تقشير الوجه بالقهوة، مفيد لبشرتك ولا لأ؟ وإيه رأي المتخصصين؟
نوع البشرة:
, 
, 
, 
, 
الهدف من ماسك تقشير البشرة بالقهوة
القهوة مفيدة للبشرة بأكتر من طريقة حسب هتستخدميها ازاي
- أول حاجة لازم نعرف أن ماسكات القهوة عموماً ليها فوايد كتير، ولأن موضوعنا هنا عن البشرة هنتكلم إزاي وقد إيه أهميتها كـ سكراب للبشرة عشان هنعمل ماسك تقشير البشرة بالقهوة:
- بنستخدم ماسك تقشير البشرة بالقهوة لأنها بتخليها ناعمة اكتر كمان بتقلل من الانتفاخ والتورّم اللي بيحصل للبشرة أحيانا.
- بتعتبر القهوة مادة قابضة، بمعنى إنها بتسد المسامات، وبتقلل من حجم الزيوت، دا غير إنها بتشيل خلايا الجلد الميتة.
- القهوة بتحتوي على مضادات الأكسدة وحمض الكافيين، واللي بتساعد على تقشير البشرة وإشراقها، وكمان تغذيتها وتأخير علامات الشيخوخة وتعزيز الدورة الدموية.
تحذيرات من ماسك تقشير البشرة بالقهوة
قبل استخدام ماسك تقشير البشرة بالقهوة، اعرفي ان:
- بالرغم من فوائد القهوة للبشرة اللي ممكن تلاقيها في القهوة عموماً، إلا أن تقشير البشرة بالقهوة يمنع تكوين الكولاجين في البشرة.
- ممكن تقشير الوجه بالقهوة يخلي البشرة تلتهب إذا كانت البشرة حساسة، وممكن كمان يحصل احمرار للبشرة، فعشان كدا يُفضّل إننا نتجنب استخدام القهوة كمقشر لو البشرة حساسة وماتتحملش مقشر قوي زي القهوة.
اعرفي ايه رأي الخبراء المتخصصين في استخدام ماسك تقشير البشرة بالقهوة
زي ما في فوايد كتير اتكلمنا عنها، وكمان متخصصين الجمال والبشرة بيتفقوا مع الفوايد دي، إلا إنه في كمان معارضين لفكرة سكراب أو تقشير البشرة بالقهوة، وده لأنهم قالوا إن جلد الجسم مش زي جلد الوجه، فبالتالي بيعتبروا مقشر القهوة قوي على البشرة خاصةً البشرة الحساسة، وكمان في آراء بتقول إن البشرة أحياناً بتحتاج الطبقة الدقيقة جداً من خلايا الجلد الميتة على سطح الجلد، واللي بيشيلها ماسك التقشير، ودا للمساعدة في حماية البشرة من البيئة وأي عوامل تانية.
وكمان اتفقوا على إن لو شيلنا الطبقة الميتة من الجلد في سن مبكر أو صغير ، فدا ممكن يؤدي إن حاجز الجلد يضعف أو يسبب أضرار أكتر، زي التصبغ والشيخوخة وتلف الجلد.
عشان نحضّر ماسك القهوة نجيب طبق صغير عميق ونحط فيه معلقه القهوة ونضيف عليه معلقة الزبادي ونخلط كويس لحد ما يتجانسوا سوا.
دي خطوات عشان تعرفي تستخدمي ماسك تقشير البشرة بالقهوة
- نوزع ماسك القهوة للوجه كويس على كل الوجه وكمان الرقبة.
- ندلك الوجه والرقبة بلطف بحركات دائرية.
- نسيب الاسكراب دا على البشرة لحد ما نحس إنه نشف، وبعدين نفركه ونغسل البشرة كويس بمياه دافية.
- الأفضل بعده نمسح الوجه بقطنة فيها مياه ورد عشان نقفل المسام، وبعدها نرطب البشرة.
الفوايد
فوائد تقشير البشرة بالقهوة
يعتبر ماسك تقشير البشرة بالقهوة من أفضل المقشرات للبشرة، وده لأن فوايده كتير، منها:
- مش قاسي على الجلد.
- بتقلل من حجم الزيوت.
- بتزيل خلايا الجلد الميتة.
- بيساعد البشرة على إنها تظهر بشكل ناعم ومترطب.
- بتقلل من الانتفاخ والتورّم اللي بيحصل للبشرة أحياناً.
- بتعتبر القهوة مادة قابضة؛ بمعنى إنها بتسد المسامات.
ماسك القهوة بيعزز الدورة الدموية
معروف إن القهوة بتنشط الدورة الدموية، ودا عامل مهم جداً بيخلّي البشرة صحية ونضرة، وكمان بتقلل بشكل فعّال من تورم الأنسجة، وبتزيل انتفاخات الجلد والبشرة، كمان ممكن نعمل مكعبات قهوة متلجة ونحركها على البشرة، الحركة دي بتفيد البشرة بشكل كبير من كل فوايد القهوة.
ماسك القهوة مضاد للسيلوليت
أول حاجة عايزين نعرف إيه هو السيلوليت؟ السيلوليت هو حالة جلدية بتنتج عن زيادة الدهون في الطبقة اللي بتكون تحت الجلد مباشرة، ودي بتكوّن روابط صلبة مع الأنسجة التانية، فبتظهر على شكل تكتلات في الفخذين والأوراك والبطن والأرداف، وبتنتشر أكتر عند السيدات.
فالقهوة معروفة بإنها مقشر كويس جداً للجسم عشان يقلل من السيلوليت، ومن فوائد القهوة للبشرة انها بتساعد على شد الجلد وتقليل ظهور السيلوليت، فيُفضّل عمل تقشير للجسم بالكامل كل فترة من مرتين لـ 3 مرات في الشهر.
ماسك القهوة للبشرة مكافح للشيخوخة
التقشير بماسك للوجه بالقهوة بيساعد على تقليل ظهور الخطوط الدقيقة والبقع والتجاعيد اللي بيسببها التعرض الكتير لأشعة الشمس والاحمرار اللي بينتج عنها.
ماسك تقشير البشرة بالقهوة بيعالج الهالات السوداء
كمان تقشير الوجه بالقهوة بيساعد بشكل كبير في علاج الهالات السوداء، ودا لأن القهوة بتحتوي على الكافيين، ويقال إنه الكافيين بيساعد في توسيع الأوعية الدموية اللي بينتج عنها الهالات السوداء.
الأسئلة الشائعة
هل فعلاً ماسك تقشير الوجه بالقهوة مفيد؟
آه طبعاً، و خاصةً للناس اللي بتحب تعمل ماسكات في البيت، وزي ماقولنا ليه فوايد كتير في نعومة البشرة ومكافحة الشيخوخة وإزالة وتخفيف الانتفاخات تحت العين والهالات السودا.
إيه البدايل اللي ممكن نستخدمها بدل سكراب القهوة؟
في بدايل كتير وبتكون منتجات من شركات مختلفة زي بيزلين سنفرة مفتّحة للبشرة، وكمان في شركات بتوفر بنكهات مختلفة، زي الشيا والفراولة والفحم وكمان القهوة.
عدد المكونات : 2
وقت التحضير: 5
- معلقة واحدة صغيرة من القهوة.
- معلقة واحدة كبيرة من الزبادي.
االمصادر
اسم المصدر: Medicalnewstoday
القهوة معروفة بفوايدها خصوصًا في البشرة و تأثيرها الإيجابي في تقشيرها، ومن ضمن الفوايد دي إنها بتساعد البشرة على إنها تظهر بشكل ناعم ومترطب، كمان بتقلل من الإنتفاخ والتورّم اللي بيحصل للبشرة أحيانًا، دا غير إن حمض الكافيين الوجود في القهوة واللي هو من مضادات الأكسدة ممكن إنه يعزز مستوى الكولاجين في البشرة و بيقلل من الشيخوخة المبكرة للخلايا، وكمان حمض الكافيين بيحتوي على خواص مضادة للميكروبات ودا معناة إنه بيساعد في حماية الجلد من الشوايب والجراثيم، ودا مقال مُفصل عن القهوة عمومًا والبشرة خصوصًا و أهميتها ممكن تضيفلك معلومات تفيدك لو كنتي مهتمة بالماسكات الطبيعيه.
اسم المصدر: Scoopwhoop
طبعًا كتير مننا لازم يبدأ يومه بشُرب فنجان قهوة عشان نفوق ونعرف نشتغل أو ندرس، وزي مالقهوة مهم نشربها أول مانصحى فهي كمان ليها أهمية كبيرة لما نستخدمها كمقشر أو كسكراب للبشرة لإن الكافيين اللي فيها بيحسن من الدورة الدموية لما بنفرك الجلد بالمقشر، دا غير بتساعد في إنها بتشيل الجلد الميت ويتسبب البشرة ومتجددة وناعمة زي بشرة الأطفال، ودا مقال بيوضح أهمية القهوة خصوصًا لما نستخدمها كسكراب أو كمُقشر، وكمان بيقلل الإلتهاب لإن الخواص المضادة للإلتهابات المرتبطة بالبوليفينول وحمض الهيدروسيناميك الموجود في القهوة بيساعد في تقليل الإلتهاب وكمان تقليل ظهور البثور الحمرا.
4.46
/5بناءً على 08 تقييم
أوصت به 08 ريڤيوهات
درجة التأثير
سرعة التأثير
الاضرار الجانبية
بواسطة 06
رتبي حسب
Dr. Samar Nassar
حلو جدلل
هو ماسك قابض و بيعمل detox للبشرة وبينقيها وتحسي بشرتك بتتنفس بعده
شاركيه على
الريڤيو مفيد؟
Shaimaa
ماسك للبشرة
ماسك للبشرة القهوة فعلا جميل
شاركيه على
الريڤيو مفيد؟
صوفيا المغربي
حاجه طبيعيه
ماسك جميل جدا انا عن تجربه بستخدمه كل فتره جميل ومفيد حاجه طبيعيه وبضيف عليه عسل بس الاستخدام بالراحه
شاركيه على
الريڤيو مفيد؟
VouA
اهلاً صوفيا
شكراً جداً انك شاركتينا تجربتك
بننصح دايما نستخدم منتجات معدة للاستخدام على البشرة، ولو هتستخدمي أي منتج طبيعي يفضل تعملي ليه اختبار حساسية الأول لأن في منتجات طبيعية ممكن تضر بشرتك أو تكون Harsh شوية عليه
و بننصحك دايماً تقري التحذيرات اللي بتبقي موجوده في كل مقال او روتين عندنا علي الويبسايت
Basma Hasan
سكراب القهوه بالعسل
بعمله بالعسل وبيبقي حلو جدا بس بلاش نفرك جامد واحنا بنعمل اسكراب انا بشرتي دهنيه والطريقه دي حلوه جدا مع بشرتي
شاركيه على
الريڤيو مفيد؟
VouA
اهلا بيكي يا بسمة 🌸
بننصح دايما نستخدم منتجات مجهزة للاستخدام على البشرة،
ولو هتستخدمي أي منتج طبيعي يفضل تعملي ليه اختبار حساسية الأول
لأن في منتجات طبيعية ممكن احيانا تضر بشرتك أو تكون Harsh عليها شوية
دميانة ملك
بيعمل حساسية
بيعمل حكة وحساسية للبشرة الدهنية الحساسة والمعرضة للحبوب للاسف وساعات بيتسبب في نقل الحبوب او ظهور حبوب صغيرة
شاركيه على
الريڤيو مفيد؟
salma osama
احيانا بيعمل التهابات
حتى لو البشره مش حساسة احيانا بيعمل التهابات لو اتعمل و في حبوب بينقلها للاسف 🙁
شاركيه على
الريڤيو مفيد؟