تفاصيل المنتج
غسول إيفا بحمض الهيالورونيك هو غسول لتنظيف وترطيب البشرة، بيتميز أنه مناسب لكل أنواع البشرة، بينضف بشرتك من غير ما يسبب جفافها أو التهابها بفضل محتواه العالي من المكونات المرطبة والمغذية للبشرة.
الحجم: ١٦٠ مل
الهدف منه: تنظيف وترطيب البشرة
المادة الفعالة: حمض الهيالورونيك Hyaluronic Acid
العلامة التجارية: Eva Skin Clinic - إيفا سكين كلينيك
الوظيفة: غسول
الخامة: جل
خصائص المنتج
معلومات المنتج:
- غسول إيفا بحمض الهيالورونيك – Eva Hyaluronic Acid Facial Wash هو غسول منظف ومرطب لكل أنواع البشرة.
- بيتميز أنه لطيف على البشرة، وغني بحمض الهيالورونيك اللي بيسحب المياه لبشرتك ويحبسها جواها، وبالتالي بيحافظ على بشرتك صحية ومترطبة كل الأوقات.
- الغسول مناسب لكل أنواع البشرة، ومش بيسبب أي جفاف أو التهاب أو إحساس بالشد في البشرة بعد استخدامه، لكن زي أي منتج جديد، يفضل أنك قبل ما تدخلي أي منتج جديد في روتين بشرتك تعملي ليه اختبار حساسية عشان تتأكدي أنه مناسب لنوع وطبيعة بشرتك.
- عشان توصلي لأفضل نتايج من الغسول دا، يفضل أنك تستخدميه مع باقي مجموعة ايفا بحمض الهيالورونيك لترطيب وتغذية البشرة.
- بيستخدم مرة أو مرتين يوميًا على بشرة رطبة.
- دلكيه برفق على بشرة الوجه و الرقبة.
- اغسليه بالمياه، ويفضل تستخدمي مرطب بعده عشان تحافظي على ترطيب البشرة.
معلومات طبية:
حمض الهيالورونيك Hyaluronic Acid
حمض الهيالورونيك من المكونات المهمة جدًا للحفاظ على صحة الجلد وحاجز البشرة، وهو واحد من المكونات اللي بتكون موجودة بصورة طبيعية في بشرتنا، لكن نسبته بتقل مع الوقت.
نقص كمية الحمض دا من البشرة، بيكون سبب أساسي في ظهور علامات الشيخوخة في البشرة، زي الخطوط الرفيعة والتجاعيد وغيرها، عشان كدا مهم أنك تدخليه في روتينك بأشكال مختلفة.
من أهم فوايد حمض الهيالورونيك للبشرة:
- ترطيب البشرة
جزيء حمض الهيالورونيك قادر أنه يرتبط ب ١٠٠٠ ضعف أد حجمه مياه، وكمان بيقدر أنه يدخل المياه في طبقات البشرة المختلفة، وبالتالي يحافظ عليها ناعمة وصحية ومترطبة.
كمان ممكن تستخدميه مع أي منتج تاني للعناية بالبشرة، لأنه مش بيتعارض مع أي منتج تاني.
- تقوية حاجز البشرة الدهني
حاجز البشرة الدهني هو الطبقة الخارجية اللي بتحمي جسمك من عوامل البيئة الخارجية والميكروبات والتلوث اللي ممكن يسبب تلف في بشرتك، ويخليها تصاب بالالتهاب والاحمرار.
نقص حمض الهيالورونيك بيضعف حاجز بشرتك بصورة كبيرة، ودا بيخلي بشرتك معرضة للالتهاب والاحمرار بكل سهولة، عشان كدا مهم أنك تدخليه في روتينك عشان تقوي حاجز بشرتك، وتزودي من قدرة البشرة على تحمل كل العوامل الضارة اللي بتتعرض لها.
- دعم مرونة البشرة
استخدام حمض الهيالورونيك بيحافظ على مرونة البشرة، وبيحميها من ظهور التجاعيد، وبيحافظ عليها صحية ومرنة ومترطبة.
Hyaluronic Acid
ضيفي أول ريڤيو عن “غسول إيفا بحمض الهيالورونيك – Eva Hyaluronic Acid Facial Wash”