سؤال من: الاء
850
السؤال
عن: البقع الغامقة
هل فعلا حقن الجلوتاثيون تعمل علي نضاره البشره و التخلص من التصبغات في البشره و هل هي آمنه ولا لا
الاجابة:
أجاب عن السؤال:
hanan
مركب الجلوتاثيون هو مركب طبيعي موجود في الفواكه والخضراوات، وبيتم إنتاجه في أجسامنا من الكبد، وهو واحد من مضادات الأكسدة القوية اللي بتحمي أجسامنا من الجذور الحرة والمواد الضارة.
بيقال أن حقن الجلوتاثيون بتشتغل على تفتيح البشرة، وزيادة نضارتها عن طريق أنها بتمنع إنتاج الميلانين، وهو الصبغة المسؤولة عن لون البشرة البني.
لكن أما دوّرنا ورا الكلام دا، لقينا أنه مفيش أي دليل علمي على أن الحقن دي ليها دور في تفتيح ونضارة البشرة، الدراسات اللي تمت عليها مش كافية ومش بتجزم بشكل قاطع دورها في التفتيح بأي صورة.
وكمان لقينا أن أغلب الحقن دي مش واخده موافقة الـ FDA، وبالتالي متعتبرش دواء مسجل بصورة رسمية وصحيحة، لكن برضو لقينا دراسات مختلفة بتأكد على سلامتها، فـ القرار في الحالة دي هيرجعلك أنتي والطبيب بتاعك.
عشان كدا بننصحك تستشيري دكتورك الأول، قبل ما تقرري أنك تستخدمي أي نوع من الحقن الموضعي، خاصة أنه في حلول كتير للتصبغات والبقع أأمن وأنسب من الحقن.
الفورم اللي تحت مخصوص لـ”الأسئلة الطبية” فقط
لو عندك أي سؤال غير الأسئلة الطبية أو عن الأوردر بتاعك.. دوسي هنا
اكتبي سؤالك و هيرد عليكي فريقنا في اقل من 24 ساعة :
الاسئلة المشابهة :
سؤال من: Mohamed |
عن: آثار الحبوب
703
سؤال من: نورهان |
عن: توصية منتج
776
هل لو أنا رجل ينفع استخدم المنتجات الخاصة بكم لتنظيف بشرتى؟
بشرتى من النوع المختلطة وبها حبوب بسيطة فما هو أنسب روتين لبشرتى من منتجاتكم
أريد غسول مع مزيل حبوب
أريد غسول مع مزيل حبوب
سؤال من: محمد |
عن: حبوب البشرة, روتين البشرة, البشرة المختلطة
596
