ماسك الأرز والحليب والعسل للبشرة، فوايده وطريقة تحضيره
نوع البشرة:
, 
, 
, 
, 
الهدف من ماسك الأرز والحليب والعسل
اهتمي ببشرتك و زودي ماسك الأرز لروتينك الأسبوعي
الأرز ليه فوايد كتير جداً للبشرة، لأنه غني بفيتامين ب (vitamin B)، وله آثار خارقة في تجديد شباب الجلد، لأنه بيحسّن من تدفق الدم، وبيحفّز نمو الخلايا، وبيساعد في ترطيب البشرة وينعّمها، ومضاد للالتهابات، وكمان بيقلل من المسام الواسعة، وبيقلل من ظهور علامات التجاعيد والخطوط الرفيعة في البشرة.
ماسك الارز للوجه من أكتر الماسكات المغذية للبشرة، ودا لأنه بيحتوي على الأرز اللي بيجدّد البشرة وبيرجّع البشرة الحيوية والنعومة والنضارة، وكمان بيحتوي على العسل، من أفضل مكونات الطبيعة، ومناسب لجميع أنواع البشرة من غير ما يخلي البشرة دهنية، وبيتميز بإنه مضاد للبكتيريا والالتهابات ومضاد للأكسدة.
أما الحليب بيحتوي على حمض اللاكتيك اللي بيزيل الزيوت الزايدة من بشرتك وخصائصه المغذية في ترطيب البشرة، وبيقشر البشرة ويوحّد لونها ويفتّحها ويخليها ممتلئة، وكمان بيمتص الأرز الدهون الزايدة من بشرتك وبيخليها خالية من الدهون.
تحذيرات من ماسك الأرز والحليب والعسل
قبل ما توزعي ماسك الأرز على البشرة، اعرفي:
بننصحك ماتستخدميش ماسك الأرز أو أي ماسك تاني إذا كان عندك أي جروح مفتوحة أو حروق ملتهبة أو حتى حب الشباب ملتهب، عشان ميحصلش أي مضاعفات في الالتهابات وتدخلي في دوامة العلاج الطويل والمكلف والمؤلم للبشرة، وحالياً مفيش أي أضرار محتملة من ماسك الأرز باختلاف أنواع البشرة ومشاكلها، بس إذا كنتي بتعاني من حساسية الأرز ابعدي عن استخدام ماسك الأرز، وارجعي لاستشارة الطبيب لو:
- ظهر أي بقع من الجلد الجاف أو المتقشر مع إحساس “بالحكة”
- ظهر أي آثار جانبية بعد استخدام ماسك الأرز، زي: الهرش أو الطفح الجلدي.
ايه رأي المتخصصين في استخدام ماسك الارز للبشرة؟
- الدكتور نيفيديتا ماهاندرو، معالج تجميل: بتقول رغم إن معظم خبراء التغذية بيطالبوا بتقليل أكل الأرز، الا إنها بتقترح استخدام ورق الأرز للبشرة الدهنية، وباستخدام الأرز للبشرة في علاجات التجميل المنزلية.
- الدكتور نيفيديتا ماهاندرو بتقول كمان إن الأرز جميل بيُستخدم بكذا طريقة للبشرة، وممكن ناخد منه مياه الأرز اللي في الأصل دي وصفة قديمة استخدمها اليابانيين والصينيين والكوريين، وبدأ أخيراً بيستخدموه في كوريا الجنوبية كنظام للعناية بالبشرة اليومية.
- الدكتور نيفيديتا ماهاندرو بتنصح إن ممكن كمان نعمل كريمات وسيروم وتونر ومقشر من الأرز في البيت للاستخدام اليومي، وممكن تبريدها في التلاجة لمدة 10 – 15 يوم.
- أخصائية التجميل بهارتي تانيجا كمان هي بتفضّل ماسك الأرز وبتأيّد نفس الرأي، وبتقول كمان إن الأرز ليه مميزات كتيرة جداً في مكافحة الشيخوخة لما بتستخدميه على الجلد، بينشّط البشرة وبيحميها من أضرار أشعة الشمس، وكمان فيه مضادات الأكسدة اللي بتحارب الجذور الحرة، وبتخلي البشرة فيها حيوية. وكمان أضافت إنه بيساعد على تفتيح البشرة وبيُستخدم كمقشر لطيف ومناسب جداً للاستخدام اليومي.
- بهارتي تانيجا أكدت إن في مكونات الحيوية النشطة بيولوجيا في ماء الأرز، وبيتم إنتاجها من غليان الأرز أو نقعه، مفيدة جداً في مكافحة الشيخوخة.
وبتقترح تانيجا إما ننقع الرز يكون لمدة 30 دقيقة، أو نغلي الأرز وبعدين نصفيه من المياه، وبنحفظ المياه بعد التصفية في إزازة بخاخ ونستخدمه بعد ما يبرد كتونر أو بيُستخدم كشطف أخير بعد ماسك الأرز، وهنسيبه لمدة 10 دقايق وبعدين اغسليه بالماء.
دي خطوات تساعدك تعملي ماسك الارز لنفسك
- هنغسل الأرز كويس جداً وهنغلي الأرز بالمياه على النار.
- هنصفي الأرز من المياه ونحتفظ بالمياه بعد التصفيه.
- نضيف على الأرز المسلوق معلقة الحليب الدافئ و نهرسه بالشوكة لحد ما نكوّن عجينة ناعمة.
- هنضيف العسل ونخلطهم لحد مايتجانسوا.
ازاي تستفيدي بماسك الارز؟
- وزعي ماسك الأرز للوجه والرقبة، بعد ما تغسلي بشرتك ورقبتك، ويُفضّل بعد تقشير الوجه بالراحة.
- هنسيبه على البشرة لمدة 20-30 دقيقة لحد ما ينشف.
- اشطفي البشرة بمياه الأرز المتبقي بعد التصفيه، وبعدها نستخدم كريم الوجه على طول على البشرة عشان نحبس الرطوبة فيه.
ملحوظة : مياه الأرز مفيد في ترطيب الوجه، وبيمد البشرة بمضادات الأكسدة، وبيبطّئ من إنتاج الميلانين، وبيمنع من تكوين البقع الغامقة، وبيفتح البقع الموجودة، ممكن نحتفظ بمياه الأرز في التلاجة لمدة توصل
لـ 4 أيام وتستخدميه الصبح وبالليل زي التونر للوجه، وممكن كمان تجمديه في قوالب التلج وتستخدميه لتدليك الوجه.
الفوايد
فوائد الأرز للبشرة
بعد ما تخلطي العسل والحليب في ماسك الأرز، بشرتك هتتحسن
- ماسك الأرز بيرطّب البشرة وبيخليها مشرقة.
- بيرطب مناطق البقع الجافة والخشنة وبيخليها بشرة ناعمة أكتر.
- ماسك الأرز للبشرة بيجمع الزيوت الزايدة من غير ما البشرة توصل للجفاف.
- مناسب جداً مع البشرة الحساسة، لأنه بيتميز بإنه مضاد للالتهابات.
- ماسك الأرز بيقلل من المسام الواسعة، وبيخلي البشرة أكتر تجانس ومن غير أي لمعان.
- بيحسّن من مرونة وتماسك البشرة وتدفّق الدم في الجلد.
- بيساعد كمان على زيادة إنتاج الكولاجين.
- الأرز بيجدد وبيحفّز من نمو الخلايا الجديدة.
- ممكن أستخدمه زي مقشّر للبشرة.
- ماسك الأرز بيحتوي كمان على حمض الفيروليك، ودا واحد من مضادات الأكسدة اللي بتحمي البشرة من جذورها.
- بيقلل من الهالات السودا اللي تحت العين.
- بيقلل من ظهور علامات التجاعيد والخطوط الرفيعة، وبيحافظ عليها تكون بشرة أكتر شباباً وحيوية.
الأسئلة الشائعة
هل ماسك الأرز ليه فوايد لو استخدمته مع زيت فيتامين هـ ( vitamin E)؟
أيوة فعلاً، ماسك الأرز ليه فوايد مع زيت فيتامين E؛ بيقلل من التجاعيد وبيكافح علامات الشيخوخة، وبيقدر ينقّي البشرة من أي شوائب فيها، وبيخليها بشرة نقية وصافية.
هل ماسك الأرز بالحليب بيعالج النمش والكلف والاسمرار؟
ماسك الأرز بالحليب بيساعد في تفتيح لون البشرة وبيقلل من التصبغات والنمش؛ لأن الأرز بيحتوي على مضادات الأكسدة ومواد لتبييض الجلد، والحليب بيحتوي علي حمض اللبنيك اللي بيساعد في تفتيح البشرة.
إيه اللي لازم اعمله وقت استخدام الماسك وإيه اللي لازم أبعد عنه؟
عشان تزودي من فعالية الماسك فى حاجات لازم تعمليها:
- لازم تسيبي الماسك لمدة 10 إلي 30 دقيقة على بشرتك لأن دا بيساعد أن البشرة تقدر تمتص المكونات.
- اغسلى بشرتك بالمياه ونضفيه بالراحة قبل استخدام الماسك، لأن دا هيساعد البشرة في إمتصاص الماسك بشكل أفضل.
- استخدمى مرطب بعد غسل الماسك.
- اختاري ماسك للوجه مش بيحتاج إلى وصفة طبية ويكون مناسب مع نوع بشرتك “يعنى لو بشرتك مثلا دهنية أو معرضة لحب الشباب اختاري ماسك يكون خالي من الزيوت عشان مش يسد من مسام بشرتك”.
- رشي المياه الباردة على الوجه بعد ما تشيلي الماسك عشان تقفلى مسام بشرتك.
لازم تبعدى عن الحاجات دى :
- ابعدى عن الماسك اذا ظهر معاكى اى تهيج أو حساسيه فى الجلد زى (احمرار أو حكه أو طفح جلدى)
- ماتكررش الماسك كل يوم، استخدمى الماسك مرة أو مرتين في الأسبوع.
- متسبيش الماسك على بشرتك لفترة طويلة، لأنه ممكن يهيج البشرة.
- وقت غسل البشرة من الماسك ابعدى عن الفرك لأنه ممكن يعمل التهابات واحمرار فى البشرة.
عدد المكونات : 3
وقت التحضير: 10
- 3 معالق صغيرة أرز مسلوق.
- 2 معلقة صغيرة من العسل.
- 1 معلقة كبيرة حليب.
االمصادر
اسم المصدر: Bespotted.org
الأرز ليه فوايد كتير، ماسك الأرز بيُستخدم لتعزيز جمال البشرة، ودا السر الجمالي للبشرة اليابانية. لو انتي مهووسة بالجمال الكوري أو الجمال الياباني يبقى لازم تدخّلي الأرز في روتينك اليومي، أقنعة الوجه الطبيعية مع الأرز عموماً بتكون لطيفة على البشرة، وبتحتاج لمثابرة ومداومة عليها علشان توصلي لأفضل نتيجة وبيأثر على شكل البشرة في مراحل العمر، ودا بيكون أحسن من استعمالك لمنتجات وطبقات المكياج الصناعية والتقيلة على البشرة. سواء كنتي بتستخدمي حبوب الأرز أو دقيق الأرز أو ماء الأرز كدا اتطمني إن بشرتك بتاخد فوايد أفضل من الأغذية الطبيعية والعضوية.
اسم المصدر: Yourhomemadecosmetics
المقال دا بيشرح خطوة بخطوة طريقة عمل ماسك الأرز بالعسل والحليب.
اسم المصدر: Bebeautiful
فى أساطير كتير عن إن أكل الأرز مش مفيد للصحة عموماً، إلا أن الأرز مفيد لبشرتك وكمان هو مكون أساسي في الوجه، سواء كنتي تاكلي الأرز أو لأ، استخدميه في العناية اليومية ببشرتك، لأنه بيخلي بشرتك مشرقة وأكتر نضارة وحيوية. والمقال دا بيوضح ماسك الأرز والعسل للبشرة الدهنية.
اسم المصدر: Timesofindia
الأرز هو واحد من أشهر الحبوب في العالم، من الواضح إن الأرز مكانه بقى مش في أطباق الأكل بس، لكن الأرز بقى في مكان تاني لاستخدامه في الوصفات المنزلية والتجميل، ودا مقال عن آراء المتخصصين في ماسك الأرز وفايدته للبشرة.
اسم المصدر: Healthlin
هل الماسك بيفيد البشرة عموما ولا لاء ؟ والمقال بيوضح ايه الحاجات اللي لازم نعملها وبتزود من فعالية الماسك والحاجات اللي لازم نبعد عنها.
خليكي أول واحدة تضيف ريڤيو