5 خطوات روتين العناية بالبشرة الدهنية في فترة الدورة الشهرية

روتين العناية بالبشرة الدهنية في الأيام 7-11 من دورتك الشهرية:

خلال الوقت ده جسمك بيبدأ ينتج الإستروجين تاني.

العملية دي بتحفز إنتاج الكولاجين والإيلاستين، وده بيخلي خلايا بشرتك مرطبة وصحية اكتر.

هتبدأي تحسي في الفترة دي أن بشرتك فيها نضارة اكتر من الأسبوع الأول، وهيبقى سكين كير روتين للبشره الدهنية مفيد ونتيجته واضحة في الوقت ده

حاولي في الفترة دي تركزي على التقشير، ده لأنه بيبدأ يتكون خلايا جلد جديدة بالفعل والتقشير هيسرع من العملية دي.

الخطوات

1. حافظي على روتينك اليومي من الغسول والمرطب
2. استخدمي مقشر فيه أحماض الألفا هيدروكسي أو الAHA أو ممكن تستخدمي مقشر فيزيائي حبيباته صغيرة ومناسب لنوع بشرتك.
3. لو عاوزه كمان تدخلي منتج جديد في روتينك، الوقت ده هيكون أنسب وقت لتجربة منتجات جديدة على بشرتك.

روتين العناية بالبشرة الدهنية في الأيام 12-16 من دورتك الشهرية:

قبل مرحلة التبويض علطول، هرمون الاستروجين بيكون في أعلى تركيز له وده بيخلي بشرتك في أحسن حالاتها.

هتلاحظي في الفترة دي أن بشرتك مرطبة، المسام هتظهر بصورة أصغر، الحبوب هتقل واللوك بتاعك عموماً هيكون صحي ولطيف.

 الخطوات

1. استمري على الغسول المناسب لنوع بشرتك وكذلك المرطب.
2. في الفترة دي استخدمي المنتجات اللي بتزود إنتاج الكولاجين في بشرتك، زي الريتينول Retinol والببتيدات Peptides وسيروم فيتامين سي Vitamin C serum.
3. كمان ممكن تساعدي بشرتك تزود إنتاج الكولاجين عن طريق انك تستخدمي مقشرات للبشرة سواء مقشر كيميائي أو فيزيائي.
4. الفترة دي من الشهر هي أنسب وقت تعملي فيه تنضيف عميق للبشرة عند حد متخصص أو Facial، عشان تخلي بشرتك تستعد للفترة الجاية.

روتين العناية بالبشرة الدهنية في الأيام 17-24 من دورتك الشهرية:

بعد فترة التبويض، بتبدأ مستويات هرمون الاستروجين تقل، ويبدأ يزيد هرمون البروجسترون.

زيادة هرمون البروجسترون دي بتزود إفراز الدهون اللي ممكن تسبب انسداد مسام البشرة اللي بتسبب الحبوب.

الخطوات

1. استخدمي في الفترة دي غسول لطيف على بشرتك.
2. حاولي تستخدمي ال spot treatment أو اللصقات الخاصة بالحبوب عشان تعالجي الحبوب البسيطة اللي ممكن تظهر.
3. حاولي كمان تستخدمي ماسك الطمي عشان يساعد أنه يتخلص من الزيوت دي ويهدي بشرتك.

روتين العناية بالبشرة الدهنية في الأيام 25-28 من دورتك الشهرية:

بداية أيام الدورة الشهرية، ممكن يظهر فيها حبوب الشباب الناتجة عن التغير في الهرمونات.

بيقل في الفترة دي ​​هرمون البروجسترون والإستروجين، وبيكونوا أقل من مستوى هرمون التستوستيرون.

ده هيزود إفرازات الدهون في بشرتك، و يخليها تظهر بمظهر فيه لمعان.

كمان ممكن زيادة إفراز الدهون دي تسبب ظهور حبوب ملتهبة، خاصة لو في بكتيريا أو أتربة اتعرضت ليها البشرة.

الخطوات

1. استخدمي غسول في مكونات لعلاج الحبوب زي الـ BHA أو الساليسيليك Salicylic acid.
2. حاولي في الفترة دي تستخدمي منتج في حمض الساليسيليك Salicylic acid  عشان بيساعد يقشر الجلد الميت المتراكم في المسام وبيعالج الحبوب.