ماسك جل بذور الكتان للبشرة الدهنية (بالخطوات)

نوع البشرة:

مختلطة

, جافة

, دهنية

, عادية

, حساسة

الهدف من ماسك جل بذور الكتان

البشرة الدهنية محتاجه الترطيب اللي في ماسك جل بذور الكتان

ماسك بذور الكتان للوجه من الأساس هدفه شد وترطيب البشرة، وده بفضل إن بذور الكتان بتحتوي على مجموعة من العناصر الغذائية والفيتامينات المهمة للبشرة زي أحماض الأوميجا 3 وحمض اللينوليك، كمان بيساعد البشرة في المحافظة على المياه جواها ومنع فقدانها من الخلايا وأنسجة الجلد.

تحذيرات من ماسك جل بذور الكتان

قبل ما توزعي ماسك جل بذور الكتان على بشرتك اعرفي:

  • ممكن إنها تسبب في حساسية لبعض الأشخاص، وعشان كده قبل استخدامها يُفضّل اختبارها على جزء صغير من البشرة وشطفه والانتظار لمدة 24 ساعة، ولو ظهر أي احمرار أو ورم أو طفح جلدي مينفعش تستخدميها.
  • بتحتوي بذور الكتان على الأوميجا 3 اللي بتقلل من الالتهابات، ولكن في بعض الأوقات ممكن إن بذور الكتان تتسبب في زيادة التهاب الجلد لو تم استخدامها بشكل متكرر، وده وفقاً لدراسة نشرتها المجلة الأمريكية للتغذية السريرية.
  • ممكن يتعرض الجل للتلوث وقت التحضير ويتسبب في ظهور مشاكل للبشرة زي الحبوب والالتهابات، وده لإن الأدوات اللي بيتم استخدامها مش معقمة بشكل يضمن إنها خالية من البكتيريا والجراثيم.

هل المتخصصين رأيهم ان ماسك ج بذور الكتان للبشرة الدهنية مفيد ولا مضر؟

  • مفيش أي آراء للمتخصصين في استخدام جل بذور الكتان للبشرة سواء من حيث الفايدة أو الضرر، وكل المقالات اللي بتتكلم عنها اجتهادات شخصية.
  • في دراسة نشرتها المجلة الأمريكية للتغذية بتتكلم عن أضراء بذور الكتان، ولكن أضرارها بشكل عام مش للبشرة، والدراسة دي بتقول إن ممكن بذور الكتان تسبب حساسية للجلد، وفي حالة اكلها أو استخدمها في المشروبات ممكن انها تسبب قيء وغثيان إذا تم استخدامها بشكل كبير ومتكرر .

في خطوات محددة لتحضير ماسك بذر الكتان للبشرة الدهنية

  1. اغسلي وانقعي بذور الكتان لمدة 24 ساعة، ودي خطوة اختيارية، بنقلل بيها مدة تحضير ماسك بذور الكتان للوجه لما يتعمل على النار.
  2. ضيفي بذور الكتان على المياه في مقلاة، وابدئي سخنيه على نار عالية مع التقليب.
  3. بمجرد ما يبدأ الخليط في الغليان، بنخفف النار وبتستمري في التقليب لحد ما توصلي لقوام جل شفاف. 
  4. بمجرد ما بذور الكتان بترتفع على سطح المياه، ابعدي الخليط عن النار.
  5. بنصفّي الخليط باستخدام قطعة شاش أو قطعة قماش من التُل.
  6. قلّبي الجل كويس جداً عشان نتخلص من أي كتل.
  7. احتفظي بيه في علبة في التلاجة.

استفيدي بماسك جل بذور الكتان للبشرة الدهنية لما توزعيه بالخطوات دي

  1. نضّفي بشرتك الدهنية باستخدام الغسول المناسب للبشرة الدهنية. 
  2. وزعي الجل على البشرة. 
  3. سيبيه 15 دقيقة على البشرة. 
  4. اغسليه بالمياه الفاترة واستخدمي التونر والمرطب المناسبين للبشرة الدهنية، تقدري تستخدمي مجموعة عناية بالبشرة الدهنية وقت عمل الماسك عشان توصلي لنتايج أفضل زي مجموعة لاروش بوزيه للعناية بالبشرة الدهنية واللي بتتكون من غسول لاروش بوزيه ايفاكلار فوم جيل ومرطب لاروش بوزيه ايفاكلار مات.


الفوايد

فوايد بذور الكتان

بيطلق عليها بذور تجديد شباب الحياة، وده لإن ليها فوايد للجسم سواء من الداخل أو الخارج، وده بفضل احتوائها على مجموعة من الفيتامينات والعناصر المهمة للجسم والبشرة زي فيتامين E وفيتامين B والثيامين والماغنسيوم والأوميجا 3، وكمان بتحتوي على مضادات أكسدة، ومن الفوايد اللي بتوفرها بذور الكتان للبشرة:

  • بتساعد على نضارة البشرة، وده بفضل احتوائها على الأوميجا 3.
  • تعمل كمضاد للتجاعيد والخطوط الرفيعة، وده لإنها بتحتوي على مضادات الأكسدة. 
  • بتساعد على شفاء الجروح بسرعة، وبتقلل من الطفح الجلدي، وده لأنها بتحتوي على الأوميجا 3.
  • بتعمل كمقشر للبشرة الدهنية وتساعد على التخلص من الجلد الميت. 
  • بتساعد في علاج حب الشباب عن طريق تنظيم عملية إفراز الدهون. 
  • بتحتوي على الأحماض الدهنية، ودي وظيفتها ترطيب البشرة. 
  • بتساعد في عملية تجديد خلايا البشرة، وده عن طريق إنها بتعمل كمقشر للجلد الميت والرؤوس السودا.
  • بتساعد على شد البشرة والتخلص من الشوائب.

الأسئلة الشائعة

هل ممكن استخدام بذور الكتان للبشرة بشكل يومي؟

الماسكات عموماً مش صح استخدامها بشكل يومي سواء الوصفات الطبيعية أو حتى الماسكات الجاهزة، واستخدامها بشكل يومي ممكن يتسبب في ظهور التهابات وجفاف للبشرة، وكمان ممكن تضعف الحاجز الوقائي للبشرة.

هل بذور الكتان ليها أضرار؟

موقع Health shot اتكلم عن بذور الكتان وقال ان بذور الكتان ممكن إنها تسبب أضرار زي إنها احتمال كبير تسبب حساسية خصوصاً للأشخاص اللي بتستخدمها بشكل كبير ومستمر، وكمان الموقع بيقول إنها ممكن تتسبب في زيادة التهاب الجلد.

هل بذور الكتان آمنة على الحمل؟

بذور الكتان مش آمنة على الحمل لو خدتيها عن طريق الفم، ولكن مفيش إثباتات عن أضرارها على الحمل لو تم استخدامها كماسك للبشرة أو الشعر، وعشان كدا بيُفضّل استشارة الدكتور الخاص بيكي قبل استخدامها.

عدد المكونات : 1

وقت التحضير: 30

  • ½ كوب من بذور الكتان.
  • 2 أو 3 أكواب مياه.

االمصادر

اسم المصدر: Webmd
WebMed
لو قررتي تستخدمي الماسك ده هتلاقي هنا في المقال ده فوايد مختلفة لاستخدام بذور الكتان، وكمان الآثار الجانبية ليها وطريقة استخدامها.
اسم المصدر: Timesofindia.indiatimes
Timesofindia
لو عايزة تعرفي معلومات أكتر عن بذور الكتان وفوايدها للبشرة والشعر، وكمان طريقة استخدامها، فالمقال ده هيفيدك جداً، لإنه بيتكلم عن فوايد بذور الكتان للبشرة، وكمان طريقة استخدامها كجل للبشرة وماسك للشعر.
اسم المصدر: Vedicline
Vedicline
المقال ده كمان بيتكلم عن بذور الكتان وفوايدها للبشرة من حيث إنها بتعزز النضارة وتعالج الحبوب وفوايد تانية بيتكلم عنها المقال ده بالتفصيل.
اسم المصدر: Healthshots
Healthshots
لو عايزة تعرفي معلومات أكتر عن أضرار بذور الكتان فالمقال ده بيتكلم عن الأضرار دي بالتفصيل.

خليكي أول واحدة تضيف ريڤيو

ضيفي أول ريڤيو عن “ماسك جل بذور الكتان للبشرة الدهنية (بالخطوات)”

إيميلك هيكون مخفي ومش هيتم مشاركته مع المستخدمين

درجة التأثير
سرعة التأثير
الاضرار الجانبية

سلة المشتريات
التسجيل

لو مش مسجلة ؟

اكتبي عشان تلاقي المنتجات الي انتي عوزاها
المتجر
0 المفضلة
0 items السلة
حسابي