Isis Pharma Glyco A10 – إيزيس فارما جليكو 10

أي منتج طبيعي أو طبي ممكن يظهر عند بعض الأشخاص حساسية من مكون من مكوناته.

عشان كده يُفضّل إنك قبل ما تستخدمي أي منتج جديد، تجربيه الأول على جزء صغير ورا ودنك أو على دراعك، وتراقبي ظهور علامات الحساسية لمدة 48 ساعة.

علامات الحساسية زي:

1. ظهور احمرار مكان الاستخدام.
2. علامات أو طفح جلدي مكانش موجود قبل كده.
3. ظهور التهابات في بشرتك.

لو ظهر عندك أي علامة من علامات الحساسية للمنتج، لازم توقفيه علطول وترجعي لدكتور الجلدية الخاص بيكي.

• الكريم ممكن يسبب إحساس بالوخز بسيط على البشرة، دا طبيعي وبيروح لوحده في خلال عشر دقايق، لكن لو استمر أكتر من كدا اغسلي بشرتك علطول.
• الكريم بيحتاج يفضل على البشرة عشان يستغل بصورة مناسبة، لكن لو حسيتي بشرتك مش مرتاحة أو فيه إحساس بالضيق، اغسليه بعد نص ساعة من الاستخدام.
• تجنبي استخدامه حوالين منطقة العين تمامًا، ولو حصل واستخدمتيه في المنطقة دي اغسليها بسرعة.
• ضروري تستخدمي صن بلوك طول فترة استخدامه، عشان تتجنبي أي حروق ممكن تحصل بسبب الشمس.
• مش مناسب لأصحاب البشرة الحساسة، لو بشرتك بتتحسس بسرعة، ضروري تعملي اختبار حساسية قبل استخدام الكريم.
• لا يُفضّل تستخدميه مع منتجات تانية للتقشير في نفس الوقت، لأن دا ممكن يضعف حاجز بشرتك ويعملك التهابات.
• تجنبيه تمامًا في حالة الحمل، ومش بيستخدم للأطفال أقل من 12 سنة.
• لو استخدمتي أي وسيلة لإزالة الشعر من البشرة، تجنبي استخدامه خلال 72 ساعة من إزالة الشعر.
• لا يُفضّل تستخدميه في فترات الصيف اللي بيكون فيها الجو حر بصورة زايدة، ولو حصل واستخدمتيه ضروري تستخدمي معاه صن بلوك مناسب.