اشتركي في برنامج العينات المجانية من VouA عشان يوصلك منتجات كتير تجربيها و تحكيلنا تجربتك سجلي هنا

تخلصي من الجلد الميت للبشرة الدهنية والمختلطة

روتين العناية بالبشرة الدهنية والمختلطة-اتخلصي من الجلد الميت

تخلصي من الجلد الميت للبشرة الدهنية والمختلطة

روتين العناية بالبشرة الدهنية والمختلطة-اتخلصي من الجلد الميت

عدد الخطوات :

5

  1. اغسلي بشرتك بالغسول المناس
  2. اختاري مقشر مناسب
  3. لو هتستخدمي مقشر كيميائي
  4. تجنبي التقشير المبالغ فيه 
  5. رطبي بشرتك

نوع البشرة:

,

نوع البشرة:

,

مقدمة عن روتين البشرة الدهنية والمختلطة

5 خطوات واضحة وسهلة في روتين البشرة الدهنية والمختلطة ضروري جداً عشان تحافظي على بشرة صافية وتتخلصي من الجلد الميت.

فوايد من روتين البشرة الدهنية والمختلطة

ايه هي فوايد روتين البشرة الدهنية وروتين البشرة المختلطة ؟

  • خلايا الجلد الميت ممكن تسد مسام البشرة وده هيسبب ظهور الحبوب والبثور، التقشير بيساعد أنه ينضف مسام بشرتك بعمق وبيتخلص من الزيوت وخلايا الجلد الميتة أول بأول.
  • هيقلل من معدل ظهور الحبوب والرؤوس السودا والبيضا في بشرتك.
  •   هيقلل من التهاب البشرة نتيجة البكتيريا، لأنه هيخلصك منها ومش هيخليها تتراكم في المسام.
  • هيقلل من معدل ظهور الخطوط الرفيعة والتجاعيد، التقشير مش هيعالج علامات التقدم في السن لكن الالتزام بيه هيقلل من معدل ظهورها بنسبة كبيرة.
  • هيخلي بشرتك أنعم وصحية أكتر.
  • هيساعد بشرتك يكون لونها موحد، ويقلل من التصبغات وآثار الحبوب لأنه هيخليكي تتخلصي من طبقة الجلد الميت اللي بتسبب بهتان البشرة.
  • هيخليكي تستفيدي أكتر من منتجات العناية بالبشرة، لأنه هيخلي مسام بشرتك نضيفة أكتر وهيزود قدرتها على امتصاص المنتجات المختلفة.
اغسلي بشرتك بالغسول المناسب

ازاي اختار غسول مناسب في روتين البشرة المختلطة أو الدهنية ؟

استخدمي غسول في روتين العناية بالبشرة المختلطة ويكون من مكوناته مقشر زي حمض الساليسيليك Salicylic Acid.

 حمض الساليسيليك Salicylic Acid. بيقشر السطح الخارجي للجلد، وكمان بيتعمق جوه المسام ويخلصها من الدهون والشوائب.

عشان كده هو اختيار مناسب للبشرة الدهنية المعرضة للحبوب.

اختاري مقشر مناسب حسب نوع بشرتك

ازاي اختار مقشر في روتين البشرة الدهنية أوالمختلطة ؟

المقشر في سكين كير روتين للبشره الدهنية عموما له وظيفة واحدة، وهو التخلص من الجلد الميت وزيادة معدل تجدد خلايا البشرة.

مهم تعرفي طريقة عمل كل مقشر عشان تختار النوع المناسب لبشرتك.

في نوعين من المقشرات

مقشر فيزيائي

  • هي المقشرات اللي بتحتوي على حبيبات صغيرة فيها، دي بتعمل تقشير للبشرة عن طريق فرك الجلد بالحبيبات دي.
  • حركة الفرك دي هي اللي بتشيل خلايا البشرة الميتة وبتقشرها.
  • يفضل لو هتستخدمي مقشر فيزيائي تستخدمي مقشر تكون حبيباته صغيرة مش كبيرة.
  • ده لأنه الحبيبات الكبيرة بتحتك جامد بالبشرة وبتعمل فيها زي جروح صغيرة مش بنقدر نشوفها بعينينا وده بيضر حاجز الجلد جدا على المدى الطويل.

مقشر كيميائي

المقشرات الكيميائية عبارة عن أحماض بتقشر البشرة من غير أي فرك، لكن بتقشرها عن طريق أنها بتكسر الروابط اللي بين خلايا الجلد الميت وبتساعد في التخلص منه.

في منها 3 أنواع:

  • AHAs (أحماض ألفا هيدروكسي) زي حمض الجليكوليك Glycolic Acid وحمض اللاكتيك Lactic Acid.
  • BHAs (أحماض بيتا هيدروكسي) زي  حمض الساليسيليك Salicylic Acid.
  • أنزيمات الفاكهة.

اختاري المقشر حسب نوع بشرتك وطبيعة مشكلتها، لو بشرتك دهنية ومعرضة للحبوب فالمقشر الكيميائي هيكون الأنسب ليها وممكن تدخليه روتين البشرة الدهنية بتاعك.

ده لأن المقشر الفيزيائي هيسبب احتكاك مع بشرتك، وده ممكن يخليها تلتهب أكتر ويخلي الحبوب تتنقل بسهولة من مكان للتاني.

لو بشرتك دهنية وحساسة اختاري المقشرات اللي فيها حمض اللاكتيك Lactic Acid لأنه الألطف والأخف على البشرة.

استخدمي المقشر مرة أو مرتين أسبوعيا حسب طبيعة بشرتك

ازاي استخدم المقشر في روتين البشرة المختلطة أو الدهنية ؟

لو هتستخدمي مقشر فيزيائي

  1.  فابدأي وزعي كمية صغيرة على بشرة نضيفة ورطبة.
  2. دلكي بشرتك بحركات دائرية وخفيفة من غير ماتكوني قاسية على بشرتك عشان متجرحيش الجلد بجروح صغيرة.

لو هتستخدمي مقشر كيميائي

  1. ابدأي وزعي طبقة رقيقة من المقشر على بشرتك.
  2. سيبيه على بشرتك لمدة من 10-15 دقيقة، أو حسب ما موضح على المنتج.
  3. تجنبي انك تسيبي المقشر على بشرتك لفترة أكتر من اللازم لأ،ه ممكن في الحالة ده يسبب لك حروق أو التهابات.
  4. افركي المقشر أو اغسليه من على بشرتك، حسب التعليمات المناسبة لكل منتج.

تجنبي التقشير المبالغ في روتين البشرة الدهنية

نقطة مهمة ضروري تاخدي بالك منها لما تدخلي المقشر في روتين البشرة المختلطة أو الدهنية بتاعك:

  • عادة التقشير بيكون مطلوب للبشرة من مرة لمرتين أسبوعيا باستخدام مقشر لطيف.
  • استخدام المقشر في روتين البشرة المختلطة أو الدهنية مش قاعدة ثابتة، لأن بشرتنا بتتفاعل مع التقشير بطريقة مختلفة من حد للتاني.
  • دايما حاولي تسمعي بشرتك، بمعنى لو لقيتي أن التقشير بيخلي بشرتك ملتهبة أو جافة أو بيخلي يظهر فيها حبوب فحاولي تغيري نوع المقشر لانه ممكن يكون قاسي عليها.
  • ممكن كمان تقللي عدد مرات التقشير عشان تقوي حاجز البشرة شوية.
  • التقشير بصورة زايدة عن المطلوب هيخلي بشرتك تجف وهيضعف من حاجز البشرة اللي بيحميها من عوامل ضارة كتير.

رطبي بشرتك

خطوة مهمة جدا في روتين البشرة الدهنية بعد استخدام المقشر :

افضل روتين للبشرة الدهنية بيكون أساسي فيه الترطيب، ومهم جدا ترطبي بشرتك بعد عملية التقشير، عشان تقوي حاجز البشرة وتتجنبي ظهور أي قشور على سطح البشرة.

استخدمي مرطب مناسب لنوع بشرتك، يفضل يكون في صورة جل أو لوشن، لأنه مناسب أكتر للبشرة الدهنية والمختلطة، ده لأن قوامه بيساعده يرطب البشرة بعمق من غير مايسبب أي إفرازات زيادة من الدهون.

المصادر

Momjunction

تقشير البشرة جزء لا يتجزأ من أي روتين للعناية بيها. المقشر بيخلص بشرتك من خلايا الجلد الميتة المتراكمة عليها، وبالتالي بيدي بشرتك لوك صحي وناعم. كمان المقشر هيساعدك تتحكمي في إفراز الزيوت والدهون من بشرتك، وده هيقلل من الحبوب والبثور بصورة ملحوظة. المقال ده بيوضحلك أفضل 21 مقشر لبشرتك الدهنية والمختلطة، وكمان بيعلمك ازاي تختاري النوع المناسب حسب احتياجات بشرتك.

American Academy of Dermatology

التقشير هو عملية إزالة الجلد الميت من الطبقة الخارجية للبشرة، ناس كتير فاكرة ان التقشير لازم يتم عن طريق حركة فرك البشرة بالحبيبات لكن ده مش صحيح. في نوعين من التقشير، فيزيائي وكيميائي حسب نوع بشرتك و حسب احتياجها. المقال ده من الجمعية الأمريكية لأطباء الجلدية بيوضحلك إزاي تختاري نوع التقشير المناسب لبشرتك. كمان بيقولنا ايه خطوات التقشير الصحيحة واللي مش هتضر بشرتك اما تعمليها، وايه الاحتياطات والتحذيرات اللي ضروري تخلي بالك منها لو هتقشري بشرتك.

Byrdie

التقشير خطوة مهمة جدا لبشرة صحية، لو استغنيتي عن التقشير بشرتك هيكون شكلها باهت ومش صحي وممكن يظهر فيها قشور في أماكن مختلفة. عشان كده لازم تزودي خطوة التقشير في روتينك لو عاوزة بشرتك ناعمة وخالية من الشوائب. لكن مع كل ده، التقشير برضو ممكن يكون محير جدا، لأن فيه منتجات كتير للتقشير سواء للتقشير الكيميائي أو الفيزيائي. المقال ده بيوضحلك نوع التقشير المناسب لنوع بشرتك، وايه الخطوات اللي تعمليها عشان تقشري بشرتك بصورة سليمة، وايه المنتجات اللي مفروض تستخدميها بعد التقشير عشان تحافظي على النتيجة اللي وصلتيلها.

0تعليق

درجة التاثير

100 %

سرعة التاثير

100 %

الاضرار الجانبية

100 %

By 01 reviewer(s)

فلتر

  • Avatar

    Rghdaa Ibrahim

    ⭐⭐⭐⭐⭐

    موضوع مفيد جدا

    يوليو 29, 2022

    شاركيه على

    الريڤيو مفيد؟

قوليلنا رأيك

إيميلك هيكون مخفي ومش هيتم مشاركته مع المستخدمين

درجة التاثير
سرعة التاثير
الاضرار الجانبية

ReviewX

E.g.: https://www.youtube.com/watch?v=HhBUmxEOfpc