La Roche Posay Effaclar Purifying Foaming Gel-لاروش بوزيه ايفاكلار غسول رغوي

• ممكن نستخدم روتين للبشرة الدهنية من لاروش بوزيه للتخلص من الحبوب والبثور وتنظيم إفرازات الدهون.
• الروتين دا هيكون عبارة عن غسول وتونر ومرطب.

1. الأول هنستخدم غسول La Roche Posay Effaclar Purifying Foaming Gel / لاروش بوزيه ايفاكلار غسول رغوي. 
2. بعدها تونر لاروش بوزيه ايفاكلار للبشرة الدهنية /Effaclar Astringent Lotion ودا عبارة عن تونر منظف للبشرة وقابض للمسام، بيعمل على تنظيف البشرة الدهنية بعمق من غير ما يسبب لها جفاف.

كمان بيعمل على تقشير البشرة بلطف وبيساعد على قبض المسام والتخلص من الرؤوس البيضا والسودا.

آخر خطوة بنستخدم مرطب لاروش بوزيه ايفاكلار اتش للبشرة الدهنية /la Roche Posay Effaclar H.

 *لما بنستخدم علاجات أو منتجات العناية بالحبوب في البشرة الدهنية بتسبب جفاف البشرة وبتضعف كمان حاجز البشرة، وعشان كده بيكون من المهم استخدام مرطب مناسب.

مرطب لاروش بوزيه ايفاكلار اتش La Roche Posay Effaclar H مخصص للبشرة الدهنية اللي ضعفت نتيجة استخدام منتجات علاج الحبوب.

بيعمل ترطيب وإعادة بناء لحاجز البشرة الدهنية، وبيقلل من التهاب وتهيج البشرة لأنه بيحتوي على MP-LIPIDS وهي مجموعة من الدهون بتعمل على بناء حاجز البشرة بأبعادها المختلفة، مع مادة النياسيناميد المضادة للالتهابات والتهيج. .

• غسول فيشي للبشرة الدهنية – Vichy Normaderm phytosolution intensive gel.

عبارة عن غسول مناسب للبشرة الدهنية والمعرضة للحبوب يساعد على تنظيف البشرة والتخلص من البكتيريا والشوائب المسببه للحبوب، لأنه بيحتوي على مادة البروبيوتيك.

كمان بيعمل على تنظيم عملية إفراز الدهون وبالتالي بيقلل من ظهور الحبوب والرؤوس السودا، وبيساعد على قبض المسام بسبب احتوائه على مجموعة من المعادن زي النحاس والزنك.

• غسول بيوديرما سيبيوم للبشرة الدهنية – Bioderma Sebium cleanser

غسول للبشرة الدهنية والمختلطة ينظف وينقى البشرة من غير ما يسبب لها جفاف.

بيحافظ على توازن البشرة وبينظم عملية إفراز الدهون، لأنه بيحتوي على كبريتات النحاس وكبريتات الزنك وكمان تركيبة DAF الحاصلة على براءة اختراع، واللي بتزود من قدرة البشرة على التحمل وبتعزز مقاومتها للمؤثرات الخارجية والتلوث.

الغسول مناسب للبشرة الدهنية بشكل أساسي ولكن ممكن يتم استخدامه للبشرة المختلطة ولكن عشان نضمن أنه مش هيسبب جفاف للبشرة المختلطة يفضل استخدامه مع مرطب قوي.

سعر غسول لاروش للبشرة الدهنية بيعتمد على المكونات المميزة اللي شركة لاروش بوزيه بتستخدمها زي مياه الينابيع الحرارية اللي بتتكون من عناصر أساسية للبشرة ومضادات أكسدة بترطب وتهدي البشرة بجانب مادة الزنك اللي بتنضف البشرة وتشيل الزيوت والدهون الزيادة عن الطبيعي.