احمي شعرك من الجفاف وغذيه بماسك بياض البيض بالزيوت للشعر
نوع الشعر:
, 
, 
, 
طبيعة الشعر:
, 
, 
الهدف من ماسك بياض البيض
شعرك محتاج ماسك بياض البيض ليه؟
- ماسك بياض البيض مفيد جدا لترطيب الشعر الجاف وحمايته من الجفاف.
- كمان البروتين اللي في بياض البيض مع الخصائص الموجودة في زيت اللوز وزيت جوز الهند بتدي شكل رائع للشعر الكيرلي.
- ماسك بياض البيض كمان بيساعد جدا في تقوية الشعر وتعزيز نموه، مش بس لأنه غني بالمغذيات، لكنه كمان بيخلص فروة الراس من الدهون الزيادة فيحقق لها أعلى استفادة من المغذيات دي.
تحذيرات من ماسك بياض البيض
مفيش اي تحذيرات
- افصلي بياض بيضتين عن الصفار.
- ضيفي زيت اللوز وزيت جوز الهند واضربيهم كويس بالمضرب اليدوي.
استخدمي ماسك بياض البيض بالخطوات دي علشان تستفيدي منه :
- استخدمي صوابع ايدك عشان توزعي ماسك بياض البيض على فروة رأسك وشعرك بالتساوي.
- سيبيه على شعرك لمدة 15 دقيقة من غير ماتغطيه.
- لغسيل شعرك استخدمي مياه باردة مع الشامبو.
- عشان ماسك البيض ريحته قوية ومش مقبولة، فخدي بالك دايما أي ماسكات بالبيض للشعر دايما تغسليها بمياه باردة، لأن المياه السخنة ممكن تخلي البيض يستوي ويبقى أصعب في تنضيفه والتخلص من ريحته.
- ممكن كمان تضيفي عصير ليمون فريش أو عصير برتقال للمياه وانتي بتشطفي شعرك، وبكده تتخلصي من ريحة البيض وتتدي لشعرك ريحة حلوة غير إنهم هيساعدوكي في تنضيف فروة راسك بخواصهم الحمضية.
- ممكن كمان للتخلص من ريحة البيض تضيفي الخل وانتي بتشطفي شعرك.
- لو انتي من الناس اللي ريحة البيض بتسسب لهم غثيان، ممكن تضيفي زيت عطري للماسك نفسه وانتي بتحضريه زي زيت اللافندر، عشان يضيع ريحة البيض ويغطيها.
الفوايد
فوائد ماسك بياض البيض للشعر:
ماسك بياض البيض بيفيد شعرك ازاي؟
- بينضف فروة الراس من الدهون الزيادة، فبيقوي الشعر ويحارب القشرة ويزود نمو الشعر.
- بيغذي بصيلات الشعر بالفيتامينات والمعادن اللي بتحتاجها، فبيساعد على تمو الشعر الجديد بشكل أقوى، وبيكون أقل عرضة للتكسر أو التساقط وبالتالي بيديله فوليوم وكثافة، ولوك صحي أكتر.
- معظم محتوى البيض من البروتين متركز في البياض وبالتالي بيحتوي على كل الأحماض الأمينية الأساسية اللي بيحتاجها الشعر، واللي بتخلي الشعر أقوى وأنعم، كمان بيقوي الخصلات الضعيفة والتالفة عن طريق الحفاظ على مستوى الكيراتين في الشعر.
- بيقوي خلايا الشعر فبيخليه أقل عرضة للتكسر والتقصف.
- بيعوض نقص البروتين اللي بيحصل نتيجة تعرض الشعر للكيماويات زي الصبغات والفرد وغيرها، أو نتيجة التعرض لحرارة السيشوار والمكواة، أو حتى بسبب عوامل الجو الضارة.
- غني بالمعادن اللي بتساعد في نمو الشعر زي النياسين والريبوفلافين والبوتاسيوم والصوديوم والماغنسيوم.
- بيحتوي على إنزيمات بتساعد على منع التهابات فروة الرأس عن طريق التحكم في كمية الزيوت الطبيعية لفروة الرأس وتقليل الزايد منها.
- بيعمل ديتوكس للشعر من جميع أنواع البكتريا والالتهابات فبيحافظ على فروة الراس نضيفة وصحية.
- بيساعد جدا في إصلاح الشعر التالف والجاف، كمان بيساعد في حل مشاكل التساقط والقشرة أو أي مشاكل تانية في الشعر.
- ممكن تضيفيله عصير لمونة لعلاج القشرة، أو معلقتين عسل لشعر لامع، أو معلقتين جل صبار عشان يرطب فروة الراس ويقوي الشعر ويسرع معدل نموه ويديله لمعة مميزة.
فوايد زيت اللوز للشعر:
زيت اللوز في ماسك بياض البيض بيفيد بإنه:
- غني بالبيوتين، عشان كده بيغذي وينعم ويقوي الشعر ويحافظ على صحته.
- بيحمي الشعر من أشعة الشمس الضارة لأنه فيه معامل حماية طبيعي من الشمس بدرجة 5.
- بيستخدم كعلاج لفروة الراس بسبب خصائصه المضادة للبكتريا والفطريات، فبيكون فعال في علاج الشعر.
كمان عشان بيتغلغل بسهولة في الجلد فبيساعد جدا في تنضيف فروة الراس وتنضيف بصيلات الشعر.
- غني بالدهون الصحية والألياف والفيتامينات والمعادن.
- مضاد للالتهابات لأنه غني بمضادات الأكسدة زي فيتامين E و الماغنسيوم والفسفور والنحاس.
- بيستخدم في تنعيم الشعر المجعد وعلاج الشعر التالف.
- هو زيت منعم ومطري للشعر، لأنه بيملا الأجزاء الفاضية جوة خلايا الشعر فبيديله ملمس ناعم أكتر وبيخليه تسريحه أسهل.
- بيقوي ويصلح الشعر، لأنه بيخليه أقل عرضة للتكسر وتقصف الأطراف، كمان بيحسن مرونة الشعر وبيغلفه فبيقلل الاحتكاك أثناء التسريح.
- بيعالج أمراض فروة الراس زي الصدفية والجفاف والتهاب الجلد الدهني، لأنه بيزود تدفق الدم وبيغذيها بمضادات الأكسدة.
فوايد زيت جوز الهند للشعر:
زيت جوز هند في ماسك بياض البيض بيفيد بإنه:
- بيرطب الشعر وفروة الراس جدا لأنه بيمتص بسهولة.
- بيحافظ على بروتين الشعر ويقلل فقده وده بيديله لوك صحي.
- بيساعد على تطويل الشعر ولمعانه لأنه بيحميه من عوامل الجو اللي بتسبب التلف والتقصف والتساقط.
- بيحمي الشعر من أشعة الشمس لأنه عنده معامل حماية من الشمس 8.
عدد المكونات : 3
وقت التحضير: 15
- بياض 2 بيضة.
- 4 معالق زيت لوز.
- 2 معلقة زيت جوز هند
االمصادر
اسم المصدر: EatingWel
فوايد زيت جوز الهند عظيمة للشعر، والحقيقة هو أكتر زيت الشعر بيمتصه بسرعة وبعمق، وبالتالي هو أكتر زيت ممكن يحمي الشعر من فقد البروتين بسبب العوامل المختلفة.
في المقال ده هتلاقي أهم استخدامات زيت جوز الهند في العناية بشعرك، وهتلاقي كمان وصفات لماسكات بسيطة ممكن تجربيها بنفسك.
اسم المصدر: healthline
بشرتك مش هي الوحيدة اللي تقدر تستفاد من مميزات زيت اللوز، شعرك كمان بياخد منه كل التغذية اللي محتاجها عشان يبقى قوي وناعم، ده لأن زيت الوز غني بالبيوتين الضروري للحفاظ على صحة الشعر وقوته، وكمان حمايته من الشمس بمعامل حماية 5.
في المقال ده هتعرفي دور زيت اللوز في ترطيب فروة الراس، وتنضيف بصيلات الشعر، ودوره في علاج القشرة بسبب خواصه المضادة للبكتربا، كمان هتعرفي دوره في تنعيم الشعر المجعد وعلاج الشعر التالف وتحسين نموه.
اسم المصدر: BebodyWise
الشعر الطويل الكثيف هو تقريبا أمنية كل بنت وكل سيدة في العالم، لكنها للأسف أمنية ممكن تكون صعبة التحقيق لأن كتير من البنات والسيدات بيملكوا شعر ضعيف بيعاني من التكسر والتساقط.
لكن هل عندك فكرة إن استخدامك لماسك بياض البيض في روتين العناية بشعرك ممكن يكون من أبسط الحلول لحل كتير من مشاكل شعرك
المقال ده هيعرفك أد إيه بياض البيض غني بالبروتين اللي بيقوي شعرك من الجذور وبيساعد في سرعة نموه بشكل كبير، غير إنه بيرطب فروة راسك ويفك تجعد خصلات الشعر ويحسن ملمسه بشكل ملحوظ.
خليكي أول واحدة تضيف ريڤيو