سؤال من: Salma
938
السؤال
عن: جفاف البشرة, حبوب البشرة
مشكلتي اني بشرتي فيها حبوب لكن في الشتاء جافة و في الصيف اقل جفافاً حاجة بسيطة و كل المنتجات للحبوب بس للبشرة الدهنية . ازاي احدد ايه هينفعني منهم بالذات من ناحية الغسول؟ في الشتاء كنت بستخدم la Roche possay sunblockبتاع البشرة الجافة هل اجيب منه تاني ولا اجيب بتاع البشرة المختلطة في الصيف؟
الاجابة:
أجاب عن السؤال:
hanan
دا طبيعي جدا ومفيش فيه أي مشكلة، البشرة بتستجيب للعوامل الخارجية اللي بتحصل في البيئة المحيطة بيكي على مدار السنة.
عشان كدا دايما بننصح أننا نسمع بشرتنا بتقولنا ايه ونعدل الروتين بتاعنا بناء على كدا، بمعنى، لو بشرتك بتجف في الشتا، استخدمي غسول يكون كريمي أكتر أو يكون فيه مواد مرطبة للبشرة وبما أنك بتستخدمي La Roche بالفعل، فـ ممكن تستخدمي الغسول الكريمي للبشرة الدهنية من نفس البراند.
اهتمي في فترة الشتا بالترطيب دايمًا لبشرتك، استخدمي مرطب مناسب مش بيسد المسام وفيه مواد زي الهيالورنيك أو السيراميد.
مهم كمان لو بتستخدمي منتجات معينة للحبوب، أو منتجات فيها أحماض، ترطبي بشرتك كويس أكتر من مرة على مدار اليوم، وتستخدمي صن بلوك مناسب لطبيعة بشرتك في الوقت دا.
الصن بلوك كمان مهم عشان تحافظي على بشرتك من ضرر أشعة الشمس، ممكن تستخدمي في فترة الصيف الفلويد من لاروش La Roche، أو الجيل كريم حسب درجة جفاف بشرتك.
الفورم اللي تحت مخصوص لـ”الأسئلة الطبية” فقط
لو عندك أي سؤال غير الأسئلة الطبية أو عن الأوردر بتاعك.. دوسي هنا
اكتبي سؤالك و هيرد عليكي فريقنا في اقل من 24 ساعة :
الاسئلة المشابهة :
سؤال من: Mohamed |
عن: آثار الحبوب
633
سؤال من: نورهان |
عن: توصية منتج
715
هل لو أنا رجل ينفع استخدم المنتجات الخاصة بكم لتنظيف بشرتى؟
بشرتى من النوع المختلطة وبها حبوب بسيطة فما هو أنسب روتين لبشرتى من منتجاتكم
أريد غسول مع مزيل حبوب
أريد غسول مع مزيل حبوب
سؤال من: محمد |
عن: حبوب البشرة, روتين البشرة, البشرة المختلطة
560
