Loreal Elvive Total Repair 5 Mask Cream – لوريال إلفيف ماسك توتال ريبير 5.

• شرب المياه: اشربي كميات كبيرة من المياه سواء في الصيف أو الشتاء لأنه دا بيخلي الشعر فيه رطوبة ومرونة أكتر.

• الغذاء الصحي: في أطعمة مهمة جداً في تكوين الشعرة زي الأفوكادو وزيت الزيتون وسمك السالمون الغنية بالبروتينات.وكمان الشمندر أو البنجر اللي  بيحتوي على الحديد.

• قص الأطراف: قصي أطراف شعرك التالف أو المتقصف، لأن دا بيمنع تلف باقي الشعر، وقص أطراف الشعر بيخلي مظهر الشعر صحي أكتر.

• استخدام الشامبو والبلسم المناسب لنوع الشعر: بيختلف نوع الشامبو والبلسم المناسب باختلاف نوع الشعر سواء كان دهني أو جاف أو مموج، بننصحك تستخدمي الشامبو الخالي من المواد الكيميائية للعناية بالشعر التالف.

• استخدمي المكملات الغذائية: لأن المكملات الغذائية بتحتوي على كل الفيتامينات والمعادن اللي بتساعد في العناية بالشعر التالف وفروة الرأس، وبتعويض نقص الفيتامينات بيقلل من تساقط الشعر.

• احمي شعرك وقت السباحة: لأن المياه المالحة في البحر أو الكلور الموجود في حمامات السباحة بيأثر سلباً على الشعر، فبيخلي الشعر تالف وبيزيد التقصف، والشعر بيفقد زيوته الطبيعية، عشان كدا بننصحك تستخدمي بونيه السباحة وتغسلي شعرك بعد السباحة كويس جداً ببلسم الشعر المناسب، عشان تتخلصي من بواقي الكلور اللي على شعرك.

استخدمي الزيوت الطبيعية على الشعر: اعملي بالزيوت الطبيعية ماسكات على الشعر، ودلكي بيها فروة الرأس، دا بيزود من ترطيب الشعر ويقلل من الجفاف. والزيوت منها: (زيت الزيتون- زيت الأرجان- زيت جوز الهند- زبدة الشيا)