رجعي شعرك لحالته الصحيه بماسك بذر الكتان للشعر بجل الصبار
نوع الشعر:
, 
, 
, 
طبيعة الشعر:
, 
, 
الهدف من ماسك بذور الكتان
ليه مهم تعملي ماسك بذر الكتان للشعر ؟
بذور الكتان عبارة عن بذور حجمها صغير في حجم حبة السمسم ولونها بيكون بني وتعتبر من المكونات الطبيعية اللي بتساعد في العناية والمحافظة على الشعر.
بذور الكتان بتحتوي على عناصر مهمه جدا لصحة الشعر وترطيبة زي
- اوميجا 3 Omega 3: الأوميجا بتوفر البروتينات والعناصر الغذائية المهمة لبصيلات الشعر، كمان بتنشط الدورة الدموية في فروة الرأس، وبتمنع التهاب بصيلات الشعر وبالتالي بتقلل التساقط.
- فيتامين E: مضاد للأكسدة بيحارب الجذور الحرة ويحسن من صحة الشعر.
- فيتامين B: غنية بالبيوتين والريبوفلافين والنياسين والبيريدوكسين وحمض البانتوثنيك وحمض الفوليك، ودي مسؤولة عن زيادة نمو الشعر وتقويته.
- مركبات الثيامين Thiamine: بيقوي جذور الشعر ويقلل من تساقطه.
تحذيرات من ماسك بذور الكتان
مفيش اي تحذيرات
طريقة عمل بذر الكتان للشعر:
- اغسلي وانقعي بذور الكتان لمدة 24 ساعة ودي خطوة اختيارية، بنقلل بيها مدة تحضير ماسك بذر الكتان للشعرعلى النار.
- ضيفي بذور الكتان على المياه في مقلاة، وابدأي سخنيه على نار عالية مع التقليب.
- بمجرد ما يبدأ الخليط في الغليان، بنخفف النار مع الاستمرار في التقليب لحد ما توصلي لقوام جيل شفاف.
- بمجرد ما بذور الكتان بترتفع على سطح المياه، ابعدي الخليط عن النار.
- بنصفي الخليط باستخدام قطعة شاش أو قطعة قماش من التُل.
- قلّبي الجيل كويس جدا عشان نتخلص من أي كتل.
- ضيفي جيل الصبار وقلبي كويس وممكن تضيفي كمان زيوت مختلفة للخليط، لكن اختاري الزيوت حسب بروتين ومسامية شعرك عشان متتسببش بنتيجة عكسية وتنشف شعرك.
طريقة استخدام بذر الكتان للشعر بتكون بخطوات محددة علشان تستفيدي منه
- قسمي شعرك لـ 4 أجزاء.
- ابدأي حطي الخليط على شعرك الناشف، من الجذور للأطراف واتأكدي أنه وصل لكل خصلات شعرك.
- غطي الشعر باستخدام بونيه بلاستيك أو أي غطاء تاني للشعر.
- سيبيه على شعرك لمدة من ساعة لساعتين تقريبا.
- اغسلي شعرك بالمياه الفاترة الأول واتاكدي أن الجيل نزل منه.
- اغسلي شعرك بالشامبو كويس واتاكدي من نظافته.
- اغسلي الشامبو من على شعرك كويس واستخدمي البلسم لمدة 10 دقايق عشان تحافظي على ترطيب شعرك.
طريقة تانيه لاستخدام ماسك بذر الكتان للشعر :
- ممكن تستخدمي جل بذر الكتان لوحده من غير جيل الصبار أو مع أي زيوت تانية حسب طبيعة شعرك.
- بعد غسل الشعر بالشامبو كويس جدا وشطفه واستخدام البلسم ممكن نستخدم جيل بذر الكتان على الشعر فقط سواء لوحده أو بعد خلطه مع زيوت مختلفة للشعر، عشان تسهل دوبان الجل وتسهل عليكي استخدامه.
- اعملي بعدها ستايلنج لشعرك بالطريقة اللي بتحبيها.
- الطريقة دي بتكون مناسبة اكتر للشعر الكيرلي لانها بتحافظ على شكل الكيرلز لمدة طويلة.
الفوايد
فوايد بذور الكتان
فوائد بذر الكتان للشعر كتيره، وهي:
- بتساعد على ترطيب الشعر وخصوصا الاطراف وده بيقلل من التقصف والهيشان بشكل عام.
- بذور الكتان بتحتوي على فيتامين E ومواد مضادة للاكسدة اللي بجانب اهمتيهم في الترطيب فهما كمان بيساعدوا على نمو الشعر وحماية الفروة من المشاكل والاضرار .
- بيعالج مشاكل الشعر من الجفاف والتقصف.
- بتغذي الشعر وبتحافظ على جماله وده عشان بتحتوي على فيتامين الثيامين Thiamine.
- بتحتوي على الماغنسيوم و المعروف انه من اهم العناصر اللي بيحتاجها الشعر وده لانه بيساعد من زيادة نمو الشعر وبيزود من كثافته.
فوايد جل الصبار
جل الصبار في ماسك بذر الكتان للشعر بيفيد بإنه:
- بيرطب جدا فروة شعرك وخصلات شعرك، لأن الصبار بيحتوي على نسبة كبيرة من المياه.
- في عناصر غذائية كتير بتساعد شعرك ينمو بطريقة صحية وبيحمي شعرك من الجفاف.
- بيقلل من القشرة، عن طريق أنه بيساعدك تتخلصي من خلايا الجلد الميتة ودهون الشعر وتراكم المنتجات على الفروة.
- بيساعد أن شعرك يحتفظ بزيوته الطبيعية، وده بيخلي فتلة شعرك أطرى وأسهل في الستايلنج.
- الصبار كمان مضاد قوي للفطريات والبكتيريا، ده بيحسن من صحة فروة الرأس وبيقلل من القشرة والحكة الناتجة عنها.
- الصبار غني بفيتامينات C و E و B-12 والكولين وحمض الفوليك، اللي بتغذي الشعر بعمق وبتقوي بصيلات الشعر وتمنع تساقط الشعر وتكسره.
- بيحسن من الدورة الدموية لبصيلات الشعر، وبالتالي بيساعد الفيتامينات والمعادن والأكسجين أنها توصل لبصيلات الشعر بصورة أفضل، وده بيساعد في نمو الشعر زي ما
- كمان فيه معادن زي الزنك والنحاس، ده بيحفز الخلايا في بصيلات الشهر وبيسرع من نموه.
عدد المكونات : 2
وقت التحضير: 20
- ½ كوب من بذور الكتان
- 2 أو 3 أكواب مياه
االمصادر
اسم المصدر: healthline
هل شعرك كيرلي وبتعاني من هيشان الشعر؟
استخدام الجل الكيميائي بيسبب تساقط شعرك؟
جل بذور الكتان ممكن يساعدك بصورة كبيرة في الحالة دي.
بذور الكتان تعتبر واحدة من أقدم النباتات في العالم، وهي مصدر لعناصر غذائية كتير جدا.
بذور الكتان ، المعروفة أيضًا باسم الكتان ، نبات سنوي يُزرع من أجل الألياف والبذور.
المصريون القدماء هما أول ناس استخدموا بذور الكتان في العالم، واستخدموها ساعتها لحاجات كتير زي اللبس والأكل وكمان الأدوية.
جل بذر الكتان فيه هو كمان عناصر كتير مرطبة ومغذية للشعر زي الأوميجا 3 Omega 3 و فيتامين E اللي بتغذي الشعر الجاف والتالف وترطبه.
المقال ده بيشرح فوايد بذر الكتان للجسم، وبيوضح كمان فوايده للشعر، وازاي ممكن تستخدميه لشعرك سواء كان شعرك كيرلي أو مفرود.
اسم المصدر: Femina
بذور الكتان غنية بالألياف وأحماض الأوميجا 3 Omega 3، بالإضافة لأ،ها غنية بالفيتامينات والمعادن اللي ليها فوايد في علاج أمراض القلب والوقاية من السرطان.
بذور الكتان كمان مفيدة جدا لشعرك.
ده لأن محتواها من الأوميجا 3 Omega 3 بيقوي الدورة الدموية لبصيلة الشعر ويزود من تغذيتها وده بيقلل من تساقط الشعر.
كمان بذور الكتان بتحتوي على فيتامين B اللي بيقوي الشعر ويزود نموه.
المقال ده بيشرحلك 4 طرق لاستخدام بذر الكتان عشان تغذي شعرك وتقللي من هيشانه.
اسم المصدر: Pinkvilla
تساقط الشعر وهيشانه مشاكل كتير بيعانوا منها.
بذور الكتان بتحتوي على أحماض الأوميجا 3 Omega 3 اللي بتنشط الدورة الدموية وبتقوي جذور الشعر وتزود نموه.
المقال ده بيشرحلك 3 طرق مختلفة لاستخدام ماسك بذور الكتان لشعرك.
5
/5بناءً على 02 تقييم
أوصت به 02 ريڤيوهات
درجة التأثير
سرعة التأثير
الاضرار الجانبية
بواسطة 02
رتبي حسب
Heba Mohamed
ماسك بذر الكتان
ماسك بذر الكتان تحفة تأثيره بيبان من اول مرة بيدى لمعة للشعر البهتان وبيرطبه
شاركيه على
الريڤيو مفيد؟
eva nasr
ماسك بذور الكتان فعلآ رائع
من اول استخدام فعلآ ماسك رائع ومنع التساقط والهيشان وخصلات الشعر اصبحت كثيفة نوعآ ما عن الاول
شاركيه على
الريڤيو مفيد؟