كريم إيفا كولاجين مرطب لفوق العشرين – Eva Collagen Moisturizing Cream 20

• خلاصة الكولاجين البحري Natural Marine collagen

الكولاجين من المكونات المهمة جدًا للبشرة، وهو في الطبيعي بيشكل نسبة ٧٠٪  من تركيبها تقريبًا.

أما عمرنا بيزيد، كمية الكولاجين الموجودة في بشرتنا بتقل، ودا بيخلي علامات التقدم في السن والخطوط الرفيعة تبدأ تظهر في البشرة.

جزيء الكولاجين بطبيعته حجمه كبيرة، ودا بيخلي قدرته على الدخول في طبقات البشرة ضعيفة، لكن أما بنستخدمه بصورة موضعية بيكون مرطب قوي للبشرة، وبيكون ليه فوايد كتيد من أهمها:

• بينعم البشرة

الكولاجين من المكونات الأساسية لطبقة الـ dermis الموجودة في الجلد، وعشان كدا أما بتستخدميه على بشرتك بصورة موضعية بيخليها ناعمة ومترطبة بعمق وصحية.

• بيحسن من مرونة البشرة

في فترة الشباب بشرتك بتنتج كميات كبيرة من الكولاجين والإيلاستين، المادتين دول بيحافظوا على مرونة البشرة، وبيقللوا من ظهور التجاعيد فيها.

مع التقدم في السن، بشرتك بتبدأ تنتج كميات أقل من المادتين دول، و دا بيخلي بشرتك تظهر بصورة باهتة.

لكن استخدام الكولاجين الموضعي في صورة كريم بيحافظ على ترطيب بشرتك، وبيزود مرونتها.

• مرطب للبشرة

البشرة الصحية هيا بشرة مترطبة.

أما بتكون بشرتك جافة ممكن تلاحظي ظهور أعراض مختلفة فيها زي الاحمرار والحكة والالتهاب، وممكن كمان الموضوع يوصل للاكزيما.

الكولاجين بيحافظ على ترطيب وصحة بشرتك، وبيحميها من الجفاف خاصة في فصل الشتا.

• النياسيناميد

من أهم فوايده للبشرة:

بيزود ترطيبها

من أهم أسباب جفاف البشرة هو ضعف الحاجز الدهني الواقي ليها، وبالتالي ضعف قدرة الحاجز دا على حبس الترطيب بصورة كافية.

النياسيناميد بيحسن من الحاجز الواقي للبشرة عن طريق أنه بيحفز تكوين السيراميد داخل الجلد، والسيراميد من المكونات المهمة جدا للجلد واللي بتساعد في الحفاظ على الروابط القوية الموجودة بين الخلايا.

بيزود من قدرة بشرتك على تحمل ظروف البيئة

احمرار والتهاب البشرة بيحصل أحيانا نتيجة استجابة البشرة القوية لمحفزات خارجية زي حبوب اللقاح والمواد الكيميائية والعطور الاصطناعية والطقس القاسي، دا بيسبب تلف في حاجز البشرة وبالتالي بيسبب التهابها بصورة كبيرة.

ممكن الـ Niacinamide يساعد في تعزيز قدرة الجلد على تحمل العوامل الخارجية دي بصورة أكبر عن طريق المساعدة في تقوية حاجز البشرة.

مضاد قوي للأكسدة

النياسيناميد من المواد المضاد بقوة للأكسدة، وبالتالي هو بيقدر يقلل من حاجة اسمها الإجهاد التأكسدي، دا عبارة عن تفاعل ضار بيحصل أما الجلد يتعرض لعناصر خارجية زي التلوث أو أشعة الشمس المباشرة أو أي عناصر ضارة تانيه. 

بيحميكي من علامات تقدم سن البشرة

النياسيناميد عنده القدرة على المساعدة في تحسين إنتاج الكولاجين في الجلد ودا بيؤدي إلى بشرة نضرة وممتلئة اكتر مع عدد أقل من الخطوط الدقيقة والتجاعيد. 

بيقلل التصبغات والبقع الداكنة 

النياسناميد بيقلل من التصبغات والبقع الغامقة في البشرة وآثار الحبوب، وبيوحد لون البشرة بصورة كبيرة، دا لأنه بيساعد في تكسير الميلانين الزيادة في البشرة.

الميلانين هو الصبغة الموجودة بصورة طبيعية في بشرتنا، واللي بتدي بشرتنا لونها المميز.

مع تعرض البشرة لعوامل البيئة المختلفة زي أشعة الشمس فوق البنفسجية مثلا، كمية الميلانين بتزيد وبالتالي بتبدأ تظهر التصبغات والبقع في بشرتنا.

Aqua

PPG-15 Stearyl Ether

Caprylic/​Capric Triglyceride

Glyceryl Stearate

Glycerin

Cetearyl Alcohol

Petrolatum

Paraffinum Liquidum

Isostearyl Alcohol

PEG-100 Stearate

PEG-40 Stearate

Soluble Collagen

Stearic Acid

Cyclopentasiloxane

Cholesterol

Propylene Glycol

Fragrance

Diazolidinyl Urea

Octadecenedioic Acid

Vitamin B3

Methylparaben

Sodium Cetearyl Sulfate

Propylparaben