سي ميكس بلاس أمبولات – C Mix Plus Ampoules

فيتامين سي Vitamin C

فيتامين سي من أهم الفيتامينات اللي بتستخدم للعناية بالبشرة، لأنه مضاد قوي للأكسدة، ومحفز قوي للكولاجين.

من أهم فوايد فيتامين سي للبشرة:

• بيقلل التصبغات

بيعمل كدا عن طريق أنه بيعطل دورة تكوين الميلانين في البشرة، وهو الصبغة اللي بتسبب ظهور البقع والتصبغات في أنواع البشرة المختلفة.

فيتامين سي بيعطل نشاط  إنزيم التيروسينيز  Tyrosinase، وهو الإنزيم المحفز لتكوين الميلانين في البشرة، والل يمن غيره مش بتكمل دورة تكوين التصبغات.

• بيحسن من مظهر التجاعيد

فيتامين سي من الفيتامينات المحفزة لتكوين الكولاجين في البشرة، وبالتالي بيساعد بشرتك تحتفظ بمرونتها، وبيحميها من علامات الشيخوخة والتجاعيد المختلفة.

• مضاد قوي للأكسدة

فيتامين سي من الفيتامينات المضادة للأكسدة القوية، واللي بتحمي بشرتك من الجذور والشوارد الحرة اللي ممكن تسبب التهابها أو احمرارها.

حمض الهيالورونيك Hyaluronic Acid

حمض الهيالورونيك من الأحماض المرطبة الموجودة في البشرة بصورة طبيعية.

حمض الهيالورونيك بيلعب دور مهم في الحفاظ على ترطيب البشرة، ودا لأنه بيقدر يمتص المياه من البيئة المحيطة ويحتفظ بيها في بشرتك.

مع الوقت والتقدم في السن، بشرتك بتبدأ تفقد حمض الهيالورنيك عشان كدا مهم تستخدميه من مصدر خارجي، عشان تحافظي على ترطيب ومرونة بشرتك، وتحميها من التجاعيد وعلامات التقدم في السن.

الريتينول Retinol

الريتينول هو مشتق من فيتامين أ، وهو مكون بيعمل على زيادة تجديد خلاي البشرة وبيقلل من انسداد المسام، وبيحمي البشرة من الشوائب والحبوب أنها تظهر فيها.

من أهم فوايد الريتينول للبشرة:

• بيعالج حب الشباب

الريتينول من أهم المكونات اللي بتعالج حبوب الشباب، لأنه بيساعد على فتح مسام البشرة وبيمنع تراكم الأوساخ والأتربة فيها.

• بيقلل من علامات التقدم في السن

الريتينول هو واحد من أهم المكونات اللي بتقلل علامات التقدم في السن وبتحارب الشيخوخة.

دا لأنه بيسرع من معدل تجديد الخلايا، وبالتالي بيحافظ على بشرتك ناعمة وصحية وبيقلل من ظهور التجاعيد والخطوط الرفيعة فيها.

• بيوحد لون البشرة

نظرًا لأن الريتينول بيحفز تجديد خلايا البشرة، ف ممكن تلاحظي أنه ليه تأثير مقشر على البشرة، والبتالي بيساعدك تتخلصي من تراكمات الجلد الميت على سطح بشرتك وبيخليها ناعمة وصحية وفيها نضارة.

• Vitamin C.
• Hyaluronic Acid.
• Retinol.