Bioderma Sensibio H2O – بيوديرما سينسيبيو ماء ميسيلار

ممكن نستخدم المنتج ده مع باقي منتجات البشرة الحساسة من بايوديرما زي:

•  Bioderma Sensibio cleanser غسول بيوديرما سينسيبيو

غسول بيوديرما من نفس المجموعة، مناسب جدًا للبشرة الحساسة و اللي بتتحسس بسهولة من أي مواد كيميائية أو أتربة.

مش بيحتوي على أي عطور زي كل منتجات Sensibio وده بيخليه من أفضل المنتجات المناسبة للبشرة الحساسة.

• Bioderma Sensibio light كريم مرطب بيوديرما سينسيبيو 

كريم مرطب خفيف من بيوديرما، مناسب للبشرة الحساسة الدهنية والمختلطة والعاديه.

بيرطب البشرة من غير ما يسبب انسداد المسام، ولا بيسبب إحساس بزيادة الدهون في البشرة.

مش بيحتوي على أي عطور ولا بارابين ومناسب للاستخدام كبرايمر قبل الـ Makeup.

• Bioderma Sensibio Rich كريم مرطب بيوديرما سينسيبيو

كريم مرطب قوي من بيوديرما للبشرة الحساسة الجافة والجافة جدًا.

بيرطب البشرة بعمق وبيساعد في تقوية حاجز البشرة، وبالتالي يزيد من قوة تحمله و يقلل من حساسيته.

مش بيحتوي على عطور و ده بيخليه مناسب جدًا للبشرة الحساسة الجافة.

ممكن يستخدم برايمر قبل الـ Makeup.

في بدائل كتير مختلفة للمنتج ده زي:

• Avene Micellar Lotion لوشن ميسيلار آفين

ميسيلار في صورة لوشن، ده بيخليه مناسب للبشرة الحساسة المعرضة للجفاف. 

• Uriage Micellar Water for ٍSensitive Skin يورياج ماء ميسيلار للبشرة الحساسة

ميسيلار يورياج المخصصة للبشرة الحساسة، واللي بتحتوي على مياه يورياج الحرارية.

مناسبة للبشرة الحساسة بكل أنواعها.

لأ، مش ضروري يكون المنتج ده جزء من روتينك اليومي، إلا لو بتستخدمي Makeup بصورة يومية أو لو استخدام الغسول بشكل يومي بينشف بشرتك.

لو بتستخدمي Makeup يومي، في الحالة دي يفضل نشيل الـ Makeup تمامًا قبل استخدام الغسول.

ده لأن الغسول مش بيتغلغل في مسام البشرة عشان ينضفها تمامًا من الـ Makeup زي الميسيلار.

كمان لو بشرتك بتنشف من الغسول اليومي خاصة في فصل الشتا، ممكن تستخدمي الميسيلار كبديل للغسول 3 أيام في الأسبوع لأنه هينضف بشرتك كويس من غير ما يسبب أي جفاف.

سعر ماء ميسيلار بيوديرما 189 جنيه