8 خطوات روتين البشرة الجافة- ترطيب ونضارة

التونر في روتين البشرة الجافة:

• خطوة التونر مش أساسية في روتينك، التونر في الأساس كان بيستخدم عشان يرجع درجة حامضية البشرة PH لطبيعتها بعد استخدام الصابون.
• أغلب غسولات البشرة في وقتنا ده بتتعمل في صورة تكون مناسبة لحامضية البشرة فالتونر مبقاش أساسي في الروتين.
• لو بشرتك جافة وهتستخدمي تونر، اتاكدي أنه خالي تماما من الكحول، لأن الكحول هيزود جفاف بشرتك.

السيروم في روتين البشرة الجافة:

• خطوة السيروم في الأساس موجودة في الروتين عشان تعالج مشكلة معينة في البشرة.
• لو بشرتك جافة اختاري مكونات في السيروم اللي هتستخدميه تكون مرطبة وتزود نضارة البشرة زي Hyaluronic acid حمض الهيالورونيك.
• حمض الهيالورونيك Hyaluronic acid بيشتغل زي مغناطيس للرطوبة، لأنه قادر أنه يجذب 6 أضعاف من حجمه من المياه.
• ده بيساعد خلايا بشرتك تحتفظ بأكبر قدر ممكن من الترطيب، وبيخليها مرطبه وصحية.
• مهم أننا نستخدم حمض الهيالورونيك Hyaluronic acid بطريقة صح عشان ناخد منه أكبر فايدة ممكنة.
• استخدمي حمض الهيالورونيك Hyaluronic acid على بشرة رطبة مش ناشفة ولا جافة، ودلكيه على بشرتك بحركات طبطبة خفيفة.
• لو استخدمتي حمض الهيالورونيك Hyaluronic acid على بشرة جافة، ممكن تلاحظي أن بشرتك بقت جافة أكتر، ده لأنه ممكن يمتص المياه من خلايا بشرتك نفسها وده هيسبب جفافها.
• حمض الهيالورونيك Hyaluronic acid مناسب لكل أنواع البشرة مش بس الجافة، ترطيبه العميق كمان هيحمي بشرتك من الخطوط الرفيعة وعلامات التجاعيد.

الترطيب في روتين البشرة الجافة:

• الترطيب خطوة مهمة جدا للبشرة الجافة، مينفعش تستغني عنها.
• اختاري مرطب قوي في صورة كريم، عشان قوامه بيكون أتقل شوية وبيساعد في ترطيب بشرتك أكتر.
• اختاري مرطب مفيش فيه مكونات ممكن تسد المسام عشان ميسببش أي حبوب.
• اختاري المرطب المكتوب عليه “noncomedogenic” أو لايسد المسام.
• رطبي بشرتك مرتين على الأقل يوميا، الصبح وقبل النوم.
• لترطيب الجسم تقدري تستخدمي مرطب قوي زي سترالين بدي ميلك لترطيب بشرة الجسم الجافة والحساسة.

كريم العين في روتين البشرة الجافة:

• البشرة الجافة هي أكتر نوع بشرة ممكن يظهر فيه تجاعيد وخطوط رفيعة.
• منطقة حول العين هي أكتر منطقة بيكون الجلد فيها رقيق جدا، ومعرض للخطوط الرفيعة والتجاعيد مع الوقت.
• عشان كده مهم جدا أن المنطقة دي تكون مرطبه وصحية.
• استخدمي كريم للعين في مكونات مرطبة زي حمض الهيالورونيك Hyaluronic acid عشان يخلي تحت عينك مرطب باستمرار ويحميكي من الخطوط والهالات.

الصن بلوك في روتين البشرة الجافة:

• الصن بلوك أهم خطوة في أي روتين لأي نوع بشرة.
• دايما الوقاية بتكون أسهل وأفضل من العلاج، عشان كده حماية بشرتك من الأضرار الكتير اللي بتسببها ليها أشعة الشمس مهم جدا.
• الأشعة فوق البنفسجية اللي بتيجي من الشمس ممكن تسبب جفاف جلدك وبهتانه.
• استخدمي صن بلوك في صورة كريم عشان يحافظ على ترطيب بشرتك، واختار معامل حماية SPF مش أقل من  30 عشان تضمني حماية قوية من أشعة الشمس.
• جددي الصن بلوك كل ساعتين عشان الحماية تفضل مكملة معاكي طول اليوم.

شرب المياه بيفرق في نتيجة روتين البشرة الجافة:

• ترطيب البشرة بييجي بالأساس من جوه الجسم.
• لو جسمك محتاج مياه من جواه، مهما استخدمي مرطبات خارجية هتفضل بشرتك برضو جافة.
• المياه بتساعد بشرتك تكون مرطبة وصحية أكتر.
• اشربي ما لايقل عن 3 لتر من المياه يوميا عشان تحافظي على بشرتك، ممكن تزودي عن كده خصوصا في الأيام اللي بتكون فيها درجات الحرارة عالية شوية.

ايه نتيجة الاستمرار على روتين البشرة الجافة؟

أي روتين للبشرة عشان تلاقي منه نتيجة ملحوظة إلى حد ما، فأنتي محتاجة مش أقل من شهر تقريبا التزام بيه.

التزمي بالروتين وادي لبشرتك وقتك تاخد عليه وبلاش تزهقي أو تستني نتايج سريعة في خلال يومين أو 3 أيام.