كريم ستارفيل للبشرة المعرّضة لحَب الشباب – Starville Acne-Prone Cream

• زيت شجرة الشاي Tea Tree oil:

1. من المواد المفضلة في علاج حب الشباب، بسبب خواصه المطهرة والمضادة للبكتريا والالتهابات.
2. بيلطِّف ويهدِّي الاحمرار والتورم والجلد الملتهب، كمان بيمنع ظهور آثار لحب الشباب، وبيخلي الجلد ناعم وصافي.

• مستخلص الميرمية Saga Extract:

1. بينظّم إفراز الجلد للزيوت، لأنه بيحتوي على مادة ليناليل أسيتات Linalyl acetate اللي بتحافظ على حالة الجلد في المنطقة الوسط بين البشرة الدهنية اللزجة والبشرة الجافة المتقشرة.
2. بيمنع نمو البكتريا اللي ممكن تسبب التهاب حب الشباب، لأنه بيحتوي على مادة ألفا تيربينول Alpha-terpineol بخواصها المضادة للميكروبات، وحمض الروزمارينك Rosmarinic acid وحمض الإيلاجيك Ellagic acid بخواصهم المضادة للالتهابات.
3. بيساعد في عملية شفاء الجلد وتجديد خلاياه بسبب وجود مادة كاريوفيللين Caryophyllene بخواصها المضادة للأكسدة، واللي بتحمي الجلد من التلف.
4. بيساعد في ترطيب البشرة وحمايتها من العوامل الخارجية لأنه بيحتوي على أحماض دهنية زي حمض اللينولينك Linolenic acid وحمض الأوليك Oleic acid، كمان بيوفر حاجز حماية من الأشعة فوق البنفسجية فبيمنع التهيج والالتهابات.
5. ليه خواص مفتحة ومضادة للتصبغات، بيفتِّح البقع اللي بتبقى موجودة بعد حب الشباب، ويوحّد لون البشرة.

• حمض الساليسيلك Salicylic Acid:

1. بيقشّر الجلد وينضّف المسام.
2. بيخترق الجلد ويكسر روابط خلايا الجلد الميت اللي بتسد المسام، فيقضي على الرؤوس البيضا والسودا.
3. ليه خواص مضادة للبكتريا والالتهابات، فبيساعد في علاج حب الشباب.
4. بيقلل إنتاج الزيوت في البشرة الدهنية.

• بانثينول Panthenol: بيرطب وينعم البشرة ويحافظ عليها من الجفاف اللي ممكن يسببه حمض الساليسلك لما يقلل إفراز الزيوت، فنقدر نقول عليه معادل لتأثيره المش مستحب، كمان بيهدّي الاحمرار والالتهابات.

مستخلص جل الصبار Aloe Vera Extract: بيساعد في علاج حب الشباب بسبب خواصه المرطبة، وكمان قدرته على شفاء الجروح والندبات واستعادة سلامة الجلد.

• Tea Tree Oil
• Sage Extract
• Salicylic Acid
• Panthenol
• Chlorhexidine
• Aloe Vera Extract
• Vitamin E
• Chamomile Extract
• Propolis Extract
• Vitamin A
• Rosemary Extract