السؤال :

الحبوب و نوع البشرة و منتجاتها

الاجابة :

دا طبيعي جدا ومفيش فيه أي مشكلة، البشرة بتستجيب للعوامل الخارجية اللي بتحصل في البيئة المحيطة بيكي على مدار السنة.

عشان كدا دايما بننصح أننا نسمع بشرتنا بتقولنا ايه ونعدل الروتين بتاعنا بناء على كدا، بمعنى، لو بشرتك بتجف في الشتا، استخدمي غسول يكون كريمي أكتر أو يكون فيه مواد مرطبة للبشرة وبما أنك بتستخدمي La Roche بالفعل، فـ ممكن تستخدمي الغسول الكريمي للبشرة الدهنية من نفس البراند.

اهتمي في فترة الشتا بالترطيب دايمًا لبشرتك، استخدمي مرطب مناسب مش بيسد المسام وفيه مواد زي الهيالورنيك أو السيراميد.

مهم كمان لو بتستخدمي منتجات معينة للحبوب، أو منتجات فيها أحماض، ترطبي بشرتك كويس أكتر من مرة على مدار اليوم، وتستخدمي صن بلوك مناسب لطبيعة بشرتك في الوقت دا.

الصن بلوك كمان مهم عشان تحافظي على بشرتك من ضرر أشعة الشمس، ممكن تستخدمي في فترة الصيف الفلويد من لاروش La Roche، أو الجيل كريم حسب درجة جفاف بشرتك.

لو عندك أي سؤال غير الأسئلة الطبية أو عن الأوردر بتاعك.. دوسي هنا

اكتبي سؤالك و هيرد عليكي فريقنا في اقل من 24 ساعة :