Garnier Color Naturals Hair Dye – صبغة غارنييه كولور ناتشرلز للشعر

صبغة Garnier Color Naturals Hair Dye/ صبغة غارنييه كولور ناتشرلز للشعر هي أول صبغة شعر مغذية بزيت الزيتون والافوكادو وزبدة الشيا. 

تركيبة فريدة من نوعها، مع بلسم غني بـ 3 مكونات مغذية (زيت الزيتون وزيت الأفوكادو وزبدة الشيا) بتغذى الشعر وتنعمه.

صبغة خالية من الأمونيا بتدي شعرك لون قوي وغني من غير ما تسبب له أي ضرر.

تغطية كاملة للشعر الأبيض بتوصل لـ 100% لمدة توصل لـ 8 أسابيع.

1. اعملي اختبار حساسية لمكونات الصبغة قبل الاستخدام، حتى لو مش أول تستخدميها، واتأكدي أن مفيش منها أي حساسية على بشرتك.
2. نضفي منطقة صغيرة في دراعك، واستخدمي كمية من المادة المسؤولة عن اللون Colorant مع المادة المنشطة للون Developer، واستني لمدة 48 ساعة وراقبي الجلد إذا ظهر فيه أي علامات تحسس.

*لو ظهر أي علامات للحساسية ارجعي للدكتور قبل ما تستخدمي المنتج ده.

1. قبل ما تبدأي في صبغ شعرك، مهم أنك تحمي كتفك ورقبتك، فـ استخدمي فوطة ولفيها كويس حوالين رقبتك.
2. سرحي شعرك من تحت لفوق بمشط واسع، واتأكدي أنه مفيش فيه أي تشابكات.
3. قسمي شعرك لـ 4 أجزاء صغيرة أو أكتر من كده، عشان تقدري توزعي الصبغة على كل خصلات شعرك بسهولة.
4. البسي جوانتي بلاستيك أو Gloves قبل ما تبدأي تخلطي الصبغة.
5. افتحي عبوة الـ Developer Creme الكريم المنشط للون، وكمان افتحي عبوة الـ Colorant Creme كريم اللون.
6. ضيفي العبوتين على بعض واخلطيهم كويس لحد ما يختلطوا تماما، وميكونش فيهم أي تكتلات.
7. ابدأي وزعي الخليط ده على خصلات شعرك من الجذور للأطراف، واتأكدي أنه غطى الشعر كله.
8. سيبي الصبغة على شعرك لمدة من 25-30 دقيقة، حسب كثافة شعرك وكمية الشعر الابيض فيه.
9. بعدها ابدأي اغسلي الصبغة بالمياه لحد ما كل البواقي تروح من شعرك.
10. بعد ما شعرك يتخلص تماما من الصبغة، استخدمي الـ Conditioner البلسم المرطب على أطراف شعرك، سيبيه لمدة دقيقتين وبعدين اغسليه بالمياه.