Beesline Lip Care Shea Butter & Avocado Oil/ بيزلين مرطب الشفايف بزبدة الشيا وزيت الأفوكادو

• استخدمي واقي شمس على الشفايف: التعرض للشمس لفترات طويلة دا بيسرّع من ظهور علامات الشيخوخة على الشفايف، والشمس بتأثر بشكل سلبي علي الشفايف زي ما بتأثر على بشرتك بالضبط، عشان كدا بننصحك تستخدمي واقي شمس على شفايفك طول أيام السنة مش بس في الصيف. ودا هيساعدك في تقليل حروق الشمس، وهيمنع من ظهور التجاعيد والبقع الغامقة في منطقة الشفايف.

• تقشير الشفايف: اعملي تقشير للشفايف مرة في الأسبوع على الأقل، لأن التقشير هيساعدك تتخلصي من خلايا الجلد الميتة والبقع الغامقة، وهيعيد نضارة شفايفك ويخليها رطبه أكتر.

ممكن تستخدمي منتجات مقشر الشفايف أو المنتجات الطبيعية المنزلية زي خلطة العسل والليمون (معلقة من العسل مع معلقة من السكر مع معلقة من عصير الليمون، ودلكي الخليط على الشفايف لمدة 5 دقايق، وبعدها اغسلي الشفايف بماء فاتر وبعدين استخدمي مرطب الشفايف).

• ترطيب الشفايف: الترطيب خطوة أساسية عشان تتخلّصي من جفاف الشفايف، لأن  منطقة الشفايف أكثر منطقة في الوجه بتتعرض للتشقّقات والجفاف، لأنها مش بتحتوي على الغدد الدهنية زي البشرة.

• اشربي مياه بكمية كبيرة في اليوم: الشفايف زي البشرة والجسم تماماً بتحتاج للمياه عشان تقدر تحافظ على رطوبتها ونضارتها طول الوقت.

• تناول مأكولات صحية: ننصحك بالأكل الصحي الغني بالمواد المضادة للأكسدة واللي بتحفز على إنتاج الكولاجين وبتمنع من جفاف شفايفك ومنها: (التوت، الأوراق الخضراء، المكسرات، سمك السلمون) كل دا بيساعد أن الجسم يقاوم ظهور التجاعيد على بشرة الشفايف.

• ابعدي عن التدخين: لأن التدخين بيسبب أمراض مختلفة زي سرطان الفم، وبيسبب لون غامق للشفايف، وكمان بيزود من ظهور التجاعيد حولين الشفايف.

• حافظي على صحة الأسنان: لأن الأسنان الغير صحية بتؤثر على الشفايف بشكل سلبي. عشان كده بننصحك تهتمي بنظافة الأسنان بشكل مستمر.

• إزالة مكياج الشفايف قبل النوم: خلي شفايفك تتنفس، قبل وقت النوم استخدمي قطعة من القطن مع مزيل المكياج وامسحي الروج من على شفايفك، لأن النوم بالماكياج بيسبب تلف وحساسية للبشرة.