سؤال من: آية
334
السؤال
عن: تساقط الشعر
شعرى كان الحمد لله كويس جدا ناعم و مرطب ماكنتش بحتاج لزيت او كريم من فترة ( سنتين او تلاتة ) لقيت شعرى هايش جدا جبت زيت وبعدها بقيت احتاج لترطيبه زيت ديما …. ممكن يكون الجفاف ده كان سببه انى باستخدم اى نوع شامبو او ماستخدمش اصلا …. بعدها القشرة بدأت تظهر فى شعرى وكنت باستخدم شامبو القشرة ولكن بدون فايدة و استخدمت خل بس مش فاكرة اوى انها كانت بتأثر على تساقط شعرى .. دى تقريبا المشاكل اللى فكراها ….لحد اما جت قشرة دهنية وقعت تقريبا 3/4 شعرى وده مش مجازا لا عندى صورة توضح الفرق الفعلى المشكلة انه وقع فى فترة لا تتجاوز الاسبوعين او تلاتة استخدمت مينوكسيديل و بانتوجار ( ماكنتش منتظمة فى استخدامهم ) و خلطة الزيوت الطبيعية للدكتور هانى وقصيت شعرى عشان أقلل من كمية الشعر المتساقط وانا بأسرحه ….. لكن بدون فايدة
الاجابة:
أجاب عن السؤال:
hanan
أهلا بيكي، تغير طبيعة الشعر من وقت للتاني طبيعي جدا ومش معناه أن شعرك بقي خشن أو وحش، بالعكس حاول تتقبلي تغير طبيعته وتتعاملي معاها بطريقة وروتين مناسب.
محتاجه تعرفي ايه السبب الحقيقي للتساقط، ودا مش هيتم إلا أما تتابعي مع دكتور جلدية وتعملي بعض الفحوصات والتحاليا، مينفعش تستخدمي مينوكسديل من غير استشارة دكتور مختص ومينفعش توقفيه مرة واحدة لأنه هيسبب تساقط شديد زي ما حصلك كدا.
بننصحك توقفي المنتجات الطبيعة زي الخل على شعرك، استخدمي شامبو لعلاج القشرة طبي زي نيزابكس، تابعي مع دكتور جلدية ضروري عشان تحددي سبب التساقط، وبعدها ممكن تبدأي علاجه.
الفورم اللي تحت مخصوص لـ”الأسئلة الطبية” فقط
لو عندك أي سؤال غير الأسئلة الطبية أو عن الأوردر بتاعك.. دوسي هنا
اكتبي سؤالك و هيرد عليكي فريقنا في اقل من 24 ساعة :
الاسئلة المشابهة :
كريم تفتيح natavis
لو بستعمل هيالو ميكس مع كريم تفتيح ناتافس احط من فيهم الأول علر البشره؟
سؤال من: Hagar |
عن: Products Layering
معرفة واقي الشمس الانسب بعد الاندوليفت وسكين بوستر ويكون منتج لاينتمي لقائمة المنتجات المقاطعة
أنا عامل اندوليفت+سكين بوستر وبعدها طلعلي شوية حبوب على وجهي واحس بنفس الوقت انو وجهي جاف ماهو الكريم المرطب الغير مقاطع والانسب لوجهي وكذا واقي الشمس
وكم هي المدة التي ينصح بها لاعادة السكين بوستر لأن بشرتي كانت متضررة جدا وشكرا لحضرتك .من الجزائر
وكم هي المدة التي ينصح بها لاعادة السكين بوستر لأن بشرتي كانت متضررة جدا وشكرا لحضرتك .من الجزائر
سؤال من: تولا |
عن: جفاف البشرة
للبشره
محتاجه كريم ترطيب عالي بستخدم غسول منشف وشي جامد ووشي مختلط في رؤوس سوداء ومسام واسعه محتاجه حاجه تغنيني عن الميكب
سؤال من: لبني |
عن: جفاف البشرة, المسام الواسعة, الرؤوس السودا, البشرة المختلطة
