Penduline Baby Hair Serum – بندولين سيروم لشعر الأطفال

منتجات بندولين كلها مناسبة للأطفال وكمان للكبار لانها بتحتوى على زيوت طبيعية ونقية ومفيدة فى علاج مشاكل الشعر وكمان مناسبه للرجال بدلا من استخدام جل الشعر اللى ليه تأثير سلبى على فروة الرأس.

على الرغم من أن السيروم المصنوع من السيليكون بيساعد في حماية الشعر من العوامل الضارة وبيزود النعومة واللمعان ولكن ممكن يسبب اضرار للشعر زى:

• مشاكل فروة الرأس : بعد استخدامك لسيروم فيه مادة السيليكون لوقت طويل هيسبب في انسداد مسام فروة الرأس وممكن كمان يعمل إحمرار و تهيج والتهابات في الجلد.

•  بهتان الشعر: على الرغم من أن السيليكون بيكون هدفه زيادة لمعان الشعر ، إلا أن التكرار فى استخدامه بيسبب في تراكمه على خصلات الشعر وبيفقد لمعانه وبيعمل بهتان للشعر.

• تقصف وتساقط الشعر: غالبا بيحتوى سيروم السيليكون على تركيبات تقيله وبتضر بصيلات الشعر فبتسبب تقصف وتساقط للشعر.
• صعوبة التخلص منه من على الشعر: في حالة التخلص منه من على الشعر لازم تغسلى شعرك بشامبو تقيل وقوي على الشعر.

في الخطوة دى الشامبو هيجرد شعرك من الزيوت الطبيعية وهيسبب جفاف الشعر لفترة وعشان يرجع لطبيعته لازم تستخدمى الماسكات الطبيعية والمرطبة للشعر.

مادة السيليكون نفسها مش مادة خطيرة لأنها مش بتعتبر من المواد الكيميائية السامة سواء للشعر أو البشرة، وهي آمنة لتطبيقها على الشعر ومش بتأثر على صحة الجسم لكن الحاجة الوحيدة اللى بتأثر عليه هي قوة الشعر وصحته لأنها بتزود من جفاف الشعر والاحساس بتقل على بصيلات الشعر وكمان بتتراكم على الشعر وبتكون صعبة أحيانا في التخلص منها.