ليه شعرك محتاج ماسك الزبادي والافوكادو؟

لماسك ده غني بالدهون والبروتينات والزيوت الطبيعية والفيتامينات اللي بتغلف الشعر وتنعمه. العسل بيشتغل كمرطب قوي للشعر ومضاد للبكتيريا.

ايه هي فوائد الزبادي للشعر ؟

مرطب للشعر، الزبادي مرطب قوي للشعر الجاف والتالف خاصة لو التلف ده ناتج عن استخدام الصبغة أو أي علاج كيميائي أو لو ناتج عن استخدام الحرارة بصورة يومية ومستمرة، ده لأنه بيرطب طبقات الشعر الخارجية ويغذيها. بيقوي الشعر، ده لأنه مليان بالبروتين اللي بيقوي جذع الشعرة ويمنع تقصفها وتلفها. بيرطب الشعر، فروة رأس صحية معناها شعر صحي، لما بتنقص العناصر المغذية من فروة شعرك ده بيخلي الشعر يتلف بسرعة ويبوظ من أقل حاجة، الزبادي مليان بالعناصر الغذائية المفيدة اللي بتساعد تغذي فروة شعرك ويخليها صحية. ماسك الزبادي فيه حمض اللاكتيك Lactic Acid، ده بيساعد على تقشير فروة الرأس، وبالتالي يمنع تراكم المنتجات والدهون الزائدة على فروة رأسك. الزبادي فيه عناصر غذائية كتير زي الريبوفلافين والنياسين، ده بيساعد يقوي جذور الشعر. بيحتوي كمان على فيتامين B12 وده بيساعد في نمو الشعر وبيقلل من قشرة الشعر. فيه بيوتين Biotin اللي بيحفز وصول الدم للبصيلات ويعالج تلف الشعر وتكسره. بيحتوي على الكالسيوم اللي بيدي كثافة لشعرك ويقويه.

ايه هي فوائد الأفوكادو للشعر؟

بسبب استخدام الحرارة والمنتجات الكيميائية المختلفة وحتى بسبب التعرض للشمس والأتربة، شعرك ممكن يتلف ويبقى جاف وضعيف. الأفوكادو غني بالفيتامينات A و D و E و B6 و كمان غني بالبروتينات والأحماض الأمينية والمغنيسيوم وحمض الفوليك والنحاس والحديد اللي بتحافظ على صحة شعرك وتقويه. الزيوت الموجودة في الأفوكادو هي واحدة من الزيوت القليلة اللي بتقدر تخترق الجلد وترطب الشعر. بيزود نمو الشعر، نمو الشعر ناتج بالأساس عن عملية التمثيل الغذائي، والعملية دي ممكن تكون سريعة أو بطيئة حسب عوامل كتيرة زي: نقص التغذية واحد من الأسباب المهمة جدا و اللي بتبطئ نمو الشعر، إذا كنتي مش بتاكلي كويس فهتبدأي تلاحظي أن شعرك بقى ضعيف ومش بينمو بالدرجة المطلوبة زي الأول. الهرمونات، نمو شعرك في فترات الحمل والرضاعة بيختلف حسب هرمونات جسمك. الإجهاد وقلة النوم وزيادة شرب القهوة، ممكن يقلل من امتصاص جسمك لبعض المعادن زي الحديد والمغنيسيوم وده بيأثر برضو على نمو الشعر. علاجات الشعر الكيميائية أو الفرد،مش بس بتسبب تلف شعرك لكن كمان بتقلل من نموه. الأفوكادو غني بفيتامينات B و E اللي بتشتغل على مستوى خلايا الشعر وتعالج التلف اللي حصل في فروة الرأس، وده بيسرع من معدل نمو الشعر ويقوي جذور الشعر. بيزود لمعان الشعر، الشخص العادي عنده حوالي 100000 شعرة في فروة رأسه، كل خصلة شعر بتتكون من 3 طبقات، وكل خصلة بتنمو بمعدل 20 سم في السنة. لو الطبقات دي في حالة صحية، هتكون مرتبطة ببعضها بحيث يكون شكل الشعر صحي ولامع. لكن لما تكون الطبقات دي مش متماسكة ببعضها، شعرك هيظهر بصورة متكسرة وضعيفة ومش صحية. الأفوكادو غني بالزيوت الطبيعية اللي بتساعد في ربط طبقات الشعر وتغذيته. مرطب ومغذي للشعر لأنه بيحتوي على زيوت طبيعية وأحماض دهنية غير مشبعة، الزيوت دي بتغذي كل أنواع الشعر خاصة الشعر الجاف. غني بالفيتامينات اللي بتغذي فروة الشعر وبتساعده يكون صحي ومرطب وناعم. بيحتوي على البيوتين Biotin اللي بيساعد في نمو الشعر بصورة صحية. المعادن الموجودة في الأفوكادو زي البوتاسيوم والمغنيسيوم بترطب فروة الرأس وده بيساعد الشعر يكون صحي أكتر وبتزود لمعانه وتقلل تكسره.

اشتركي في برنامج العينات المجانية من VouA عشان يوصلك منتجات كتير تجربيها و تحكيلنا تجربتك سجلي هنا

عالجي الشعر التالف بماسك الزبادي والافوكادو الغني بالفيتامينات

عدد المكونات : 3

وقت التحضير: 15دقائق

1 كوب زبادي طبيعي

1/2 حبة أفوكادو

3 ملاعق صغيرة من العسل

نوع الشعر:

طبيعة الشعر:

الهدف من ماسك الزبادي والافوكادو

ليه شعرك محتاج ماسك الزبادي؟

ماسك الزبادي غني بالدهون والبروتينات والزيوت الطبيعية والفيتامينات اللي بتغلف الشعر وتنعمه.
العسل بيشتغل كمرطب قوي للشعر ومضاد للبكتيريا.

تحذيرات من ماسك الزبادي والافوكادو

مفيش اي تحذيرات

طريقة تحضير ماسك الزبادي والافوكادو

ايه هي طريقة عمل ماسك الزبادي والافوكادو للشعر؟

اهرسي نصف ثمرة من الأفوكادو لحد ما توصلي لعجينة ناعمة.
ضيفى 3 ملاعق صغيرة من العسل الأبيض.
ضيفي كوب من الزبادي.
اخلطي المكونات كويس لحد ما توصلي لخليط متجانس.

خطوات استخدام ماسك الزبادي والافوكادو

ازاي تستخدمي ماسك الزبادي والافوكادو؟

قسمي شعرك لـ 5 أجزاء منفصلة.
ابدأي وزعي الماسك على كل جزء لوحده من تحت لفوق.
دلكي فروة الشعر بالماسك كويس.
لفي أجزاء الشعر في صورة كعكة وثبتيها كويس.
سيبي الماسك على شعرك لمدة 15 دقيقة تقريبا.
اغسلي شعرك بالشامبو المناسب لنوعه.

فوايد الزبادي للشعر

ايه هي فوايد ماسك الزبادي للشعر؟

ماسك زبادي مرطب للشعر، الزبادي مرطب قوي للشعر الجاف والتالف خاصة لو التلف ده ناتج عن استخدام الصبغة أو أي علاج كيميائي أو لو ناتج عن استخدام الحرارة بصورة يومية ومستمرة، ده لأنه بيرطب طبقات الشعر الخارجية ويغذيها.
بيقوي الشعر، ده لأنه مليان بالبروتين اللي بيقوي جذع الشعرة ويمنع تقصفها وتلفها.
بيرطب الشعر، فروة رأس صحية معناها شعر صحي، لما بتنقص العناصر المغذية من فروة شعرك ده بيخلي الشعر يتلف بسرعة ويبوظ من أقل حاجة، الزبادي مليان بالعناصر الغذائية المفيدة اللي بتساعد تغذي فروة شعرك ويخليها صحية.
ماسك الزبادي فيه حمض اللاكتيك Lactic Acid، ده بيساعد على تقشير فروة الرأس، وبالتالي يمنع تراكم المنتجات والدهون الزائدة على فروة رأسك.
الزبادي فيه عناصر غذائية كتير زي الريبوفلافين والنياسين، ده بيساعد يقوي جذور الشعر.
بيحتوي كمان على فيتامين B12 وده بيساعد في نمو الشعر وبيقلل من قشرة الشعر.
فيه بيوتين Biotin اللي بيحفز وصول الدم للبصيلات ويعالج تلف الشعر وتكسره.
بيحتوي على الكالسيوم اللي بيدي كثافة لشعرك ويقويه.

فوايد الأفوكادو للشعر

ايه هي فوايد الافوكادو في ماسك الزبادي للشعر؟

بسبب استخدام الحرارة والمنتجات الكيميائية المختلفة وحتى بسبب التعرض للشمس والأتربة، شعرك ممكن يتلف ويبقى جاف وضعيف.
الأفوكادو غني بالفيتامينات A و D و E و B6 و كمان غني بالبروتينات والأحماض الأمينية والمغنيسيوم وحمض الفوليك والنحاس والحديد اللي بتحافظ على صحة شعرك وتقويه.
الزيوت الموجودة في الأفوكادو هي واحدة من الزيوت القليلة اللي بتقدر تخترق الجلد وترطب الشعر.
بيزود نمو الشعر، نمو الشعر ناتج بالأساس عن عملية التمثيل الغذائي، والعملية دي ممكن تكون سريعة أو بطيئة حسب عوامل كتيرة.
نقص التغذية واحد من الأسباب المهمة جدا و اللي بتبطئ نمو الشعر، إذا كنتي مش بتاكلي كويس فهتبدأي تلاحظي أن شعرك بقى ضعيف ومش بينمو بالدرجة المطلوبة زي الأول.
الهرمونات، نمو شعرك في فترات الحمل والرضاعة بيختلف حسب هرمونات جسمك.
الإجهاد وقلة النوم وزيادة شرب القهوة، ممكن يقلل من امتصاص جسمك لبعض المعادن زي الحديد والمغنيسيوم وده بيأثر برضو على نمو الشعر.
علاجات الشعر الكيميائية أو الفرد،مش بس بتسبب تلف شعرك لكن كمان بتقلل من نموه.
الأفوكادو غني بفيتامينات B و E اللي بتشتغل على مستوى خلايا الشعر وتعالج التلف اللي حصل في فروة الرأس، وده بيسرع من معدل نمو الشعر ويقوي جذور الشعر.
بيزود لمعان الشعر، الشخص العادي عنده حوالي 100000 شعرة في فروة رأسه، كل خصلة شعر بتتكون من 3 طبقات، وكل خصلة بتنمو بمعدل 20 سم في السنة.
لو الطبقات دي في حالة صحية، هتكون مرتبطة ببعضها بحيث يكون شكل الشعر صحي ولامع.
لكن لما تكون الطبقات دي مش متماسكة ببعضها، شعرك هيظهر بصورة متكسرة وضعيفة ومش صحية.
الأفوكادو غني بالزيوت الطبيعية اللي بتساعد في ربط طبقات الشعر وتغذيته.
مرطب ومغذي للشعر لأنه بيحتوي على زيوت طبيعية وأحماض دهنية غير مشبعة، الزيوت دي بتغذي كل أنواع الشعر خاصة الشعر الجاف.
غني بالفيتامينات اللي بتغذي فروة الشعر وبتساعده يكون صحي ومرطب وناعم.
بيحتوي على البيوتين Biotin اللي بيساعد في نمو الشعر بصورة صحية.
المعادن الموجودة في الأفوكادو زي البوتاسيوم والمغنيسيوم بترطب فروة الرأس وده بيساعد الشعر يكون صحي أكتر وبتزود لمعانه وتقلل تكسره.

المصادر

healthline

https://www.healthline.com/health/yogurt-for-hair

كلنا متعودين ناكل الزبادي وعارفين أنه مليان فوايد كتير وفيتامينات وبروبيوتيك وبروتينات مفيدة للجسم. لكن الزبادي مش بس مغذي للجسم، إنما كمان مغذي للشعر ولفروة الرأس. فوايد الزبادي للشعر مش مثبتة علميا بأبحاث سريرية، لكن مع ذلك الزبادي بيستخدم من زمان جدا في بلاد كتير في عمل ماسكات لترطيب وتغذية الشعر. يُقال أن البروتين الموجود في الزبادي بيقوي الشعر ويغذيه، كمان حمض اللاكتيك Lactic Acid بينظف فروة الرأس، بيتخلص من خلايا الجلد الميتة في الفروة، وبيساعد في نمو بصيلات الشعر. ماسكات الزبادي بتستخدم لعلاج تلف الشعر الناتج عن تلوث البيئة، وتلوث الهواء، وتغييرات الجل، والتلف الناتج عن أدوات التصفيف المختلفة زي السشوار والمكواة. المقال ده بيشرح فوايد ماسك الزبادي بالتفصيل، كمان بيوضح الطرق المختلفة لاستخدامه.

Hairlavie

https://hairlavie.com/article/yogurt-hair-mask-hlv

الشعر الصحي دايما بييجي من فروة رأس صحية. في منتجات كتير في السوق ممكن تستخدميها عشان ترطبي شعرك وتخليه صحي دايما، لكن المنتجات دي ممكن تكون غالية شوية أو تقيله على شعرك. الزبادي يعتبر مكون طبيعي متاح في أغلب البيوت، مش غالي وسهل تشتريه من أي مكان، ومفيد جدا للشعر. الزبادي مليان بعناصر مغذية مفيدة زي الريبوفلافين Riboflavin والنياسين Niacin وفيتامين B12 اللي بيساعد في نمو الشعر وبيمنع قشرة الشعر. الزبادي كمان يعتبر مصدر للبيوتين Biotin اللي بيعالج تلف الشعر وبيحفز وصول الدم للبصيلات. المقال ده بيشرح فوايد الزبادي لشعرك، وكمان بيوضحلك 5 ماسكات ممكن تستخدمي فيهم الزبادي لصحة شعرك.

anveya

https://www.anveya.com/blogs/top-tips/7-amazing-benefits-of-curd-yogurt-for-hair

الزبادي مفيد للشعر من أكتر من اتجاه. الزبادي بيقلل من قشرة الشعر، بيهدي فروة الرأس، بيطري الشعر ويزود لمعانه، وبيرطب الشعر من العمق. المقال ده بيوضح فوايد الزبادي المختلفة للشعر، وكمان بيشرح أكتر من 8 طرق مختلفة لاستخدامه كماسك للشعر.