يوريبار كريم للجسم – Urepar 10 Body Cream

يوريا Urea: 

اليوريا مادة موجودة بصورة طبيعية في بشرتنا، وتعتبر واحدة من عوامل الترطيب التلاتة الطبيعية الموجودة في الطبقة الخارجية من البشرة.

في حالة الجلد الجفاف، كمية اليوريا اللي بتكون في البشرة بتكون منخفضة عن الطبيعي.

عشان كدا كريمات اليوريا بتكون مفيدة جدا في أمراض جفاف الجلد المختلفة زي، الاكزيما والصدفية.

اليوريا بتزود ترطيب الجلد عن طريق أنها بتقلل من فقد المياه من البشرة أو الطبقة السطحية من الجلد، وبتخلي بشرتك أنعم وأصح.

من أهم تأثيرات اليوريا على البشرة:

1. تأثير مرطب، بتجذب المياه وتحتفظ بيها جوه خلايا الجلد.
2. تأثير منعّم، اليوريا بتنعم الطبقة القرنية من البشرة، وبالتالي بتسهل على بشرتك التخلص من تراكمات الخلايا الميتة فيها.
3. تأثير مقوي، بتقوي حاجز بشرتك، وتحميه من الجفاف، وبتخليه قادر أكتر يتحمل ظروف البيئة.
4. تأثير مضاد للالتهاب، اليوريا مضادة للحكة والالتهاب، بتقلل من التهاب البشرة وبتهديها، وبترطبها.

زيت الصويا soy oil 

1. بيحسن من قدرة البشرة على حبس الرطوبة جواها، وبيقلل من فقدانها للمياه من الطبقات السطحية.
2. بيحتوي على حمض اللينوليك، وهو حمض دهني أساسي بيدخل في بناء السيراميد، وبيقوي حاجز البشرة، وبيساعده يتحمل ظروف البيئة المختلفة.
3. غني بفيتامين E والأحماض الدهنية الأساسية والليسيثين والجينيستين، وكل مضادات الأكسدة اللي بتحمي خلايا الجلد من الملوثات والسموم وبتساعدها تصلح نفسها.
4. بيحمي البشرة من الالتهابات والاحمرار.
5. بيحتوي على دهون طبيعية مشابهه للي موجودة في البشرة، ودا بيحافظ على ترطيب الجلد وبيقوي حاجز البشرة.

الجلسرين Glycerin

الجلسرين مفيد للبشرة لأنه يعمل كمرطب جاذب للرطوبة، دا معناه أنه بيجذب الترطيب من البيئة المحيطة ويحبسه في البشرة.

بكدا بيعالج الجفاف، وبيقلل من تقشر وتشقق البشرة.

زبدة الشيا Shea butter

1. مرطب قوي للبشرة الجافة، بسبب محتواها الدهني العالي، بتحبس الترطيب في البشرة، وبتحافظ عليها مرطبة وناعمة لفترة طويلة.
2. بتخترق البشرة بسهولة، وبتنعمها وترطبها، من غير ما تسد المسام.
3. بتقلل من التهاب الجلد، زبدة الشيا بتحتوي على مشتقات حمض سيناميك اللي ليها خصائص مضادة للالتهاب والاحمرار.
4. بتزود مرونة الجلد، عن طريق أنها بتزود إنتاج الكولاجين في الجلد، وبالتالي بتحافظ على مرونة وترطيب البشرة.
5. بتقلل من التهيج والالتهابات اللي بتحصل بعد إزالة الشعر من أماكن مختلفة في الجسم.

• urea 10%
• soy oil
• Glycerin
• shea butter.