ايه هي خطوات روتين البشرة الدهنية قبل النوم؟

نضفي بشرتك بمزيل الميكاب أو مياه الميسيلار Micellar water اغسلي بشرتك بالغسول المناسب استخدمي التونر استخدمي السيروم كعلاج لمشكلة بشرتك استخدمي كريم العين الترطيب، آخر وأهم خطوة في روتينك

ليه استخدم غسول في روتين البشرة الدهنية بتاعي؟

استخدام الميسيلار Micellar لوحدها مش كافي لتنضيف بشرتك بصورة كاملة. عشان كده لازم بعد خطوة ازالة الميك أب تستخدمي غسول مناسب لنوع بشرتك، عشان تتأكدي أن مسام بشرتك نضيفة تماما. لو بشرتك دهنية، اختاري غسول في صورة جل، لأنه بيساعد على تقليل نسبة الزيوت والدهون في بشرتك. كمان لو بتعاني من الرؤوس السودا والبيضا، اختاري غسول يكون فيه مكون حمض الساليسيليك Salicylic Acid، ده لأنه في خواص مقشرة بتساعد أنه يتغلغل جوه مسام بشرتك وينضفها بعمق.

اشتركي في برنامج العينات المجانية من VouA عشان يوصلك منتجات كتير تجربيها و تحكيلنا تجربتك سجلي هنا

6 خطوات أساسية قبل النوم عشان تتحكمي في لمعان بشرتك الدهنية

عدد الخطوات :

نضفي بشرتك بمزيل الميك اب أو مياه الميسيلار Micellar water
اغسلي بشرتك بالغسول المناسب
استخدمي التونر
استخدمي السيروم كعلاج لمشكلة بشرتك
استخدمي كريم العين
الترطيب، آخر وأهم خطوة في روتينك

نوع البشرة:

مقدمة عن روتين قبل النوم

البشرة الدهنية بتعاني من مشاكل كتير زي الحبوب والرؤوس السودا والبيضا، علشان كده روتين البشرة الدهنية الليلي هيخليكي تتحكمي أكتر في إفرازات الدهون من بشرتك ويديها لوك صحي.

فوايد من روتين قبل النوم

ايه هي فوايد روتين البشرة الدهنية؟

التزامك بالروتين الليلي هيساعدك تتحكمي أكتر بإفرازات الدهون والزيوت من بشرتك الدهنية.
لما تعملي سكين كير روتين للبشره الدهنية ده هيخليكي تتجنبي ظهور الحبوب والبثور، لأنه هيخلي مسام بشرتك دايما نضيفة ومش هيتراكم فيها دهون أو أوساخ كتير.
هيجنبك ظهور علامات تقدم السن زي الخطوط الرفيعة والتجاعيد.
هيخلي لوك بشرتك صحي بصورة طبيعية، وهيساعدك تستغني عن استخدام الميك اب بصورة يومية.

*في بعض أنواع الروتين بتكون متخصصة أكتر على حسب السن زي روتين العناية بالبشرة الدهنية في فترة المراهقة تقدري اعرفي عنها أكتر لو انتي من مراهقة من أصحاب البشرة الدهنية أو المختلطة .

نضفي بشرتك بمزيل الميكاب أو مياه الميسيلار Micellar water

ماء ميسيلار في روتين العناية بالبشرة الدهنية الليلي:

أول خطوة في روتينك الليلي هي إزالة الميك أب لو بتستخدميه يوميا.

لازم تتأكدي أن بشرتك نضيفة تماما ومفيش فيها أي بواقي للميك أب قبل ما تبدأي في روتينك العادي.

يفضل تستخدمي مياه ميسيلار مخصصة للبشرة الدهنية أو المختلطة عشان مياه الميسيلار بيكون فيها جزيئات صغيرة Micelles بتكون قادرة أنها تدوب الدهون جواها وبالتالي تنضف وشك بسهولة من الميك أب وأي أوساخ أو أتربة.

اغسلي بشرتك بالغسول المناسب

الغسول في روتين العناية بالبشرة الدهنية الليلي:

استخدام الميسيلار Micellar لوحدها مش كافي لتنضيف بشرتك بصورة كاملة.
استخدمي غسول مناسب لنوع بشرتك، عشان تتأكدي أن مسام بشرتك نضيفة تماما.
اختاري غسول في صورة جل في روتين البشرة الدهنية، لأن الأنتظام عليه بيساعد في تقليل نسبة الزيوت والدهون في بشرتك.
كمان لو بتعاني من الرؤوس السودا والبيضا، اختاري غسول يكون فيه مكون حمض الساليسيليك Salicylic Acid، ده لأنه في خواص مقشرة بتساعد أنه يتغلغل جوه مسام بشرتك وينضفها بعمق.

استخدمي التونر

التونر في روتين العناية بالبشرة الدهنية الليلي:

التونر مش جزء أساسي من أي روتين للعناية بالبشرة، لكن لو بشرتك دهنية يُفضل تستخدمي التونر كجزء من سكين كير روتين للبشره الدهنية الخاص بيكي.
جربي تستخدمي تونر يكون فيه حمض الساليسيليك Salicylic Acid، لأنه هيحسن من مظهر مسام بشرتك عن طريق التخلص من خلايا الجلد الميتة والدهون والملوثات اللي ممكن تسبب انسداد المسام وظهور الحبوب في البشرة.
بللي قطنة ناعمة بالتونر وابدأي عديها على بشرتك بلطف بعد استخدام الغسول.
لو بشرتك حساسة، تجنبي تختاري تونر فيه مكونات زي الكحول أو العطور أو البارابين، لأنها ممكن تسبب تحسس بشرتك أكتر.

استخدمي السيروم كعلاج لمشكلة بشرتك

السيروم في روتين العناية بالبشرة الدهنية الليلي:

السيروم بنختاره في الأساس لعلاج مشكلة بتعاني منها البشرة سواء الحبوب أو الرؤوس السودا أو حتى للنضارة والتوريد.
ممكن في روتينك الليلي تستخدمي مكونات تكون بتقلل من علامات التقدم في السن زي الريتينول Retinol.
الريتينول Retinol مكون مهم جدا يكون في روتين العناية بالبشرة الدهنية.
هو شكل من أشكال فيتامين أ Vitamin A، اللي بيزود من معدل تجدد الخلايا.
كمان بيزود من إنتاج الكولاجين وبيفتح البشرة ويقشرها.
لو أول مرة تستخدمي الريتينول Retinol في روتينك، ابدأي بكمية صغيرة مرتين ل 3 مرات في الأسبوع وراقبي مدى استجابة بشرتك، لو لاحظتي أي احمرار أو تحسس وقفيه علطول أو قللي الكمية اللي بتستخدميها منه.
طبيعي في أول فترة لاستخدامك للريتينول Retinol ممكن بشرتك تقشر شوية، ده طبيعي جدا وهيروح بمجرد ما بشرتك تاخد على المنتج.
استخدمي أقل تركيزات من الريتينول Retinol في البداية وزودي تدريجيا عشان متسببيش حساسية لبشرتك، ومتنسيش تلتزمي معاه بالصن بلوك والمرطب بصورة أساسية.

استخدمي كريم العين

كريم العين في روتين العناية بالبشرة الدهنية:

منطقة حول العين، من أكتر المناطق اللي بيكون فيها الجلد رقيق ومعرض للخطوط الرفيعة والتجاعيد، عشان كده مهم تحافظي عليها مرطبه وصحية.
استخدمي كريم للعين في مكونات تقلل الهالات السودا زي الكافيين Caffeine أو مكونات تجنبك الخطوط الرفيعة زي الريتينول Retinol.
وزعي كريم العين في المنطقة حوالين العين بحركات طبطبة بسيطة من غير ما تدعكيه بعنف عشان تتجنبي الخطوط اللي بتظهر نتيجة الحركة دي مع الوقت.

الترطيب، آخر وأهم خطوة في روتينك

الترطيب في روتين العناية بالبشرة الدهنية:

البشرة الدهنية بتحتاج ترطيب زي أي نوع بشرة، على غير المعروف والمنتشر، وممكن تفهمي ليه الترطيب مهم من هنا.
كتير مننا بيفتكر أنه عشان بشرتنا دهنية فمش محتاجين نرطبها، ده مش صحيح لكن العكس.
عدم ترطيبك لبشرتك الدهنية هيسبب رد فعل عكسي من الجلد وزيادة إفراز الدهون والزيوت عشان تعوض الترطيب المفقود ده.
عشان كده مهم تستخدمي مرطب لبشرتك بانتظام، اختاري مرطب يكون في صورة لوشن أو جل عشان ميسدش مسام بشرتك أو يسبب ظهور حبوب فيها زي الجل المائي من نيتروجينا هيدرو بوست.
من أنواع المرطبات اللي تقدري تستخدميها لترطيب البشرة الدهنية هو مرطب لاروش بوزيه ايفاكلار مات تقدري كمان تستخدميه مع الغسول من النفس المجموعة وهو غسول لاروش بوزيه ايفاكلار فوم جيل عشان توصلي لنتايج أفضل وتقدري تعرفي أكتر عن المجموعة دي من هنا.
لو بشرتك دهنية فيها بقع تقدري تستخدمي كريم زي بيوديرما سيبيوم جلوبال اللي هيرطب بشرتك، ينقيها ويقلل مظهر آثار الحبوب.
لو بشرتك حساسة تجنبي تماما أي مرطب فيه عطور أو بارابين، لأنه ممكن يحسس بشرتك أكتر.

المصادر

healthline

https://www.healthline.com/health/skin-care-routine-for-oily-skin-2#treat

معروف أن البشرة الدهنية مشاكلها كتير، زي الحبوب والرؤوس السواد والبيضا والالتهابات وغيرها. الروتين اليومي هيساعدك تعالجي مشاكل بشرتك، وتمنعيها من أنها تحصل من البداية. المقال ده بيتكلم بصورة بسيطة عن روتين يومي للتحكم في مشاكل البشرة الدهنية في 4 خطوات بسيطة ممكن تعمليها بصورة يومية عشان تحافظي على بشرتك صحية من غير لمعان أو زيوت.

Lorealparisusa

https://www.lorealparisusa.com/beauty-magazine/skin-care/skin-care-concerns/nighttime-skin-care-routine-for-oily-skin

تراكم الأوساخ والدهون على بشرتك طول اليوم ممكن يسد مسام البشرة ويسبب ظهور الحبوب والبثور فيها. لو مش بتستخدمي غسول لتنضيف بشرتك قبل النوم فكل الأوساخ دي هتتراكم وتسد المسام وتخلي بشرتك بتلمع أكتر على مدار اليوم. عشان كده مهم تحافظي على بشرتك نضيفة ومرطبة ومتغذية قبل النوم. لكن برضو في مشكلة تانية، ، الروتين لو كان معقد زيادة عن اللزوم بيخلي صعب على كتير مننا الالتزام بيه. المقال ده من شركة لوريال L'oreal بيشرح إزاي تعملي روتين ليلي بسيط لبشرتك الدهنية، يحافظ على صحتها ويقلل إفراز الدهون اللي بتسبب المشاكل في البشرة.

Nymag

https://nymag.com/strategist/article/best-products-for-oily-skin.html

أنك تختاري روتين مناسب لبشرتك، حاجة ممكن تكون صعبة على بعض الناس. ده لأن في اختيارات كتير جدا ومنتجات كتير أوي عشان تختاري منها المناسب لنوع بشرتك. عشان كده مهم جدا تفهمي نوع بشرتك ومشاكلها واحتياجاتها قبل ما تختاري المنتجات اللي تزوديها في روتينك. المقال ده بيقترح عليكي أفضل 10 منتجات للعناية ببشرتك الدهنية على مدار اليوم، ازاي تختاريهم، وايه مكوناتهم بالتفصيل.

درجة التاثير
سرعة التاثير
الاضرار الجانبية

6 خطوات أساسية قبل النوم عشان تتحكمي في لمعان بشرتك الدهنية

6 خطوات أساسية قبل النوم عشان تتحكمي في لمعان بشرتك الدهنية

فوايد من روتين قبل النوم

ايه هي فوايد روتين البشرة الدهنية؟

نضفي بشرتك بمزيل الميكاب أو مياه الميسيلار Micellar water

ماء ميسيلار في روتين العناية بالبشرة الدهنية الليلي:

اغسلي بشرتك بالغسول المناسب

الغسول في روتين العناية بالبشرة الدهنية الليلي:

استخدمي التونر

التونر في روتين العناية بالبشرة الدهنية الليلي:

استخدمي السيروم كعلاج لمشكلة بشرتك

السيروم في روتين العناية بالبشرة الدهنية الليلي:

استخدمي كريم العين

كريم العين في روتين العناية بالبشرة الدهنية:

الترطيب، آخر وأهم خطوة في روتينك

الترطيب في روتين العناية بالبشرة الدهنية:

المصادر

healthline

Lorealparisusa

Nymag

1تعليق

درجة التاثير

سرعة التاثير

الاضرار الجانبية

By 03 reviewer(s)

فلتر

Fatma

Al Wafa’s mousq street

دودو

شكرا جدا علي المعلومات الجميله دى

VouA

اسماء حسن

مفيد جدا

قوليلنا رأيك إلغاء الرد

الانطباع: