5 فوائد لماسك زيت جوز الهند للشعر

تقدري تعملي ماسك زيت الجوز الهند للشعر  بأكتر من طريقة حسب الهدف منه

1. هناخد معلقتين كبار من زيت جوز الهند.
2. هندفيهم في حمام مائي لحد ما يكون قوامه سائل.
3. ممكن تضيفي زيوت تانيه أو تستخدميه لوحده.

طريقة استخدام زيت جوز الهند للشعر

زيت جوز الهند ممكن يستخدم بطرق مختلفة على حسب الغرض اللي هنستخدمه فيه للشعر فممكن نستخدمه كمرطب او كماسك او سيروم للشعر لوحده او باضافته لمكونات تانية، ممكن استخدامه لوحده بالطرق دي :

• زيت جوز الهند كمرطب للشعر:

1. دفي الزيت في حمام ميه او باستخدام الميكروويف لمدة 30 ثانية.
2. قسمي الشعر لخصل وابدأي وزعي الزيت على شعرك من الجذور حتى الأطراف.
3. البسي بونيه بلاستيك على شعرك عشان تساعديه انه يمتص الزيت بشكل أفضل.
4. سيبيه في شعرك أقل مدة 3 ساعات أو اكتر وممكن تسيبيه على الشعر طول فترة الليل.
5. اشطفيه بالبلسم الاول قبل الشامبو عشان تسهلي غسيله من الشعر وتزودي الترطيب.
6. اغسلي شعرك بالشامبو بعدها كويس واتاكدي أن كل الزيت خرج من شعرك.
7. استخدمي البلسم بعدها لمدة 10 دقايق على أطراف شعرك واشطفيه عشان تحافظي على الترطيب.

زيت جوز الهند لنمو الشعر:

1. اقلبي شعرك كله لتحت.
2. استخدمي كمية مناسبة من الزيت تكون مناسبة لطول شعرك وكثافته.
3. اعملي مساج لفروة الرأس والشعر مقلوب لتحت لمدة 60 ثانية على الأقل.

زيت جوز الهند لفك التشابك :

1. استخدمي كمية صغيرة من الزيت على أطراف الشعر بس، والطريقه دي هتناسب الشعر الجاف اكتر.
2. ابدأي سرحي الشعر من تحت لفوق باستخدام أطراف صوابعك عشان تفكي التشابك بالراحة.
3. سرحي الشعر من تحت لفوق باستخدام مشط أسنانه واسعة.

زيت جوز الهند كسيرم للشعر

1. بعد غسل الشعر بالشامبو وترطيبة باستخدام البلسم اللي انتي بتستخدميهم في روتين شعرك.
2. استخدمي زيت جوز الهند كسيروم بكمية قليلة على الشعر بس من غير ما تقربي للجذور.
3. ده بيساعد أن الشعر يكون لامع وصحي ويفضل مترطب لفترة طويلة.

وممكن كمان نستخدم زيت جوز الهند باضافته لزيوت تانيه بالطرق دي :

ماسك زيت جوز الهند والأفوكادو لترطيب الشعر الجاف

1. ضيفي ملعقة من زيت جوز الهند مع ملعقة من زيت الأفوكادو واخلطيهم كويس جدا.
2. استخدميه على الشعر الرطب أو الناشف بعد ما تقسمي الشعر لـ 4 أجزاء.
3. وزعي الخليط من الجذور للأطراف واتاكدي أنه اتوزع كويس على شعرك.
4. سيبي الماسك على شعرك لمدة من 15: 20 دقيقة.
5. اغسلي شعرك بالماء الفاتر.
6. اغسلي الشعر بالشامبو والبلسم المناسبين لنوعه.

ماسك زيت جوز الهند وزيت الزيتون للحفاظ على رطوبة الشعر وعلاج الجفاف

1. اخلطي كمية مناسبة لطول الشعر وكثافته من زيت جوز الهند وزيت الزيتون بالتساوي.
2. قسمي الشعر لخصل وادهنيه من الجذور للاطراف بالماسك.
3. لفي شعرك وغطيه باستخدام بونيه بلاستيك.
4. سيبي الماسك على شعرك من نص ساعة لساعة أو أكتر.
5. اشطفي الشعر بالماء والشامبو واستخدمي البلسم المناسبين لنوع شعرك.