ايه هي طريقة تحضير ماسك الشاي الاخضر؟

ضيفي 3 أكياس شاي أخضر لكمية من المياه المغلية. انقعيهم لمدة من 5 ل 10 دقايق. ضيفي زيت جوز الهند والعسل. اخلطي المكونات مع بعض كويس جدا. احفظي الخليط في بخاخ او زجاجة عادية.

ايه هي خطوات استخدام ماسك الشاي الاخضر؟

بللي شعرك بالمياه قبل ما تستخدمي الماسك. ابدأي وزعي الماسك على شعرك كله من الجذور للأطراف واتأكدي أن شعرك اتغطى بالماسك بالكامل. غطي شعرك بالشاور كاب. سيبي الماسك على شعرك لمدة 30 دقيقة وبعدين ابدأي اشطفيه بالمياه. اغسلي شعرك بالشامبو واستخدمي البلسم عشان تحافظي على ترطيب في شعرك. طرق تانية لاستخدام الشاي الاخضر للشعر: بخاخ الشاي الاخضر للتخلص من القشرة ضيفي 3 أكياس من الشاي الأخضر ل نص لتر من الماء. سيبيهم لمدة 20 دقيقة. صفيه واحفظيه في بخاخة بلاستيك. استخدميه بعد غسل الشعر عن طريق تدليك الفروة بلطف لمدة 10 دقايق. اغسلي شعرك بالماء البارد. استخدميه من مرتين لتلات مرات أسبوعيا. بخاخ الشاي الاخضر والزنجبيل وزيت شجرة الشاي لتكثيف الشعر ضيفي 8 قطع صغيرة من الزنجبيل وكوب شاي اخضر وعشر نقط من زيت شجرة الشاي. اخلطيهم بايدك أو بالخلاط كويس جدا واتاكدي أنه اختلط تماما قبل ما تستخدميه. صفي الخليط ده واحفظيه في بخاخ بلاستيك. بيستخدم مرة واحدة في اليوم. احفظيه في التلاجة عشان تحافظي عليه أطول مدة ممكنة.

ايه هي فوائد الشاي الأخضر للشعر؟

الشاي الاخضر ليه فوايد كتير جدا زي: بيساعد على زيادة وصول الدم للجلد وبالتالي وصول الاكسجين لمختلف أجزاء الجسم بما فيها فروة الشعر. بيزود ترطيب الجلد اللي بينمو فيه الشعر وبيحسن الدورة الدموية في فروة الشعر وده بيساعد في نمو الشعر وطوله. بيحتوي على مواد مضادة للاكسدة والالتهابات بتنشط الدورة الدموية وبتحمي خلايا فروة الرأس من أي التهاب. بيقلل من تكون القشرة وبيقلل من نسبة الإصابة بالصدفية وده لانه بيحتوي على مادة الكاتيكين Catechin. الشاي الاخضر بيقلل من هرمون الديهدروتستيرون DHT وده عبارة عن هرمون بيمنع نمو الشعر وبيحفز تساقطه.

اشتركي في برنامج العينات المجانية من VouA عشان يوصلك منتجات كتير تجربيها و تحكيلنا تجربتك سجلي هنا

ماسك الشاى الاخضر وزيت جوز الهند والعسل للشعر

عدد المكونات : 3

وقت التحضير: 10دقائق

3 أكياس من الشاي الأخضر.
3 معالق زيت جوز هند.
1 معلقة عسل نحل.

نوع الشعر:

طبيعة الشعر:

الهدف من ماسك الشاي الاخضر

اعرفي مراحل نمو الشعر وازاي ماسك الشاي الاخضر هيساعد نمو شعرك:

الشعر بيمر بتلات مراحل متكررة بشكل مستمر وهم:

مرحلة النمو.
مرحلة الطول.
مرحلة السقوط.

المراحل دي ممكن يحصل فيها تغيرات نتيجة الاضطرابات الهرمونية خاصة مع التقدم في السن.

التغيرات دي ممكن ان تكون سبب في زيادة مرحلة تساقط الشعر وهنا فرص تساقط الشعر بتزيد.

ماسك الشاي الأخضر ممكن يساعد في تحسين نمو الشعر عن طريق أنه بيطول مرحلة نمو الشعر وبيقلل او يبطيء من مرحلة التساقط وده عشان بيحتوي على البوليفينول Polyphenol.

تحذيرات من ماسك الشاي الاخضر

مفيش اي تحذيرات

طريقة تحضير ماسك الشاي الاخضر

امشي على الترتيب ده علشان شعرك يستفيد من ماسك الشاي الاخضر:

ضيفي 3 أكياس شاي أخضر لكمية من المياه المغلية.
انقعيهم لمدة من 5 ل 10 دقايق.
ضيفي زيت جوز الهند والعسل.
اخلطي المكونات مع بعض كويس جدا.
احفظي الخليط في بخاخ او زجاجة عادية.

خطوات استخدام ماسك الشاي الاخضر

ماسك الشاي الاخضر هيفرق معاكي لو مشيتي على الخطوات دي:

بللي شعرك بالمياه قبل ما تستخدمي الماسك.
ابدأي وزعي الماسك على شعرك كله من الجذور للأطراف واتأكدي أن شعرك اتغطى بالماسك بالكامل.
غطي شعرك بالشاور كاب.
سيبي الماسك على شعرك لمدة 30 دقيقة وبعدين ابدأي اشطفيه بالمياه.
اغسلي شعرك بالشامبو واستخدمي البلسم اللي متعوده عليهم في الروتين بتاعك،عشان تحافظي على ترطيب في شعرك.

طرق تانية لاستخدام ماسك الشاي الأخضر للشعر:

بخاخ الشاي الاخضر للتخلص من القشرة

ضيفي 3 أكياس من الشاي الأخضر ل نص لتر من الماء.
سيبيهم لمدة 20 دقيقة.
صفيه واحفظيه في بخاخة بلاستيك.
استخدميه بعد غسل الشعر عن طريق تدليك الفروة بلطف لمدة 10 دقايق.
اغسلي شعرك بالماء البارد.
استخدميه من مرتين لتلات مرات أسبوعيا.

بخاخ الشاي الاخضر والزنجبيل وزيت شجرة الشاي لتكثيف الشعر

ضيفي 8 قطع صغيرة من الزنجبيل وكوب شاي اخضر وعشر نقط من زيت شجرة الشاي.
اخلطيهم بايدك أو بالخلاط كويس جدا واتاكدي أنه اختلط تماما قبل ما تستخدميه.
صفي الخليط ده واحفظيه في بخاخ بلاستيك.
بيستخدم مرة واحدة في اليوم.
احفظيه في التلاجة عشان تحافظي عليه أطول مدة ممكنة.

فوايد الشاي الأخضر للشعر

ماسك الشاي الاخضر له فوايد كتير جدا زي:

بيساعد على زيادة وصول الدم للجلد وبالتالي وصول الاكسجين لمختلف أجزاء الجسم بما فيها فروة الشعر.
بيزود ترطيب الجلد اللي بينمو فيه الشعر وبيحسن الدورة الدموية في فروة الشعر وده بيساعد في نمو الشعر وطوله.
بيحتوي على مواد مضادة للاكسدة والالتهابات بتنشط الدورة الدموية وبتحمي خلايا فروة الرأس من أي التهاب.
بيقلل من تكون القشرة وبيقلل من نسبة الإصابة بالصدفية وده لانه بيحتوي على مادة الكاتيكين Catechin.
الشاي الاخضر بيقلل من هرمون الديهدروتستيرون DHT وده عبارة عن هرمون بيمنع نمو الشعر وبيحفز تساقطه.

فوايد زيت جوز الهند للشعر

من فوايد زيت جوز هند في ماسك الشاي الاخضر انه:

بيحتوي على حمض اللوريك وده نوع من الدهون المشبعة، بيزود نسبة البروتين اللي بيفقدها شعرك نتيجة الصبغات والحرارة والمواد الكيميائية.
بروتينات زيت جوز الهند تركيبها قريب من تركيب بروتينات الشعر، ده بيخلي قدرته كبيرة على الدخول في جذور الشعر وتغذيته بعمق.
زيت جوز الهند للشعر بيتميز عن باقي الزيوت النباتية بقدرته على تقليل الفقد اللي بيحصل في البروتين عموما في الشعر، سواء استخدمتيه قبل أو بعد ما تغسلي شعرك.
له خصائص مضادة للبكتيريا، ده بيخليه عنده قدرة أنه يحمي شعرك من القشرة الناتجة عن بعض الفطريات.

فوايد العسل للشعر:

من فوايد العسل في ماسك الشاي الاخضر للشعر انه:

العسل مرطب، بيحافظ على الرطوبة في شعرك، ده هيخلي شكل شعرك في لمعان صحي لطيف.
كمان بسبب خواصه المرطبة هيقلل من التقصف في شعرك، والذي غالبًا ما بيكون سببًا أن شعرك بينمو بصورة بطيئة.
بيحتوي على عناصر مضادة للأكسدة، بتحافظ على صحة فروة الرأس وخصلات الشعر.
العسل له خصائص مضادة للبكتيريا، بتمنع التهابات فروة الرأس وبيقلل من قشرة الشعر خصوصا القشرة الناتجة عن جفاف فروة الرأس.
العسل بيحتوي على إنزيم اسمه الجلوكوز أوكسيديز Glucose Oxidase، واللي بيبدأ في أكسدة الجلوكوز ويكون بيروكسيد الهيدروجين، اللي بيتميز بخصائصه المضادة للجراثيم.
يعتقد أن العسل بيحفز نمو الشعر من البصيلات، لكن مفيش أي بحث علمي لحد دلوقتي بيدعم الفرضية دي، العسل في الواقع مرطب قوي للشعر والترطيب ده بيقلل التقصف وبالتالي بيسمح لشعرك يطول أكتر ويزود كثافته، وممكن الشعر الجاف يستفيد منه أكتر.

المصادر

healthshots

https://www.healthshots.com/beauty/hair-care/green-tea-is-the-secret-remedy-for-hair-loss-heres-how-you-can-use-it/

الشعر الطويل الصحي هو حلم بنات كتير، لكن مع زيادة التلوث و العوامل اللي بتأثر على صحة الشعر، بيبدأ الشعر يتلف ويتساقط ويتكسر. الشاي الأخضر مش بس بيستخدم لخسارة الوزن ولعلاج مشاكل الجهاز الهضمي، لكنه كمان ممكن يستخدم كجزء من علاج مشاكل تساقط الشعر. المقال ده بيوضح المواد الفعالة المختلفة الموجودة في الشاي الأخضر وازاي بتساعد في علاج مشاكل الشعر بأنواعها. كمان بيشرح الطرق المختلفة اللي ممكن تدخلي بيها الشاي الأخضر في روتين عنايتك بشعرك سواء كماسك أو كسبراي.

Mybeautynaturally

https://www.mybeautynaturally.com/natural-hair-care/how-to-use-green-tea-for-hair-loss-8-green-tea-hair-mask-remedies

الشاي الأخضر هو واحد من أفضل المشروبات المفيدة لصحتك. ده لأنه مليان بالمواد الفعالة بيولوجيا واللي بتحسن الصحة والمزاج بصورة عامة. الشاي الأخضر كمان ممكن يساعد في صحة شعرك، ده بسبب مركبات الفلافونويد Flavonoid ومضادات الأكسدة الموجودة فيه واللي بتحسن صحة شعرك وتحميه من التساقط. البوليفينول Polyphenols الموجودة في الشاي الأخضر هو واحد من المواد الفعالة الرئيسية اللي بتساعد في تغذية خلايا الشعر وتنشيط جذور الشعر والبصيلات. المقال ده بيوضح مكونات الشاي الأخضر وفوايدها للشعر بالتفصيل، كمان بيقدم 8 ماسكات طبيعية باستخدام الشاي الأخضر لتغذية الشعر وعلاج تساقطه.

healthline

https://www.healthline.com/nutrition/green-tea-for-hair

الشاي الأخضر معروف كمشروب من زمان أوي، وهو يعتبر واحد من أشهر المشروبات في العالم كله. معروف أن الشاي الأخضر غني بمضادات الأكسدة، والكاتيكين Catechins، واللي بيقلل مخاطر الإصابة بأمراض القلب وأنواع معينة من السرطان. الشاي الأخضر كمان له فوايد كتير للشعر، المقال ده بيشرح بالتفصيل فوايد الشاي الأخضر للشعر وازاي ممكن تستخدميه وتستفيدي بيه لشعرك.