تفاصيل المنتج
بيرطب بشرتك ويغذيها، ويهدي أي احمرار أو التهاب.
الحجم: 8 مل
الهدف منه: ترطيب البشرة
المادة الفعالة: خلاصة العسل, خلاصة الصبار Cactus
العلامة التجارية: Beesline - بيزلين
الوظيفة: ماسك
الخامة: ماسك قطني
خصائص المنتج
معلومات المنتج:
Beesline Facial Super Moisture Mask – بيزلين قناع بالصبار للترطيب، هو ماسك لترطيب البشرة بعمق.
بيحتوي على خلاصة العسل المغذية للبشرة، واللي بترطب بشرتك بعمق، وبتمنع وجود البكتيريا الضارة اللي ممكن تسبب ظهور الحبوب أو البثور في البشرة.
كمان بيحتوي على خلاصة الصبار المرطبة، الصبار محتواه الكبير من المياه؛ بيحافظ على الترطيب العميق لبشرتك، وكمان بيساعدها تحتفظ بالمياه في خلاياها السطحية.
الصبار كمان ليه خصائص مضادة للالتهاب والاحمرار، بيقلل من إحساس الشد اللي ممكن تحسي فيه في بشرتك، لما تكون جافة بنسبة زايدة عن الطبيعي.
الماسك خالي من السيليكون والفثالات والبارابين، ومناسب لكل أنواع البشرة.
- اغسلي بشرتك بالغسول المناسب ليها.
- وزعي الماسك على بشرتك كلها.
- سيبي الماسك لمدة 15 دقيقة على بشرتك.
- بعد الـ 15 دقيقة، دلكي الماسك على بشرتك، عشان تضمني امتصاص أكبر لمكوناته.
- امسحي بشرتك بالراحة بقطعة قطن أو منديل، مش محتاجه تغسليه.
- رطبي بشرتك بالمرطب المناسب ليها.
معلومات طبية:
خلاصة العسل Honey
العسل من المكونات المفيدة لأجسامنا قبل بشرتنا، ده لأنه غني بمجموعة كبيرة من الفيتامينات والفلافونويد والأحماض، اللي بتحافظ على صحة بشرتك وترطيبها.
من أهم فوايد العسل:
- مرطب قوي للبشرة، بيشتغل عن طريق إنه بيحسن الترطيب من البيئة المحيطة ببشرتك ويحبسه جواها، وبيساعدها تحتفظ بالترطيب لفترة أطول.
- بيقوي الحاجز الدهني للبشرة، وبيزود قدرتها على تحمل ظروف البيئة المختلفة زي التلوث والأتربة.
- بيطهر البشرة، عن طريق إنه بيتخلص من البكتيريا الضارة اللي ممكن تسبب الحبوب والبثور.
- بيسرع من عملية التئام البشرة من أي جروح أو تشققات موجودة فيها.
- بيساعد على التفتيح، وبيتخلص من التصبغات والبقع، وبيوحد لون البشرة.
خلاصة الصبار Cactus
الصبار من النباتات المفيدة لكل أنواع البشرة، ده بسبب محتواه الكبير من الفيتامينات والمعادن اللي بتغذي البشرة، وبترطبها، وبتوحد لونها.
من أهم فوايد الصبار:
- مضاد للالتهاب ومضاد للبكتيريا، بيقلل من تراكم الميكروبات الضارة في مسام بشرتك، وبيخلي المسام نضيفة ومشدودة.
- بيعالج البقع والتصبغات بسبب احتوائه على مركب الألوسين Aloesin، سواء البقع الناتجة عن التعرض لأشعة الشمس من غير حماية، أو البقع اللي بتظهر بعد حب الشباب.
- بيرطب البشرة، الصبار بيحتوي على نسبة كبيرة من المياه، وعشان كده بيزود نسبة المياه الموجودة في بشرتك، وكمان بيحتوي على مجموعة من السكريات، اللي بتساعد بشرتك تحبس الرطوبة دي في خلايا البشرة السطحية.
- الترطيب القوي من الصبار، بيحسن من مظهر علامات الشيخوخة زي الخطوط الرفيعة والتجاعيد.
- بيحفز إنتاج حمض الهيالورونيك وألياف الكولاجين والإيلاستين، اللي بترطب بشرتك وتحميها من علامات التقدم في السن.
Aqua.
Vegetable Glycerin.
Cucurbita Pepo (Pumpkin) Fruit Extract.
Opuntia Vulgaris (Cactus) Leaf Extract.
Mel (Honey).
Caprylic/ Capric Triglyceride.
Alcohol Denat.
Carbomer.
Aloe Barbandensis (Aloe Vera) Leaf Extract.
Mentha Piperita (Peppermint) Oil.
Parfum.
Potassium Sorbate.
Sodium Benzoate.
Yellow CI 19140.
Red CI 45430.
Blue CI 73015.
قولي لنا رأيك