9 خطوات مهمة عشان تقللي هيشان شعرك- روتين الشعر الكيرلي
مقدمة عن روتين الشعر المفرود
1995
التزامك بروتين الشعر الكيرلي هيخلي شعرك صحي أكتر،خطوات واضحة
هتقلل من تساقط شعرك الكيرلي وضعفه عشان كده الحفاظ على شعرك صحي ومرطب هيحميه من مشاكل الشعر
فوايد من روتين روتين الشعر الكيرلي
ايه فايدة روتين العناية بالشعر الكيرلي؟
- هيخلي شعرك صحي أكتر، الاهتمام بالشعر هيخلي شعرك صحي و هيسهل عليكي جدا الاهتمام بيه.
- الوقاية من المشكلة أسهل بكتير من علاجها، المواظبة على روتين شعرك هيخليكي تتجنبي التقصف والتكسر والتساقط ومشاكل غيرها كتير ممكن تحصل لشعرك نتيجة لعدم الاهتمام.
- هيقلل من تساقط شعرك، ضعف الشعر وتكسره سبب رئيسي من أسباب تساقط الشعر، عشان كده الحفاظ على شعرك صحي ومرطب هيحميه من التساقط.
- هيسهل عليك الشكل الخاص بشعرك، وهيسمحلك تعملي تسريحات كتير من غير ما تبذلي مجهود كبير عشان تتحكمى فى شعرك.
- صحة شعرك من علامات صحة جسمك، يعني الشعر الصحي القوي معناه أن جسمك بينتج كمية كافية من الفيتامينات والعناصر الغذائية اللي بتضمن انه في أفضل حالاته صحيا.
تفاصيل الخطوات
استخدمي شامبو كريمي لغسيل الشعر
الشامبو الكريمي في روتين الشعر الكيرلي:
- هيشان الشعر بيحصل في الأساس بسبب الجفاف، الشعر الكيرلي بيكون معرض للجفاف أكتر من الشعر العادي.
- اختاري شامبو كريمي عشان تغسلي شعرك، ممكن يكون خالي من السلفات SLS أو في سلفات بنسبة بسيطة عشان ينظف شعرك وميسببش تراكم للمنتجات.
- ممكن تبدلي بين الشامبو والبلسم لو اضطريتي تغسلي شعرك أكتر بصورة يومية عشان تحافظي أكتر على ترطيبه.
استخدمي بلسم مرطب
البلسم في روتين الشعر الكيرلي:
- البلسم خطوة أساسية عشان ترطب شعرك بعد ما الشامبو بيكون اتخلص من الأوساخ والأتربة الموجودة فيه.
- اختاري بلسم ترطيبه عالي، ومناسب لبروتين ومسامية شعرك.
- لو شعرك بروتينه عالي تجنبي مكونات زي جوز الهند في البلسم بتاعك.
واظبي على حمام الزيت
حمام الزيت في روتين الشعر الكيرلي:
- حمام الزيت قبل غسيل الشعر بيغذيه وبيرطبه بعمق وبيقلل من الهيشان بصورة ملحوظة.
- اختاري الزيوت بناء على مسامية شعرك عشان متلاقيش نتيجة عكسية من استخدامها.
- أصحاب المسامية العالية، بيكون مناسب ليهم اكتر زيوت زي زيت جوز الهند والأفوكادو وزيت الزيتون.
- أصحاب المسامية المنخفضة، بيكون مناسب ليها اكتر زيوت زي الأرجان والجوجوبا وزيت اللوز الحلو.
- خدي بالك مسامية وبروتين شعرك بيتغيروا باستمرار، فدايما حاولي توازني بين اختياراتك للمنتجات بناء على تغييرات شعرك.
استخدمي ماسك مرطب للشعر كل شهر
ماسك الترطيب في روتين الشعر الكيرلي:
- الترطيب العميق للشعر الكيرلي مهم جدا، لأنه بيحافظ على صحته وبيحميه من الجفاف والتقصف وبيعالج الهيشان.
- التزمي بعمل ماسك لشعرك على الأقل مرة في الشهر وممكن تزوديها لمرة كل أسبوع لو شعرك بيعاني من الجفاف الشديد.
- سيبي الماسك على شعرك على الأقل ربع ساعة واستخدمي كاب بلاستيك عشان تساعدي شعرك يستفيد أكتر من الماسك.
- تقدري كمان تستخدمي أمبولات مرطبة للشعر الهايش والتالف زي أمبولات ايفا بالصبار ودي أمبولات مرطبة ومعالجة للشعر التالف والمتقصف، بترطب الشعر وتغذيه وتحافظ على نعومته ولمعانه مرتين أسبوعيا.
ابعدي عن الحرارة
ليه الحرارة مضرة في روتين الشعر الكيرلي؟
- الحرارة هتخلي شعرك شكله أحسن وهتقلل الهيشان بنسبة كبيرة، لكن ده كله بيكون بصورة مؤقته.
- الحرارة في الواقع بتضر شعرك جدا وبتكسر الروابط الطبيعية اللي بين خلايا الشعر وبتخليه معرض أكتر للتكسر والهيشان.
- تجنبي الحرارة قدر الإمكان، ولو اضطريتي تستخدميها، استخدمي أقل درجة ممكنة عشان تحافظي على شعرك.
تجنبي تسريح شعرك وهو ناشف
امتى تمشطي شعرك الكيرلي في روتين الشعر الكيرلي؟
- الشعر الكيرلي بنسرحه بس وهو مبلول، ممنوع تماما تسرحي شعرك الكيرلي وهو ناشف.
- ده لأن تسريح الشعر الكيرلي وهو ناشف هيخلي الكيرليهات تفصل عن بعضها، وهيسبب هيشانها بصورة كبيرة.
- سرحي شعرك وهو مبلول وعليه كمية كبيرة من البلسم أثناء الشاور عشان تتخلصي من التشابك.
- ابدأي سرحيه من تحت لفوق الأول بصوابع ايدك، بعدي استخدمي فرشاة مخصصة للكيرلي أو مشط أسنانه واسعه عشان تتخلصي من باقي التشابكات.
حددي كيرليهات شعرك
ازاي تعملي تحديد للكيرلي في روتين الشعر الكيرلي؟
- في طرق كتير هتساعدك لتحديد كيرليهات شعرك زي الـ definition brush أو الـ Plobing أو الـ Finger coiling.
- اختاري الطريقة المناسبة والأسهل ليكي عشان تحددي كيرليهات شعرك بصورة أفضل وهو رطب وعشان تقللي الهيشان.
استخدمي الجل عشان يديكي تحديد أكبر للكيرليهات
الجل في روتين الشعر الكيرلي:
- استخدمي جل خالي من السيليكون والبارابين والكحول و عشان يمنع هيشان شعرك.
- وزعي الجل على صوابعك،وابدأي لفيه حوالين كل خصلة كيرلي منفصلة عشان تديهم لوك محدد اكتر.
استخدمي سيرم مناسب لروتينك
السيروم في روتين الشعر الكيرلي:
- استخدمي سيروم مكون من الزيوت الطبيعية الخفيفة زي الجوجوبا، أو سيرم فيه سليكون بيدوب في المياه زي سيروبايب Seropipe.
- استخدمي السيروم بس على أطراف شعرك وتجنبي أنه ييجي على فروة رأسك عشان ميسدش مسامها.
- السيروم هيساعدك تحبسي الرطوبة في شعرك وهيقلل الهيشان اللي بيحصل نتيجة الجفاف.
عدد الخطوات: 9
- استخدمي شامبو كريمي لغسيل الشعر
- استخدمي بلسم مرطب
- واظبي على حمام الزيت
- استخدمي ماسك مرطب للشعر كل شهر
- ابعدي عن الحرارة
- تجنبي تسريح شعرك وهو ناشف
- حددي كيرليهات شعرك
- استخدمي الجل عشان يديكي تحديد أكبر للكيرليهات
- استخدمي سيرم مناسب لروتينك
االمصادر
اسم المصدر: Skinkraft
الشعر الكيرلي بيكون معرض أكتر للهيشان من الشعر العادي.
ده لأنه غالبا بيكون جاف ومعرض للتلف أكتر وده بيخليه محتاج للترطيب ومحتاج للاهتمام والعناية بصورة مستمرة.
لو كمان بتستخدمي صبغة أو منتجات مختلفة للستايلنج، ده ممكن يخلي شعرك جاف وهايش أكتر.
لكن هل ده معناه أنه مستحيل علاج الهيشان فيه؟
لا، ده مش حقيقي، مع ترطيب الشعر بالمكونات المناسبة والالتزام بالروتين المناسب ليه، هتقدري تتحكمي في هيشان شعرك بصورة كبيرة.
المقال ده بيوضحلك 11 نصيحة ازاي تقدري تهتمي بشعرك الكيرلي وتقللي هيشانه وبيشرحلك ازاي تخلي الكيرليهات محددة وصحية أكتر.
اسم المصدر: healthline
جيناتك هيا اللي بتحدد ملمس شعرك، بناء على جيناتك شعرك هيكون مفرود أو مموج أو كيرلي.
الهيشان بصورة عامة بحصل نتيجة لنقص الترطيب، عشان كده الشعر الكيرلي بيكون معرض ليه أكتر لأنه بيحتاج ترطيب أكتر من أي نوع شعر تاني.
المقال ده بيوضح اسباب هيشان الشعر، ازاي ممكن تعالجيها، ايه الخيارات المختلفة المتاحة، وايه المناسب منها لشعرك الكيرلي، وايه منها مش مناسب أو ممكن يسبب ضرر لشعرك.
اسم المصدر: Boucleme
ليه شعرك بيهيش؟
أيه أفضل المنتجات المناسبة ليه؟
هل الهيشان بيفرق من شعر للتاني؟
لو شعرك كيرلي، مهم أنك تتقبلي أن شعرك هيهيش في بعض الأوقات، ده طبيعي وبيحصل لكل الناس ومش بيقلل أبدا من جمال شعرك.
المقال ده بيوضحلك أنه مش مستحيل التعامل مع هيشان الشعر الكيرلي، وبيعلمك تشخصي ازاي سبب الهيشان عشان تقدري تحددي العلاج والمنتجات المناسبة ليه.
خليكي أول واحدة تضيف ريڤيو