La Roche-Posay Cicaplast Hand Cream – كريم اليدين لاروش بوزيه سيكابلاست

• نياسيناميد Niacinamide:

هو صورة من فيتامين ب3، واشتهر مؤخراً بفوايد كتير للبشرة زي إنه:

1. بيساعد الجلد على تكوين السيراميد اللي بيشكل الحاجز الواقي اللي بيحمي البشرة من فقد الترطيب وبيحميها من الجفاف.
2. مضاد للالتهابات، بيقلل الاحمرار وبيلطف البشرة المتهيجة.
3. بيحمي من الإجهاد التأكسدي، وبيعيد بناء أنسجة جلد سليمة، وكمان بيحميها من التلف اللي بتسببه العوامل البيئية الضارة زي الأشعة فوق البنفسجية، والتلوث، والسموم.
4.  بيساعد في زيادة إنتاج الكولاجين، وبالتالي بيقلل من الخطوط والتجاعيد اللي بتسببهم أشعة الشمس الضارة، وبيساعد كمان في تفتيح البقع الغامقة وفرط التصبغ.
5. يحافظ على البشرة ناعمة ومترطبة، وده بيقلل من شكل المسام.
6. بينظم إفراز الزيوت، وده بيساعد كتير في حل مشاكل حب الشباب، بالذات الأنواع الملتهبة منه.

• زبدة الشيا Shea Butter:

1. بترطب البشرة ب3 طرق مختلفة:

1. بتشد الرطوبة وتحتفظ بيها جوة البشرة لأنها Humectant.
2. بتكوّن حاجز على البشرة بيمنع فقد المياه لأنها Occlusive، فبتحافظ على رطوبة الجلد وبتحميه من الجفاف.
3. بتطري وتنعم البشرة لأنها Emollient، يعني بتملأ الشقوق الموجودة بين الخلايا.

1. ليها خواص مضادة للالتهابات، بتقلل من تورم الجلد، وبتخفف من الحكة، فبتساعد في علاج بعض الحالات زي الإكزيما والتهاب الجلد والصدفية، غير إن امتصاصها السريع بيدي إحساس فوري بالراحة من النوبات الجلدية.
2. بتحتوي على مجموعة من الأحماض الدهنية زي أحماض اللينوليك، والأوليك، والبالمتيك، والستيريك lineoleic, oleic, palmitic and stearic acids، اللي بتحمي البشرة من التلف اللي بيحصل بسبب ملوثات البيئة.
3. بتحتوي على نسبة عالية من مضادات الأكسدة، اللي بتساعد في تقليل علامات الشيخوخة الضوئية، زي خشونة الجلد والتجاعيد والترهل وفرط التصبغ.

• جلسرين Glycerin:

هو Humectant (زي حمض الهيالورونيك ودي-بانثينول)، بيشد الرطوبة من الجو ويحتفظ بيها في طبقة البشرة السطحية، وبكده يرطب البشرة وينعمها، ويقلل من ظهور التجاعيد والخطوط.

1. AQUA / WATER
2. GLYCERIN
3. BUTYLENE GLYCOL
4. CETEARYL ALCOHOL
5. NIACINAMIDE
6. GLYCERYL STEARATE
7. BUTYROSPERMUM PARKII BUTTER / SHEA BUTTER
8. DIMETHICONE
9. PEG/PPG-18/18 DIMETHICONE
10. GLYCERYL STEARATE SE
11. SODIUM POLYACRYLATE
12. CAPRYLYL GLYCOL
13. PHENOXYETHANOL