غسول اكرين – Akren Cleanser

قبل ما تعرفي سعر غسول اكرين للبشرة الدهنية وليه هو سعره مناسب جدًا لتأثيره، مهم أنك تعرفي مكوناته بالتفصيل.

أهم مكونات غسول أكرين Akren Cleanser

• زيت شجرة الشاي Tea Tree oil:

1. بيفكك الدهون اللي بتتراكم على البشرة الدهنية، وبيتحكم في عملية إفراز الزيوت.
2. بيخلص البشرة من الشوايب، وبيمنع ظهور الرؤوس السودا.
3. بيساعد في منع ظهور حب الشباب، وبينعم الجلد ويخليه صافي.

• فيتامين هـ Vitamin E: بيحتوي على مضادات أكسدة والتهابات، وليه خواص مرطبة وخواص بتساعد على التئام جروح الجلد، كل ده بيساعد جداً في تحسين شكل البشرة وتفتيحها.

• جلسرين Glycerin: مرطب مفيد للبشرة، بيخليها تحتفظ بالرطوبة جواها، وبيحميها من الجفاف.

• فيتامين ج Vitamin C:

• بيسرّع إنتاج الكولاجين Collagen والإيلاستين Elastin اللي بيحافظوا على شكل ومرونة الجلد، فبيساعد في علاج الندبات والآثار اللي بيسيبها حب الشباب.
• بيفتح البشرة وبالذات البقع الغامقة اللي بيسببها حب الشباب، لأنه بيقلل كمية صبغ الميلانين Melanin اللي بتفرزها خلايا الجلد، عن طريق إنه بيتفاعل مع التيرونيز Tyrosinase وهو الإنزيم المسؤول عن تحويل الحمض الأميني تيروزين Tyrosine إلى الميلانين Melanin.

• خلاصة الزعتر Thyme Extract:

1. بينشط الدورة الدموية ويزوّد تدفق الدم للبشرة، فبيحسن من شكل البشرة التَعبانة، وكمان بيساعد في شفاء الجلد، وبيِخفي آثار حب الشباب بالتدريج.
2. بيهدّي ويلطف البشرة اللي بتعاني من التهيج والالتهابات.
3. بيساعد في علاج حب الشباب لأنه بيحتوي على مواد مضادة للالتهابات البكتيرية والفطرية.

• مستخلص العرقسوس Licorice Extract:

1. بيحتوي على مادة الجلابريدين Glabridin اللي بتعطل عمل إنزيم التيروزيناز Tyrosinase، الإنزيم دا هو المسؤول عن تحويل مادة التيروسين Tyrosine لصبغ الميلانين Melanin اللي بيسبب البقع الغامقة، وبيُفرَز عند التعرض للشمس، أو في حالة حدوث التهاب بسبب فرقعة الحبوب.
2. بيحتوي على مادة ليكويريتين Liquiritin، اللي بتساعد في التخلص من الميلانين Melanin اللي اتكوّن بالفعل في البشرة، وبالتالي بيفتّح البقع والغمقان اللي موجود بالفعل.
3. بيحتوي على مادة ليكوكالكون أ  Licochalcone A، اللي بتساعد في التحكم بمحتوى الزيوت في البشرة الدهنية.
4. بيساعد في الحصول على بشرة صافية، لأنه مضاد قوي للأكسدة، بيحمي البشرة من العوامل الخارجية والجذور الحرة، اللي بيسببوا البقع الغامقة.

• حمض الساليسيلك Salicylic Acid:

1. بيقشّر الجلد وينضّف المسام.
2. بيكسر روابط خلايا الجلد الميت اللي بتسد المسام، فيقضي على الرؤوس البيضا والسودا.
3. مضاد للبكتيريا والالتهابات، فبيساعد في علاج حب الشباب.
4. بيقلل إنتاج الزيوت في البشرة الدهنية.

• بانثينول Panthenol: بيرطب وينعّم البشرة ويحافظ عليها من الجفاف اللي ممكن يسببه حمض الساليسلك لما يقلل إفراز الزيوت، كمان بيهدّي الاحمرار والالتهابات.

• ألانتوين Allantoin:

1. مضاد فعال لتهيج البشرة، وبيساعد بشكل كبير في التئام الجروح لأنه بيعزز تجديد الخلايا.
2. بيرطب البشرة وينعمها، وبيحسن من صحة الجلد لأنه بيحتوي على البانثينول.
3. بيساعد في تقليل الاحمرار بسبب حب الشباب، وبيقلل من ظهور آثار مكانه بسبب خواصه المهدئة والمرطبة مع قدرته على تجديد الخلايا.

Tea Tree Oil Vitamin E Glycerin Vitamin C Citric Acid Thyme Extract licorice Extract Salicylic Acid Panthenol Allantoin