ماسك الجيلاتين للشعر، فوائده وطريقة تحضيره واستخدامه
نوع الشعر:
, 
, 
, 
طبيعة الشعر:
, 
, 
الهدف من ماسك الجيلاتين
ليه شعرك محتاج ماسك الجيلاتين؟
الجيلاتين يعتبر من أهم المواد المستخدمة في العناية بالشعر والبشرة وده لأنه بيحتوي على بروتينات الكيراتين المفيدة لصحة الشعر والبشرة، وبروتينات الكيراتين بترتبط بالشعر وبتقويه على عكس البروتينات الموجودة في صفار البيض مثلا، واللي قدرتها على الارتباط بالشعر بتكون أقل، علشان كده الجيلاتين بيقدر أنه يرتبط بالمناطق االلي فيها تلف في الشعر وبيغذيها بعمق، ده بيحسن من صحة الشعر ويديه لمعان طبيعي ويقلل التقصف والتكسير بصورة ملحوظة.
تحذيرات من ماسك الجيلاتين
مفيش اي تحذيرات
طريقة عمل ماسك الجيلاتين لشعرك؟
- اخلطي الجيلاتين مع المياه الدافيه وقلبيهم كويس جدا لحد ما الجيلاتين يدوب تماما.
- ضيفي خل التفاح وقلبي مره تانيه.
- ضيفي بلسم الشعر وقلبي كل المكونات كويس جدا لحد ما يختلطوا ببعض ويفضل استخدام بلسم خالي من السيليكون والبروتين.
ايه هي خطوات استخدام ماسك الجيلاتين؟
- سرحي شعرك بمشط أسنانه واسعة من تحت لفوق بالراحة.
- اغسلي شعرك بالشامبو اللي متعوده عليه في روتينك حسب نوعه واتأكدي من نظافته.
- استخدمي الماسك على الشعر كله من الجذور للأطراف ووزعيه على شعرك كله بالتساوي.
- لفي شعرك واستخدمي بونيه بلاستيك عشان تستفيدي أكتر من مكونات الماسك.
- سيبي الماسك على الشعر لمدة من 10 ل 15 دقيقة.
- اغسلي شعرك كويس جدا بالمياه الفاتره عشان تشيلي كل بواقي الماسك.
ممكن تستخدمي الماسك على الشعر وتسبيه لحد ما تاخدي الشاور وتغسليه لو مستعجلة.
طرق تانيه لماسك الجيلاتين لأستخدامه في تنعيم الشعر:
- المكونات:
- معلقة كبيرة من الجيلاتين.
- معلقتين مياه دافية.
- معلقة كبيرة من اي زيت بتحبيه زي الزيتون أو الأرجان.
- اي زيت عطري، 3 نقط منه زي اللافندر أو النعناع.
-
طريقة التحضير والاستخدام:
- دوبي الجيلاتين في المياه الدافيه واتأكدي أنه داب تماما.
- ضيفي الخل معلقة كبيرة من أي زيت بتفضليه زي زيت الزيتون أو الارجان أو الجوجوبا و 3 نقط من أي زيت عطري زي اللافندر أو زيت النعناع للجيلاتين وقلبيهم كويس جدا.
- وزعي الماسك على الشعر وفروة الراس بكمية مناسبة.
- سيبيه على شعرك لمدة 10 دقايق.
- اشطفيه بالمياه الفاتر و الشامبو واستخدمي البلسم المناسب لشعرك.
- كرريها مرة واحدة في الأسبوع.
الفوايد
من الفوايد المهمة للجيلاتين:
ايه فايدة ماسك الجيلاتين للشعر؟
- من فوائد الجيلاتين انه بيحتوي على الكولاجين المعروف بأنه من المكونات الأساسية لصحة الشعر وده بيكون ليه دور في ان الشعر يكون لامع وناعم .
- الكولاجين بيساعد الجيلاتين يخترق بصيلات الشعر، وبالتالي بيعوضها عن الفقد في البروتين اللي بيحصل نتيجة الصبغات أو الفرد أو أدوات تصفيف الشعر بالحرارة زي السشوار والمكواة.
- بيحتوي الجيلاتين على سلسلة من الأحماض الأمينية مثل البرولين Proline والجلايسين GLycine ووظيفتهم انهم بيوفروا طبقة غذائية حوالين الشعر ودي بتساعد الشعر انه يحافظ على شكله مدة طويلة وكمان بتقلل من هيشان الشعر .
- بيمد الشعر بالرطوبة اللي بيحتاجها علشان يفضل ناعم وميحصلش فيه أي تشابك أو هيشان.
- بيساعد على عملية نمو وتجدد خلايا الشعر وده لانه بيحتوي على نسبة عالية من الأحماض الأمينية.
- بيساعد في تنعيم الشعر وده لانه بيحتوي على نسبة كبيرة من البروتين المائي واللي بيساعد على علاج الشعر التالف والخشن.
حاجات لازم تخلي بالك منها لو هتستخدي الجيلاتين
قبل عمل ماسك الجيلاتين للشعر اعرفي ان:
- الجيلاتين بيحتوي على نسبة بروتين عالية فمن الأفضل مايستخدمش للشعر العالي البروتين.
- ده مش معناه أنه ممنوع تماما، لكن ممكن تستخدميه على أوقات بعيدة علشان تعرفي تاخدي فوائد الجيلاتين من غير أي ضرر على فروتك، وممكن مع مكونات تانيه فيها نسبة ترطيب عاليه للشعر زي زيت الزيتون أو الخروع أو الأفوكادو.
- ده لأنه بيتسبب في زيادة بروتين الشعر ولو بروتين شعرك زاد، الشعر هيكون متعرض أكتر للهيشان والتقصيف والتكسير .
عدد المكونات : 4
وقت التحضير: 10
- معلقتين جيلاتين.
- معلقتين مياه دافيه.
- معلقة صغيرة من خل التفاح.
- معلقة صغيرة من بلسم الشعر.
االمصادر
اسم المصدر: Byrdie
الجيلاتين بيستخدم في وصفات كتير للبشرة وكمان للشعر.
الجيلاتين بيتميز أنه بروتين بييجي من الحيوانات، عشان كده النباتيين بيرفضوا غالبا استخدامه.
الجيلاتين بيحتوي على الكولاجين اللي بيرتبط بخصلات الشعر وبيقدر يصلح التلف اللي فيها بسهولة.
كمان هو بيحتوي على البروتين، ده بيخليه قادر أنه يعوض الشعر عن البروتين اللي بيفقده نتيجة التسريحات المختلفة باستخدام أدوات الحرارة زي السشوار والمكواة.
الجيلاتين كمان ممكن يستخدم لتنعيم الشعر وتقليل هيشانه لأنه بيحتوي على مغذيات كتير مفيدة للشعر.
المقال ده بيشرح بالتفصيل طريقة عمل ماسكات مختلفة للشعر باستخدام الجيلاتين.
اسم المصدر: WikiHow
شعرك ضعيف وتالف وبيتكسر؟
جربي ماسك الجيلاتين لتقوية الشعر وتنعيمه.
المقال ده بيشرح بالتفصيل وخطوة بخطوة طريقة عمل ماسك الجيلاتين للشعر.
اسم المصدر: LovedByCurls
الجيلاتين بيتكون من بروتينات الكيراتين، عشان كده بيستخدم في ماسكات الشعر المختلفة.
الجيلاتين بييجي من الحيوانات، وهو نوع من البروتين الطبيعي.
استخدام الجيلاتين في ماسكات الشعر، هي وسيلة عشان نعوض البروتين اللي بيفقد من الشعر نتيجة الصبغات والفرد وتفتيح الشعر بالطرق المختلفة.
الجيلاتين بيغلف الشعر بسهوله، وبيديه قوة ولمعان.
البروتينات الموجودة في الجيلاتين بترتبط بسهولة بالشعر، وبتغذي خصلاته بالكامل خصوصا المناطق المعرضة أكتر للتلف زي أطراف الشعر.
المقال ده بيوضح فوايد الجيلاتين للشعر، وبيشرح امتي شعرك يكون محتاج ماسك بروتين، وازاي ممكن تعمليه بأكتر من طريقة عشان تعوضي البروتين المفقود من شعرك.
خليكي أول واحدة تضيف ريڤيو