6 فوايد مهمة لماسك جل الصبار للشعر

هيفرق معاكي هتستخدمي جل الصبار ازاي علشان تعملي الماسك

1. اغسلي ايدك كويس بالصابون قبل تحضير الوصفة دي، واغسلي كمان الصبار واتاكدي أنه نظيف تماماً.
2. الخطوة دي مهمة جدا قبل أي خطوة تانية وده عشان نضمن ان الجيل اللي هيطلع ميتعرضش لأي تلوث.
3. اقطعي ورقة أو نبات الصبار بسكينة حادة.
4. اقسمي الورقة من النص بحيث يكون معانا جزئين.
5. استخدمي ملعقة وطلعي الجيل من كل جزء من الصبار.
6. قلبي الجيل كويس عشان نتخلص من أي كتل موجودة فيه.
7. ضيفي كمية من المياه ويفضل يكون ماء معقم على الخليط وقلبيه كويس جدا.
8. استخدميه على الشعر بشكل مباشر أو ممكن نضيف عليه مكونات تانيه مختلفة.

طريقة استخدام الصبار لتنعيم الشعر:

1. قسمي شعرك الناشف لجزئين أو ل 4 أجزاء.
2. حطي جل الصبار على كل جزء من الجذور لحد الأطراف واتاكدي أنه وصل لكل شعرك.
3. غطي شعرك باستخدام بونيه بلاستيك.
4. سيبيه على شعرك لمدة 30 دقيقة أو ساعة تقريباً. 
5. اغسلي الشعر كويس باستخدام الميه الفاترة عشان نتخلص من الجل.
6. اغسلي شعرك بالشامبو الليمتعودة تستخدميه في روتين العناية بشعرك.
7. من المهم استخدام بلسم بعد غسل الشعر بالشامبو عشان نرطبه.
8. اشطفي البلسم كويس جدا واعملي الستايلنج المناسب لشعرك.

طريقة تانيه لاستخدام ماسك جل الصبار للشعر:

جيل الصبار ممكن يستخدم لوحده كماسك للشعر بالطريقة اللي اتكلمنا عنها وممكن نستخدمه باضافة زيوت تانيه ليه زي:

1. اخلطي 4 ملاعق من جيل الصبار مع 3 معالق من زيت جوز الهند ” ممكن نستبدل زيت جوز الهند بأي زيت تاني زي الزيتون مثلا ” وقلبيهم كويس.
2. حطيهم على شعرك وهو ناشف بعد تقسيمه لخصل وسبيه على الشعر لمدة 30 دقيقة.
3. بعدين اغسليهم بالمياه الفاترة والشامبو.
4.  ممكن تخففي الخليط ده بكمية من المياه وتستخدميه على الشعر  بس مش الفروة ك ليف ان من غير شطف والطريقة دي بتكون مفيدة جدا للشعر الهايش لانها بتساعد على ترطيب الشعر .
5. اخلطي معلقتين من جيل الصبار مع معلقتين من زيت الخروع ودلكي فروه الشعر بالخليط ده قبل النوم واغسليه بالمياه والشامبو الصبح. 
6. ممكن تخلطي جيل الصبار مع ملعقة من خل التفاح وخففيهم بالمياه، واشطفي بيهم الشعر ودي طريقة بتساعد على التخلص من قشرة الشعر وبتطهره من البكتيريا.