9 خطوات أساسية في روتين العناية بالشعر الجاف
مقدمة عن روتين الشعر المفرود
فوايد من روتين روتين الشعر الجاف
روتين الشعر الجاف هيفيد شعرك بحاجات كتير، منها:
- تقليل الجفاف وتكسر شعرك بصورة ملحوظة.
- هيساعد شعرك يكون شكله صحي أكتر.
- هيخلي شعرك يطول أكتر بصورة صحية وهيقلل من التقصف.
- هيمنع مشاكل الشعر الجاف المشهورة زي القشرة الجافة والحكة والالتهاب في فروة الرأس
تفاصيل الخطوات
الشامبو في روتين العناية بالشعر الجاف:
الترطيب أولوية قصوى للشعر الجاف، روتين شعرك من أول لآخر خطوة لازم يكون مرطب بالكامل.
استخدمي شامبو يكون مرطب لشعرك ويكون غني بالزيوت وخالي من السلفات اللي بتجفف شعرك وتجرده من زيوته الطبيعية.
السلفات مش مضرة تماما، لأنها برضو بتنضف الشعر من التراكمات والأتربة، وعشان كده ممكن تستخدمي شامبو في سلفات خفيف لو حسيتي أن شعرك مش بينضف بالدرجة المطلوبة.
استخدمي الشامبو على فروة رأسك وجذور شعرك، وتجنبي أنه ييجي على أطراف شعرك عشان مينشفهاش.
البلسم في روتين العناية بالشعر الجاف:
مهم تختاري لشعرك بلسم يكون مرطب لخصلاته.
اختاري بلسم بالزيوت المرطبه زي الأفوكادوا والأرجان والجوجوبا.
استخدمي البلسم على أطراف شعرك بس، وتجنبي أنه ييجي على الفروة عشان ميسببش القشرة.
الماسك في روتين العناية بالشعر الجاف:
الماسك جزء أساسي من روتين العناية بالشعر الجاف.
الماسكات بتغذي شعرك بعمق وبتخلي شكله صحي ومع الاستخدام المستمر هتمنع من جفاف وتكسر شعرك.
استخدمي الماسك مرة أو مرتين في الأسبوع على الأقل، وزعيه على شعرك كله وسيبيه لمدة ربع أو تلت ساعة وممكن تستخدمي معاه كمان الكاب الحراري عشان تزودي من فايدته، واغسلي بعدها شعرك بالشامبو والبلسم المناسبين لنوع شعرك لأنهم أساسي في أي روتين.
حمام الزيت أساسي في روتين الشعر الجاف:
قبل ما تغسلي شعرك، مهم أنك تعملي حمام زيت عشان تزودي من ترطيب شعرك.
حمام الزيت ليه فوايد كتير زي:
- بيقوي الشعر.
- بيقلل من جفاف الشعر وفروة الرأس.
- بيقلل من تقصف الشعر وتكسره.
- بيزود تغذية الشعر وبالتالي بيسهل نموه.
لو شعرك جاف أو مصبوغ أو معرض للتقصف، فحمام الزيت من الخطوات اللي مينفعش تستغني عنها.
طريقة عمل حمام الزيت
- اغسلي شعرك بالشامبو كويس، الزيوت بتُمتص أفضل في الشعر النضيف، ده هيخلي فايدتها أكبر وهتستفيدي بيها أكتر.
- استخدمي من 3 – 6 معالق كبيرة من الزيت اللي هتختاريه، وسخنيه في حمام مائي أو في الميكروويف لمدة 10 ثواني.
- قبل ما توزعي الزيت على شعرك، اختبري كمية صغيرة من الزيت على بشرة ايدك عشان تتأكدي أنه مش سخن أوي.
- وزعي الزيت على كل شعرك، بما فيها الفروة والاطراف واتاكدي أنه وصل لكل أجزاء شعرك.
- غطي شعرك بالشاور كاب أو الكاب الحراري لمدة من 20-30 دقيقة.
- اغسلي شعرك بالشامبو واتاكدي أن كل الزيت نزل منه، وبعدين استخدمي البلسم على أطراف شعرك زي ما متعودة.
الليف إن مهم في روتين الشعر الجاف:
اختاري ليف إن Leave in يكون مناسب لطبيعة شعرك الجاف.
الليف إن Leave in هيساعدك تخلي شعرك مترطب، وهيسهل عليكي الستايلنج بتاعه و التحكم فيه.
اختاري ليف إن Leave in يكون غني بالزيوت المرطبة، وحاولي يكون خالي من الكحول لأنه ممكن يجفف شعرك أكتر.
استخدمي الليف إن Leave in على أطراف شعرك بس، من غير ماتقربي من الفروة، لأ،ه ممكن يتراكم على الفروة ويسببلك قشرة والتهابات.
ابعدي عن المياه السخنة في روتين الشعر الجاف:
المياه السخنة والبخار السخن هيجرد شعرك من كل الترطيب اللي فيه.
عشان كده حاولي تتجنبي تماما الشاور بالمياه السخنة أو حمامات البخار اللي بتكون سخنة زيادة عن اللزوم واستبدليها بالمياه الفاترة أو المتوسطة.
لو اضطريتي تستخدمي المياه اليخنة في الشاور، حاولي تقللي وقت الشاور أد ما تقدري وخلي آخر شطفة لشعرك بمياه باردة أو فاترة.
الحرارة بتبوظ خطوات روتين الشعر الجاف:
أدوات التصفيف بالحرارة زي السشوار والمكواة بتدمر الطبقة الواقية حوالين شعرك، ده هيضعف من شعرك وهيزود جفافه.
عشان كده حاولي أنك تقللي من استخدامك للحرارة في تصفيف شعرك قدر الإمكان، ولو مضطرة تستخدميها يبقى خليها على أقل درجة ممكنة عشان تقللي من الضرر الناتج عنها واستخدمي سبراي واقي من الحرارة قبل استخدامها.
قص الأطراف في روتين الشعر الجاف مهم:
الشعر الجاف بيتقصف بسهولة، لكن بمجرد ما اتقصف صعب أنك تعالجيه.
عشان كده مهم أنك تقصي شعرك بانتظام على الأقل كل 3 شهور عشان تحافظي على أطراف شعرك صحية وتساعديه ينمو بصورة سليمة.
امتى توقفي روتين الشعر الجاف؟
الروتين مش هيديكي نتيجة سريعة أو مرة، بالعكس هو اسمه روتين يعني لازم تلتزمي بيه فترة مش أقل من 3 شهور عشان تبدأي تلاحظي نتيجة كويسة في شعرك.
فبلاش تزهقي والتزمي بروتينك وخليه بسيط وحافظي عليه قدر الإمكان، وهتلاحظي الفرق لما تظبطي أكلك كمان لأن في أطعمة بتفرق في صحة الشعر هتلاقيها هنا.
عدد الخطوات: 9
- استخدمي شامبو مرطب
- استخدمي بلسم مرطب
- خلي الماسك جزء أساسي من روتينك
- حمام الزيت
- استخدمي ليف إن Leave in مناسب لنوع شعرك
- تجنبي المياه السخنة
- قللي من استخدامك للحرارة في تصفيف شعرك
- قصي أطراف شعرك أول بأول
- التزمي بالروتين ومتزهقيش في النص
االمصادر



5
/5بناءً على 13 تقييم
أوصت به 13 ريڤيوهات
درجة التاثير
سرعة التاثير
الاضرار الجانبية
بواسطة 09
رتبي حسب
AYa samer
مصر
عاوزه اعرف ايه هيا المنتجات المناسبه العربيه الجاف
شاركيه على
الريڤيو مفيد؟
VouA
اهلاً ايه
ممكن توضحلينا استفسارك اكتر عشان نقدر نساعدك
سارا
الشعر الجاف
جميل جدا بس ياريت نعرف المنتجات
شاركيه على
الريڤيو مفيد؟
VouA
اهلاً ساره
شكراً ليكي علي الريفيىو و هنضيف ترشيحات لكل خطوة أكيد الفترة الجاية ولو حابه تعرفي ترشيح حالياً لخطوة معينة بلغينا
آلاء
روتين العناية بالشعر الجاف
الروتين جميل بس ياريت الموضوع يكون مدعم بترشيح منتجات مناسبة للروتين عشان بنحتار في اختيار المنتج المناسب
شاركيه على
الريڤيو مفيد؟
VouA
اهلاً آلاء
اكيد، الفترة الجاية هنضيف ترشيحات منتجات وترشيحات لكل خطوة، بس حاليا بنرشحلك مجموعة كلاري
RaWnaa
Egypt
ممكن اضافه منتجات ك أمثله لان مش عارفه اجيب اي بضبط وشكرا
شاركيه على
الريڤيو مفيد؟
Nahla
روتين الشعر الجاف
ممكن منتجات لخطوات الروتين يعنى نوع شامبو معين او بلسم او زيوت مناسبة لحمام الزيت
شاركيه على
الريڤيو مفيد؟
Rghdaa Ibrahim
الروتين جميل
جميل جدا.
ياريت يكون في أمثلة للمنتجات ف كل خطوة من الروتين
شاركيه على
الريڤيو مفيد؟
Aml Mahmoud
اعجبني
ممكن اضافة ترشيحات لمنتجات تناسب كل خطوه
شاركيه على
الريڤيو مفيد؟
VouA
اهلا بيكي يا امل 🌸
هنضيف ترشيحات لكل خطوة أكيد الفترة الجاية ولو حابه تعرفي ترشيح حالياً لخطوة معينة بلغينا
ايمان
اعجبنى
اعجبنى الشرح شكرا للتوضيح
شاركيه على
الريڤيو مفيد؟
آيات عصام الدين
اعجبنى
جميل، ، ياريت امثلة عن المنتجات اللى بالروتين
شاركيه على
الريڤيو مفيد؟