ماسك ماء الأرز للشعر، فوايده وطريقة عمله

Medical News Today

السيدات في الصين واليابان وجنوب شرق آسيا اتعودوا يستخدموا مياه الأرز كعلاج للشعر من زمان جدا. لكن هل ده معناه أن مياه الأرز ليها فعلا فوائد مثبته علميا؟ مياه الرز هو المياه النشوية اللي بتبقى بعد نقع الأرز لفترة أو غليه في المياه، ناس كتير بتقول أن مياه الأرز بتخلي الشعر ناعم وبتساعده ينمو بصورة أسرع. حبوب الأرز بتحتوي على 75-80% من وزنها نشا، يُعتقد أن مياه الأرز بتحتوي على فيتامينات ومعادن مختلفة هيا اللي بتفيد الشعر وتغذيه وتقويه. المقال ده بيشرح من وجهة نظر طبية فوايد مياه الأرز، وبيشرح كمان الأبحاث اللي اتعملت عشان تختبر فوايدها، وطريقة استخدامها للشعر وللبشرة بالتفصيل.

healthline

أغلبنا بيستخدم منتجات كتير غالية جدا عشان بس نوصل لنتيجة مرضية في شعرنا وبشرتنا، على الرغم أن فيه حاجات موجودة في كل بيوتنا وممكن نوصل بيها لنفس النتيجة بتكلفة بسيطة. مياه الأرز معروفة في اليابان من زمان جدا، كان معروف ساعتها أن الملكات بيستخدموا مياه الأرز عشان شعرهم يبقى طويل وناعم. عشان كده علماء كتير حاولوا يعرفوا إذا كان حقيقي فعلا تأثير مياه الأرز على الشعر ولا لأ. الدراسات وجدت أن مادة الإينوزيتول Inositol بيقدر يخترق الشعر التالف ويصلحه من جوه لبره، حتى إنه كمان بيحمي الشعر من التلف في المستقبل. الحاجة كمان المميزة جدا في مياه الأرز أنه مش محتاج أي مجهود، بالعكس بسيط جدا في تجهيزه واستخدامه ومش بيكلفك مجهود أو فلوس كتير. المقال ده بيشرح بالتفصيل فوايد مياه الأرز وازاي تقدري تحضريه وتستخدميه في البيت بسهولة.

Byrdie

الأرز هو واحد من أشهر الحبوب في العالم، الأرز غني بحمض الفوليك Folic Acid اللي الجسم بيحتاجه عشان يكون كرات الدم الحمراء في أجسامنا. مياه الأرز ليها فوايد كتير، صحيح مش كلها مثبتة علميا لكن ده ميمنعش أنها مفيدة للشعر. المقال ده بيشرح فوايد مياه الأرز المختفة وبيوضحلك طرق استخدامها في البيت.