Penduline Curly Shampoo For Babies – بندولين شامبو للشعر

منتجات بندولين كلها مناسبة للأطفال وكمان للكبار لانها بتحتوى على زيوت طبيعية ونقية ومفيدة فى علاج مشاكل الشعر.

 شامبو بندولين بيتميز بتركيبة طبيعية آمن للاستخدام للأطفال وخالى من المواد الكيميائية الضارة ومعظم الأمهات اللى استخدمو شامبو penduline لأطفالهم كانت تجربتهم كويسه جدا والشامبو مالهوش أى تأثير سلبى على الشعر.

• ترطيب الشعر قبل غسله: معظم أنواع الشامبو بتحتوى على مكونات بتسببب في إزالة الزيوت الطبيعية المرطبة لبصيلات الشعر، فالأفضل ترطيب الشعر بقطرات من زيت الشعر على فروة الراس وتدليكها قبل غسيل الشعر حوالى 2 الى 3 ساعات.
• شطف الشعر: اشطفى الشعر كويس جدا لمدة دقيقة قبل استخدام الشامبو، واستخدمي الماء الفاتر أو الدافئ لأن الماء الساخن ممكن يسبب جفاف الشعر وتلفه.
• تدليك الشعر بالشامبو: دلكى الشامبو على فروة الرأس بأصابعك فى حركات دائرية لدقايق لأنه بيساعد على تنشيط وتقشير فروة الرأس.
• شطف الشعر وإزالة الشامبو :اشطفي الشعر بالمياه الدافيه عشان تتخلصى من أي بواقي للشامبو.
• ترطيب الشعر بعد غسله: بعد غسل الشعر من الشامبو، رطبى شعرك بالبلسم وممكن شطفه خلال 5 دقايق أو سيبى البلسم على شعرك لفترة أطول على (حسب التعليمات وحسب نوع البلسم).
• ابعدى البلسم عن فروة الرأس: اشطفى شعرك من البلسم كويس جدا لأن أي بقايا منه ممكن تضر بالشعر.
• اشطفى شعرك بالمياه البارد: الشطف بالمياه البارد بيساعد فى الحفاظ على رطوبة بصيلات الشعر.
• تجفيف الشعر: يفضل تنشيف الشعر بالمنشفة بلطف وابعدى عن تنشيف الشعر بقوة لأنه ممكن يسبب ضرر على الشعر.

1. أول حاجة، لازم تغسلى شعرك بشامبو خالي من السيليكون بس فيه سلفات، الخطوة دى بتشيل اى مواد متراكمة فى الشعر من المنتجات اللى استخدمتيها قبل كده. (تغسلى فروة الرأس وتدليكها كويس لمده ماتقلش عن 5 دقايق وبعدها اشطفى الشعر وفروة الرأس كويس جدا).
2. بعد التنضيف، وزعي بلسم مرة تانية وسبيه خمس دقايق وابدأي سرحى شعرك بمشط واسع أو بصوابعك عشان تفكى اى تشابك، لازم تسرحى الشعر وهو مبلل وعليه البلسم عشان هيكون أسهل تسريحة لكن وهو ناشف هيقطع ويقصف الشعر، وبعدها تغسيله خالص أو تتسيبى شويه من البلسم على الشعر.
3. خطوة الستايلينج: فيه طرق كتير تقدرى تعملى بيها شكل حلو للشعر الكيرلى زى طريقة السكرانشنج وهو أنك بتمسكى أطراف الشعر من تحت وترفعيه لفوق مع ضغطه، أو طريقة تانية بالأصابع هتمسكى خصله خصله ولفيها على صوابعك عشان الكيرلي تبان اكتر.
4. لازم قبل النوم ترفعى شعرك لفوق في شكل أناناسة، وكمان الافضل تكون المخدة ستان أو حرير لأن القطن هيمتص الترطيب من شعرك ويخليه يهيش.

1. ممنوع تماما تسرحي شعرك وهو جاف دايما يكون تسريح شعرك وهو مبلول.
2. استخدمى فرشاة خشب بأسنان واسعة أو حتى ممكن تستخدمى صوابعك فى تسريح الشعر بعد الشاور وممكن تحطى البلسم على المشط أثناء التسريح.
3. ممنوع تستخدمى اى فوطة قطن وقت مابتنشفى شعرك لأنه بيمتص المياه بشكل كامل وبيخلى الشعر جاف وبيزود الهيشان للشعر الكيرلى ودا بعكس باقي أنواع الشعر اللى الافضل ليهم التنشيف بفوطه قطنيه.
4. قصى أطراف الشعر المقصف كل 45 يوم الى 60 يوم ويفضل تقصي الشعر وهو جاف.
5. لو بتستخدمى كريم (Leave in) يبقى تبللى الشعر الأول وبعد كدا توزعي الكريم، ولازم تخلى بالك أن الكريم يكون خالى من الفازلين وخالى من اللانولين أو الزيوت المعدنية أو السيليكون .
6. بدلى كيس المخدة القطن بكيس مخدة من الستان أو الألياف صناعية ودة هيقلل من هيشان الشعر تانى يوم الصبح.
7. غسيل الشعر بالشامبو يكون مش كتير ويكون شامبو خالى من السلفات ويفضل شامبو بندولين لانه خالى من السلفات والصوديوم.
8. رطبى شعرك بزيوت طبيعية وابعدى تماما عن الزيوت المعدنية أو السيليكون أو بديل الزيت واستخدمى زيت زى زيت بندولين للأطفال.
9. ابعدى تماما عن استخدام الحرارة أو كريمات الفرد لانه بيدمر طبيعة الشعر الكيرلى.
10. حاولى تعملى حمام كريم عشان ترطبى وتغذى شعرك كل أسبوع وننصحك تستخدمى حمام كريم بندولين الغني بزبدة الشيا لانه بيخلى شعرك كيرلى فى أعلى درجة من الترطيب العميق.