Strongville Hair Lotion For Men – سترونج فيل هير لوشن لتساقط الشعر للرجال

اسبراي سترونج فيل مش بيعالج الصلع الوراثي بس ممكن يستخدم كعلاج مساعد مع علاج الصلع الوراثي، وبيفضل الرجوع للطبيب عشان تعمل التحاليل اللازمة، وعلى أساسه بيحدد الكورس المناسب مع كل حالة.

• شامبو وبلسم سترونج فيل للرجال Strongville Men Shampoo & Conditioner:

1. بيقوي الشعر الضعيف، ويزوّد مرونته.
2. بيحسّن صحة فروة الراس، ويزوّد نمو الشعر.
3. بيرطب الشعر، وينعمه، ويتحكم في التجعد.

• كريم سترونج فيل للرجال Strongville Men Cream:

1. بيقوّي الشعر الضعيف، ويزوّد مرونته.
2. بيغذي الشعر، ويزوّد نموه.
3. ملمسه خفيف على الشعر ومش دهني.

علشان تقدر تهتم بشعرك، وتقلل من التساقط لازم تتبع النصائح دي:

• اختار مشط أو فرشة الشعر يكونوا مصنوعين من الخشب مش البلاستيك.

•  اغسل شعرك بانتظام بشامبو خالي من السيليكون والسلفات.

• حاول تهتم بشعرك دايماً مش وقت علاجه وبس.

• استخدم فيتامينات الشعر: لو شعرك مش بياخد الغذا الكافي من الأكل اليومي، فلازم تستخدم فيتامينات لتقوية الشعر وتعويضه عن الفيتامينات اللي بيحتاج ليها.

• دلك فروة الراس في حركات دائرية لمدة 5 دقايق كل يوم، ده بيساعد على تحفيز الدورة الدموية في بصيلات الشعر وفروة الراس.

• اغسل شعرك بمياه فاترة  2-3 مرات في الأسبوع مع تدليك فروة الراس بطريقة خفيفة، ده بينشط الدورة الدموية لفروة الراس.

• اشرب كميات كبيرة من المياه كل يوم، لأن جذع الشعرة بيتكون من المياه، يعني نمو الشعرة وقوتها بيحتاج لكميات كبيرة من المياه، فحافظ على رطوبة جسمك الداخلية، وده هينعكس على صحة شعرك.

• ابعد عن التدخين والكحوليات، لأن التدخين بيأثر بشكل قوي على تدفق الدم لفروة الراس.

أيوة في علاقة قوية جداً بين نقص الحديد وتساقط الشعر ، لأن الحديد هو المكون الرئيسي للهيموجلوبين اللي بيكون كرات الدم الحمراء، واللي بدورها بتنقل الأكسجين لخلايا الجسم المختلفة بما فيها خلايا فروة الراس، عشان كده يعتبر نقص الحديد واحد من الأسباب الرئيسية لتساقط الشعر، لكن مش شرط يكون هو السبب الوحيد.

علشان كده لازم تاخد كمية كفاية من الحديد في نظامك الغذائي، وإذا قل مخزون الحديد في جسمك هيتسبب في زيادة تساقط شعرك.