ماسك ماء الأرز وجل الصبار لتفتيح وترطيب البشرة

هل المتخصصين مع ولا ضد ماسك ماء الأرز وجل الصبار؟

1. المتخصصين شايفين إن  الدراسات المعمولة على استخدام جل الصبار وماء الأرز للبشرة قليلة ومش كافية بإننا نجزم بفوايدهم للبشرة، وكمان مجموعة منهم شايفين إن علشان نقدر نعتمد المواد دي في روتين العناية ببشرتنا محتاجين دراسات كتيرة جداً سريرية وعلى أشخاص حقيقيين مش مجرد دراسات نظرية.
2. ولكن مجموعة تانيه من المتخصصين شايفين إن ماء الأرز ليه فوايد للبشرة وبيساعد على ترطيبها وتفتيحها، وفيه بعض الدراسات اللي اتعملت على ماء الأرز واتكلمت عن فوايدها، ومن ضمن الدراسات دي: 

1.  دراسة اتعملت سنة 2018 في معهد أبحاث الأدوية (iMed.ULisboa)، كلية الصيدلة، جامعة ليسبوا، تحت إشراف البروفيسور أفينيدا جاما بينتو بتقول إن ماء الأرز ممكن إنها تقلل من نشاط الإيلاستاز، ودا عبارة عن إنزيم بيشارك في ظهور شيخوخة الجلد، وماء الأرز بيقلل من نشاطه، وبالتالي هيقلل من ظهور التجاعيد وعلامات تقدم السن.
2. تجربة اتعملت في 2002 على أشخاص مصابين بالأكزيما التأتبية، وأثبتت إن حالتهم اتحسنت بنسبة 20% بعد الاستحمام بماء الأرز لمدة 15 دقيقة مرتين يوميًا.

لكن خلي بالك أن الدراستين كانوا صغيرين جداً، ومنقدرش نقول إنهم دليل كافي وأكيد على النتايج الخاصة بيهم، وإن العلماء محتاجين دراسات وتجارب أكتر سواء معملية أو سريرية عشان نقدر نثبت فوايد أو أضرار المواد دي.

• طريقة تحضير ماء الأرز:

1. اغسلي كمية من الأرز بالماء.
2. انقعي الأرز  لمدة ساعتين، والاحسن تنقعيه طول فترة الليل. 
3. اتخلصي  من الأرز المنقوع واستخدمي مياه النقع اللي باقية بعد ما اتخلصتي من الارز في بخاخة واحفظيها في التلاجة. 

• طريقة تحضير ماسك ماء الأرز وجل الصبار: 

1. 1. ضيفي 3 معالق كبيرة من ماء الأرز مع معلقة من جل الصبار، وممكن تضيفي ليهم معلقة من زيت فيتامين هـ.
   2. قلّبي المكونات كويس جداً وحطيهم في علبة .

طريقة تمشي عليها علشان تستخدمي ماسك ماء الأرز للبشرة

1. استخدميه على بشرة نضيفة.
2. سبيه من ربع لتلت ساعة على البشرة، 
3.  اشطفيه بالمياه الفاترة أو ممكن يتساب بدون شطف