو التساقط ده موسمي أو ناتج عن عادات غلط بتعمليها في شعرك.
- هيقلل الهيشان والجفاف اللي بيحصل نتيجة العادات الغلط اللي بنعملها، واللي بتسبب أن الشعر يفقد زيوته الطبيعية اللي بتحافظ على ترطيبه.
تفاصيل الخطوات
استخدمي حمام زيت قبل غسيل الشعر
حمام زيت في روتين الشعر المموج:
- استخدام ماسك الزيوت قبل غسيل الشعر، هيساعدك في ترطيب شعرك وفك التشابك بسهولة وبالتالي سقوط وتكسير أقل في الشعر.
- استخدمي حمام الزيت على شعرك الجاف عن طريق أنك تقسمي الشعر لـ 4 أجزاء.
- ابدأي وزعي الزيت على شعرك وسيبيه لمدة 20 دقيقة على الأقل وممكن تسيبيه فترة أطول.
- استخدمي كاب بلاستيك عشان تحبسي الحرارة وتساعدي شعرك يستفيد بصورة أكبر من الزيوت، وممكن تعملي حمام زيت بمكونات طبيعية وده هتلاقيه هنا.
اختاري الشامبو المناسب لنوع شعرك
الشامبو في روتين الشعر المموج:
- غسيل الشعر هو أول خطوة في أي روتين للشعر بغض النظر عن نوع ومشكلة الشعر ده ايه.
- الغسيل هدفه الأساسي هو تنضيف الشعر من أي زيوت وأتربة وخلايا الجلد الميتة والمنتجات المختلفة المتراكمة على الشعر.
- استخدمي شامبو خفيف خالي من السالفات والسيليكون والكحول والبارابين.
- لو فروة شعرك دهنية ممكن تستخدمي شامبو فيه نسبة بسيطة من السالفات عشان تحافظي على نظافة شعرك وتتجنبي القشرة.
- حاولي تخففي الشامبو بالمياه الأول قبل ما تستخدميهم على شعرك، ده هيخفف من تأثيره على شعرك وهيقلل من فقد شعرك للزيوت الطبيعية اللي بترطبه.
بلاش تستخدمي كمية كبيرة من الشامبو على شعرك
ازاي تستخدمي الشامبو في روتين الشعر المموج؟
- الشعر المموج والكيرلي بيجف بسهولة جدا عن الشعر العادي خاصة لما تغسليه بالشامبو بصورة زايدة عن الطبيعي.
- ده لأن الشامبو بيمتص الزيوت الطبيعية اللي بينتجها شعرك وده بيسبب جفافه.
- عشان كده حاولي تستخدمي كمية قليلة من الشامبو، خففيها بالمياه قبل الاستخدام، ودايما ركزي الشامبو على فروة شعرك مش على خصلات الشعر نفسها.
سرحي شعرك وهو رطب
ازاي تسرحي شعرك في روتين الشعر المموج؟
- الشعر المموج مش بيفضل أبدا أنك تسرحيه وهو ناشف.
- ده هيتسبب أنه شعرك يتقطع ويتكسر ويتساقط بصورة كبيرة.
- عدي صوابعك بين شعرك وهو عليه البلسم عشان تفكي التشابكات بصورة كبيرة.
- استخدمي مشط أسنانه واسعة في الشاور و ابدأي سرحي شعرك من تحت لفوق لحد ما تفكي كل تشابكات شعرك من غير ما تشديه.
خلي الشطفة الأخيرة لشعرك بالمياه الباردة
ازاي تغسلي شعرك في روتين الشعر المموج؟
- استخدام المياه السخنة في غسيل الشعر، بيخلي الشعر يفقد زيوته الطبيعية وبالتالي يخليه ضعيف ومعرض أكتر للتساقط والتكسر.
- خلي دايما آخر شطفه لشعرك بالمياه الباردة أو الفاترة عشان تحافظي على ترطيب شعرك.
تجنبي الحرارة على اد ماتقدري
هينفع تستخدمي الحرارة في روتين الشعر المموج؟
- الحرارة بتقلل من بروتين الشعر، ده هيخلي شعرك باهت ومش صحي.
- لو شعرك بيتساقط حاولي تقللي من استخدام الحرارة قدر الإمكان، أو استخدمي الحرارة لكن مش درجة عالية على الشعر.
- استخدمي سبراي واقي من الحرارة بصورة أساسية عشان يحمي شعرك من التأثير المضر اللي بتعمله الحرارة في شعرك.
- امرأة تمشط شعرها المجعد
قصي أطراف شعرك أول بأول
قص الأطراف في روتين الشعر المموج:
- قصي شعرك كل 6-8 أسابيع عشان تتخلصي من الأطراف المتقصفة والمكسرة.
- ده هيساعد شعرك ينمو بصورة صحية أكتر.
قبل النوم اربطي شعرك في صورة الأناناس
ازاي تنامي بعد ما تعملي روتين الشعر المموج؟
- عشان تحافظي على شكل تموجات شعرك، واربطيه كله قبل النوم في صورة كعكة فوق راسك.
- كمان حاولي تنامي على مخدة من الستان، عشان تقللي احتكاك شعرك معاها وتحميه من الهيشان والتساقط.
خلي أكلك صحي اد ماتقدري
الأكل بيأثر على روتين الشعر المموج؟
- صحة شعرك بتبدأ من جوه الجسم، عشان كده لو شعرك بيتساقط ومفيش أي سبب عضوي، لازم تتأكدي أنك بتاكلي الكميات والنوعيات المناسبة من الطعام قبل أي حاجة.
- زودي من الأطعمة اللي بتحتوي على نسبة عالية من أحماض أوميغا 3 الدهنية زي الأسماك والمكسرات والبذور والبيض والسبانخ.
- ده لأنها بتنشط الدورة الدموية وبتغذي بصيلات الشعر من جوه الجسم.
- كمان اتاكدي أنك بتشربي المياه بصورة كافية (على الأقل 3 لتر يوميا)، المياه بتساعد شعرك ينمو ويطول بصورة أكبر.
عدد الخطوات: 9
- استخدمي حمام زيت قبل غسيل الشعر
- اختاري الشامبو المناسب لنوع شعرك
- بلاش تستخدمي كمية كبيرة من الشامبو على شعرك
- سرحي شعرك وهو رطب
- خلي الشطفة الأخيرة لشعرك بالمياه الباردة
- تجنبي الحرارة على اد ماتقدري
- قصي أطراف شعرك أول بأول
- قبل النوم اربطي شعرك في صورة الأناناس
- خلي أكلك صحي اد ماتقدري
االمصادر
اسم المصدر: Thehealthsite
على الرغم من أن ناس كتير بتبص للشعر المموج أنه صعب في التعامل وبيحتاج عناية واهتمام أكتر من العادي، إلا أنه يعتبر مميز جدا وبيدي صاحبته شكل مختلف وجميل.
لكن الحقيقي أن فعلا الشعر المموج بيحتاج اهتمام وعناية عشان تحافظي عليه وتحميه من التساقط.
في أسباب كتير ممكن تسبب تساقط الشعر زي الأكل اللي مش صحي، تراكم المنتجات المختلفة، أدوات العناية بالشعر المختلفة خاصة لو بتستخدم الحرارة وغيرها كتير.
المقال ده بيشرحلك 13 غلطة ممكن تعمليها في روتينك للعناية بشعرك واللي ممكن تسبب تساقطه.
كمان بيوضحلك ازاي ممكن تتجنبيها عشان تقللي من التساقط وتحافظي على صحة شعرك.
اسم المصدر: Devacurl
تساقط الشعر اليومي بيحصلنا كلنا، وممكن يسبب لنا قلق وتوتر، لكنه يعتبر طبيعي جدا.
ايه هو تساقط الشعر، وهل يعتبر طبيعي؟
ايه اللي بيسبب تساقط الشعر؟
امتي اقول عندي تساقط؟
ازاي امنع تساقط الشعر؟
المقال ده بيجاوبلك على كل الأسئلة دي، وكمان بيوضحلك الفرق بين التساقط والتكسر، وايه اللي تقدري تعمليه عشان تقللي من تساقط شعرك وتحافظي عليه.
اسم المصدر: American Academy Of Dermatology
علاج تساقط الشعر بيبدأ في الأساس بتشخيص سبب التساقط بصورة سليمة.
المقال ده من الجمعية الأمريكية لأطباء الجلدية بيشرحلك ازاي طبيب الجلدية بيختبر تساقط شعرك، ايه الأسئلة اللي بيسألها، وايه الاختبارات اللي ممكن يطلبها.
كمان بيوضحلك أنواع تساقط الشعر المختلفة وايه الفرق بينها، وايه طرق العلاج سواء الطرق الطبية العلاجية أو الطرق اللي ممكن تعمليها في البيت عشان تساعدي إنك تقللي من التساقط.
خليكي أول واحدة تضيف ريڤيو