ماسك بودرة التلك: الفوايد في مقابل الأضرار، يستاهل المخاطرة؟

قبل ما تستخدمي ماسك بودرة التلك، اعرفي:

1. لازم تاخدي بالك في جميع الأحول يكون جلدك سليم من غير أي جروح غير ملتئمة، كمان تتأكدي من عدم دخول بودرة التلك لعينيكي، أو للرئتين عن طريق الاستنشاق.
2. بودرة التلك بتتكون بالأساس من التلك المعدني، اللي لو دخل تحت الجلد من خلال جرح مش ملتئم بالكامل، أو من خلال العينين، هيسبب مشاكل صحية كتير جداً أبسطها تهيج واحمرار الجلد.
3. كمان الاستخدام المنتظم لبودرة التلك، أو استخدامها لفترات طويلة، بيؤدي لتقليل إنتاج الزيوت الطبيعية في الجلد، وده بيخلي الجلد جاف، ويعمل مشاكل زي التقشّر والحساسية.
4. بالإضافة لأن استخدام عصير الليمون المركّز على البشرة بشكل مباشر ممكن يسبب مشاكل زي الاحمرار، والالتهابات، والتحسس، والجفاف الزائد.
5. صحيح بودرة التلك بتدخل في تركيب الكتير من مستحضرات التجميل زي:

• كريمات الأساس Foundation.
• بودرة تثبيت الفاونديشن Face powder.
• الكونسيلر Concealer.
• البلش Blush.
• الآي شادو Eye shadow.
• الآي لاينر Eyeliner.
• أقلام تصحيح الحواجب Eyebrow pencils.
• الماسكارا Mascara.
• الروج Lipstick.
• الكريمات المرطبة واللوشن.

لكن مش معنى كده إن ليها خصائص مُفتّحة للبشرة، ولا فيه أي إثبات علمي على كده، ده غير إن أصبح الاتجاه دلوقتي ناحية مستحضرات التجميل الخالية من بودرة التلك، بسبب مخاطرها.

صحيح إن بودرة التلك هي مكون طبيعي، لكن مهم جداً نعرف إن مش معنى كلمة “طبيعي” إنه يكون بالضرورة “آمن”.

وعلى الرغم من إن لسة مفيش دراسات كفاية إدتنا إجابة واضحة إذا كان التلك آمن الاستخدام في مستحضرات التجميل ولا لأ، إلا إن كتير من شركات التجميل لسة بتستخدمه اعتماداً على إن إدارة الغذاء والدواء الأمريكية “FDA” بتعرّفه على إنه “آمن بشكل عام”.

لقينا إن بودرة التثبيت اللي بتحتوي على التلك بتكون أكتر سمك وتكتل من البودرة اللي مش بتحتوي عليه، ده عشان تكوّن طبقة سميكة وجافة تحسن من شكل المكياج، وبالتالي ده بيتسبب في انسداد المسام، وتكوين الحبوب، غير أنواع تانية من التهيج.

مناجم التلك بتكون قريبة من الأسبستوس أو الحرير الصخري Asbestos، فغالباً التلك بيتلوث بيه، وده بيؤدي لمشاكل كتيرة جداً زي التهابات البشرة الحساسة خاصة المنطقة حول العين، ولو تم استنشاقه فبيسبّب مشاكل في التنفس وأمراض الرئة.