كريم اكرين لعلاج حَب الشباب – Akren Cream For Acne

أهم مكونات كريم اكرين Akren Cream:

• حمض الساليسيلك Salicylic Acid:

1. بيقشّر الجلد وبينضَّف المسام.
2. بيفكك خلايا الجلد الميت اللي بتسد المسام، فبيقضي على الرؤوس البيضا والسودا.
3. مضاد للبكتيريا والالتهابات، فبيساعد في علاج حب الشباب.
4. بيتحكم في إنتاج الزيوت في البشرة.

• زيت شجرة الشاي Tea Tree oil:

1. من المواد المفضلة في علاج حب الشباب، بسبب خواصه المطهرة والمضادة للبكتيريا والالتهابات.
2. بيلطّف ويهدّي الاحمرار والتورم والجلد الملتهب، كمان بيمنع ظهور آثار لحب الشباب، وبيخلي الجلد ناعم وصافي.
3. يفكك الدهون اللي بتتراكم على البشرة، وبيتحكم في عملية إفراز الزيوت.
4. بيخلص البشرة من الشوايب، وبيمنع ظهور الرؤوس السودا وحب الشباب.

• مستخلص العرقسوس Licorice Extract:

1. بيحتوي على مادة الجلابريدين Glabridin اللي بتعطل عمل إنزيم التيروزيناز Tyrosinase، الإنزيم دا هو المسؤول عن تحويل مادة التيروسين Tyrosine لصبغ الميلانين Melanin اللي بيسبب البقع الغامقة، وبيُفرَز عند التعرض للشمس، أو في حالة حدوث التهاب بسبب فرقعة الحبوب.
2. بيحتوي على مادة ليكويريتين Liquiritin، اللي بتساعد في التخلص من الميلانين Melanin اللي اتكوّن في البشرة، وبالتالي بيفتّح البقع والغمقان اللي موجود بالفعل.
3. بيحتوي على مادة ليكوكالكون أ  Licochalcone A، اللي بتساعد في التحكم بمحتوى الدهون في البشرة.
4. بيساعد في الحصول على بشرة صافية، لأنه مضاد قوي للأكسدة، بيحمي البشرة من العوامل الخارجية والجذور الحرة، اللي بيسببوا البقع الغامقة.

• فيتامين هـ Vitamin E: بيحتوي على مضادات أكسدة والتهابات، وليه خواص مرطبة وخواص بتساعد على التئام جروح الجلد، كل ده بيساعد جداً في تحسين شكل البشرة وتفتيحها.

• فيتامين ج Vitamin C:

1. بيسرّع إنتاج الكولاجين Collagen والإيلاستين Elastin اللي بيحافظوا على شكل ومرونة الجلد، فبيساعد في علاج الندبات والآثار اللي بيسببها حب الشباب.
2. بيفتح البشرة وبالذات البقع الغامقة اللي بيسببها حب الشباب، لأنه بيقلل كمية صبغ الميلانين Melanin اللي بتفرزها خلايا الجلد، عن طريق إنه بيتفاعل مع التيرونيز Tyrosinase وهو الإنزيم المسؤول عن تحويل الحمض الأميني تيروزين Tyrosine إلى الميلانين Melanin.

• فيتامين أ Vitamin A:

1. بيساعد في استعادة سلامة الجلد، وبيعزز الترطيب الطبيعي، وبيساعد في الحفاظ على صحة أول طبقتين في البشرة، وبالتالي بيحافظ على الشكل الصحي المنوّر.
2. مضاد للأكسدة، بيحمي البشرة من الجذور الحرة والالتهابات، فبيساعد في علاج حب الشباب، وبيقلل الالتهاب والاحمرار وتلف خلايا الجلد.
3. بيمنع إنتاج الدهون الزيادة في البشرة الدهنية.

• بانثينول Panthenol: بيرطب وينعّم البشرة ويحافظ عليها من الجفاف، كمان بيهدّي الاحمرار والالتهابات. 

• إكليل الجبل Rosemary :

1. ليه خواص مضادة للالتهاب، بيساعد على تقليل احمرار وتورم الجلد، وبيهدّي البشرة، وبيساعد في التئام الجروح.
2. ليه خواص مطهرة ومضادة للبكتيريا، بيقضي على البكتيريا المسببة لحب الشباب، وبيحسن من الدورة الدموية في الجلد لتلاشي البقع الغامقة والندبات مكان الحبوب.

• الزعتر Thyme:

1. بينشط الدورة الدموية ويزوّد تدفق الدم للبشرة، فبيحسن من شكل البشرة المرهقة، وكمان بيساعد في شفاء الجلد، وبيِخفي آثار حب الشباب بالتدريج.
2. بيهدّي ويلطف البشرة اللي بتعاني من التهيج والالتهابات.
3. بيساعد في علاج حب الشباب لأنه بيحتوي على مواد مضادة للالتهابات البكتيرية والفطرية.

• جلسرين Glycerin: مرطب مفيد للبشرة، بيخليها تحتفظ بالرطوبة جواها، وبيحميها من الجفاف.

• الصبار Aloe Vera:

1. بيحتوي على مضادات أكسدة، وإنزيمات، وفيتامينات A وC، غير إنه مضاد فعال للالتهاب، فبيساعد في علاج حب الشباب وحالات جفاف الجلد.
2. بيرطب البشرة، وبيساعد في التئام الجروح، وبيفتح البقع الغامقة.
3. مضاد للبكتيريا، بيقلل البكتيريا المسببة لحب الشباب.

• زيت النعناع Peppermint Oil: بينضف البشرة بشكل طبيعي، وله خواص مطهرة ومضادة للبكتيريا، غير إن له تأثير مُبرِد بيهدي التهيج والالتهاب اللي بيسببه حب الشباب.

• زيت الميرمية Saga Oil:

1. بينظّم إفراز الجلد للزيوت، لأنه بيحتوي على مادة ليناليل أسيتات Linalyl acetate اللي بتحافظ على حالة الجلد في المنطقة الوسط بين البشرة الدهنية اللزجة والبشرة الجافة المتقشرة.
2. بيمنع نمو البكتيريا اللي ممكن تسبب التهاب حب الشباب، لأنه بيحتوي على مادة ألفا تيربينول Alpha-terpineol بخواصها المضادة للميكروبات، وحمض الروزمارينك Rosmarinic acid وحمض الإيلاجيك Ellagic acid بخواصهم المضادة للالتهابات.
3. بيساعد في عملية شفاء الجلد وتجديد خلاياه بسبب وجود مادة كاريوفيللين Caryophyllene بخواصها المضادة للأكسدة، واللي بتحمي الجلد من التلف.
4. بيساعد في ترطيب البشرة وحمايتها من العوامل الخارجية لأنه بيحتوي على أحماض دهنية زي حمض اللينولينك Linolenic acid وحمض الأوليك Oleic acid، كمان بيوفر حاجز حماية من الأشعة فوق البنفسجية فبيمنع التهيج والالتهابات.
5. ليه خواص مفتحة ومضادة للتصبغات، بيفتَّح البقع اللي بتبقى موجودة بعد حب الشباب، ويوحّد لون البشرة.

• صمغ النحل Propolis:

1. بيحافظ على البشرة خالية من الشوايب، وبيخليها تختفظ بالرطوبة بتاعتها.
2. غني بمضادات الأكسدة زي المركبات الفينولية phenolic compounds والفلافونويدات flavonoids اللي بتحمي البشرة من التأثير السلبي للجذور الحرة.
3. ليه خواص مضادة للبكتيريا والالتهابات، فبيساعد في التخلص من حبوب الشباب، وبيمنع ظهورها، وبيخفف من آثارها.

• ألانتوين Allantoin:

1. مضاد فعال لتيهيج البشرة، وبيساعد بشكل كبير في التئام الجروح لأنه بيعزز تجديد الخلايا.
2. بيرطب البشرة وينعمها، وبيحسن من صحة الجلد لأنه بيحتوي على البانثينول.
3. بيساعد في تقليل الاحمرار بسبب حب الشباب، وبيقلل من ظهور آثار مكانه بسبب خواصه المهدئة والمرطبة مع قدرته على تجديد الخلايا.

Salicylic Acid Tea Tree Oil Licorice Vitamin E Vitamin C Vitamin A Panthenol Rosemary Thyme Glycerin Aloe Vera Peppermint Oil Saga Oil Chlorohexidine Propolis Alantoin Parrafin Oil Castor Oil